Hilobiek 2.200 urte dituzte eta, beraz, erromatarren konkistaren ondoren etruriar kulturak zenbateraino eutsi zion neurtzeko aukera eskaini diete Buffaloko Unibertsitateko arkeologoei.

Bost urteko lanen ondoren, hildakoekin batera ehortzitako objektu ugariei esker (apaingarriak, burdinazko tresnak, zeramikak…) eta ehorzketa erritualei erreparatuta, etruriarren eraginak uste baino gehiago iraun zuela ondorioztatu dute. Alessandro Sebastianini arkeologoaren iritziz, “osmosi kulturalaz hitz egin beharko genuke, menpekotasunaz baino”.