Asiron Iruñeko alkate bihurtzeko zentsura mozioa aurkeztuko dute EH Bilduk, PSNk, Geroa Baik eta Zurekin Nafarroak
Abenduaren 28an egingo den Iruñeko udal bilkurarako zentsura mozioa erregistratu dute EH Bilduk, PSNk, Geroa Baik zein Zurekin Nafarroa talde politikoek. Hala, Cristina Ibarrola UPNko egungo alkatea kargutik kendu eta EH Bilduko Joseba Asironek hartuko luke aginte makila.
EH Bilduk, Geroa Baik, Zurekin Nafarroak eta PSNk Cristina Ibarrola Iruñeko alkatetzatik kanporatzeko zentsura mozioa erregistratu dute asteazken honetan.
Ekainean ez ziren ados jarri, eta PSNren abstentzioarekin Ibarrola jarri zuten alkate; alderdi sozialistaren jarrera aldaketa gakoa izan da UPNri alkatetza hori kentzeko.
Goizeko lehen orduetan zabaldutako informazioen arabera Joseba Asiron bihurtuko da alkate abenduaren 28ko udal batzarraren ondotik, eta Iruñean zein Nafarroan ziklo politiko berri bat ireki dezake horrek.
Izan ere, orain arte PSNk ez du EH Bildurekin akordiorik egin nahi izan eta beste hainbat alkatetza UPNren esku geratu dira horren ondorioz, Lizarrakoa edo Barañaingoa kasu. Iruñean UPNk 9 zinegotzi ditu, EH Bilduk 8, PSNk 5, Geroa Baik 2, PPk 2 eta Zurekin Nafarroak bat.
Abenduaren 28an Asiron alkate bihurtuko bada ere, zenbait iturrien arabera sozialistak ez dira gobernu taldean sartuko.
Euskadi Irratiarekin egindako elkarrizketan Geroa Baiko Koldo Martinezek esan du osaera "argitu gabe" dagoela eta beraien apustua ahalik eta "transbertsalena" izatea dela.
Martinezen aburuz, PSNren jarrera aldaketa Espainiako Kongresuan eztabaidatzen ari diren Amnistiaren Legearekin etorri da: "Alderdi sozialista beldur zen, baina momentu honetan Amnistiaren Legea pil-pilean dagoela kontuan hartuta, zarata gehiago aterako du horrek".
Ibarrolak goizeko 9:00etan ekitaldi bat zuen asteazkenean, baina zentsura mozioaren albistea jakin bezain pronto bertan behera utzi du. Joseba Asironek, bere aldetik, prentsaurrekoa emango du 11:30ean, bere asmoak zein diren azaltzeko.
Nerea Kortajarena EH Bilduko legebiltzakideak prentsa agerraldi batean esan du Eusko Legebiltzarrean dauden "gehiengoak" baliatu beharko liratekeela "hizkuntza politika berri bat ahalbidetzeko".
18 eta 39 urte arteko herritarrei lehen etxebizitza erosten laguntzeko Eusko Jaurlaritzak berak finantzaturiko abala iragarri berri duen honetan, soluzioa ez dela hori kritikatu dute bai LABek, bai EH Bilduk. Dagoeneko dauden eraikinak aprobetxatu eta prezioak jaitsi ordez,... [+]
1978ko sanferminetan gertatutako Poliziaren kargak argitzea, horiei buruzko dokumentuak desklasifikatzea eta gertakarietan hildako German Rodriguez biktima gisa aitortzea eskatzen diote Espainiako Gobernuari Kongresuak onarturiko dokumentuaren bidez.
Euskal Herriaren nazio izaera eta burujabetza aldarrikatzeaz gain, "erresistentzia eta borroka antifaxistari gorazarre egitea eta berrespen antifaxista egitea" jarri dute helburuen artean.
Algortako Larrañazubi inguruan dago kanpalekua, eta Getxoko Udaltzainek hori husteari ekin diote ostegun goizean. Alkateak adierazi du han bizi ziren pertsonen "segurtasuna" bermatzeko eta "ingurune natural hori zaintzeko" desegin dutela. Getxoko EH Bilduren... [+]
2023an B1 maila eskatu zuen udalak kale garbitzailea posturako, baina horren kontrako epaiak eman zituten Donostiako Administrazioarekiko Auzien 2. eta 3. zenbakiko epaitegiek. Epai horien aurkako helegiteak atzera bota dituzte orain. Hizkuntza eskubideen urraketei... [+]
Giza eskubideen urraketa horietan duten erantzukizuna aitortu gabe jarraitzen dutela seinalatu du koalizio subiranistak.
Sare sozialetan argitaratutako argazkiaren bidez ezagutarazi du erasoa Ordiziko alkate Adur Ezenarrok. Bere sexu izaerarekiko "harrotasuna eta ohorea" berretsi du, eta azken aldiko "oldarraldia" salatu du.
Ostegunetik igandera bitarte egindako topagunean 3.000 lagunetik gora bildu dituela esan du Ernaik. Larunbat iluntzean egin dute jardunaldietako ekitaldi politiko nagusia, gazte antolakundeko bozeramaile Amaiur Egurrolak hitza hartuta. Aberri Egunaren harira EH Bilduk... [+]
Eragile nahiz alderdi politiko ugarik plazaratu dituzte euren aldarriak aurtengo Aberri Egunean. Azken urteetan egin bezala, Bilboko eta Iruñeko kaleak hartu dituzte EAJk eta EH Bilduk, hurrenez hurren. Bagira-k, Ipar Euskal Herriko Mugimendu Abertzaleak, abertzaleen... [+]
EH Bilduk aurkeztutako mozioa onartu dute osoko bilkuran. Udalak egitasmoa sustatzen duen enpresari, Cañaveras Solarri eskatu dio proiektuak ez ditzala hartu balio estrategiko handiko gisa kalifikatutako nekazaritza lurrak, eta gune populatuetatik gutxienez 500 metroko... [+]
Koalizio abertzaleko hiru ordezkariek ohar baten bidez euren "frustrazioa" adierazi dute proiektu fotovoltaikoa ezin gelditzeagatik: "Egoera horren aurrean, ez gara legegintzaldia amaitzeko indarrez sentitzen". Proiektu honi ez! plataformak salatu du EH Bilduren... [+]
Arratzua-Ubarrundiako "Proiektu honi ez!" plataformak adierazpen hau kaleratu du, udalerri horretako EH Bilduko hiru zinegotziek dimisioa aurkeztu berritan. Izenburu hau darama testuak: "EH Bilduren moketako politika edo Iparra nola galdu".
Arratzua-Ubarrundia (Araba) herriko EH Bilduko hiru zinegotziek dimisioa eman dute Solariaren zentral fotovoltaikoagatik. Hau da hiru zinegotziek, Txetxu Zengotitabengoak, Laura Sanchok eta Javier Ruiz de Arkautek, herritarrei zuzendu dieten agur mezua.
EH Bildu agintean dagoen udalak gaztetxearen etorkizuna ziurtatzeko aterabide bat adosteari "uko" egin diola salatu du Burlatako Gazte Asanbladak. Beste hainbat gaztek udaletxe kanpoan kanpatu dute, eta goizean zehar bertara hurbiltzeko dei egin dute.