Eskola jantokietan bertako elikagai ekologikoak ematen dituzten esperientziak ezagutzeko aukera Bilbon

  • Urriaren 3tik 5era Eskola-Elikadura Osasungarri eta Iraunkorrari buruzko II. Nazioarteko Jardunaldiak egiten ari dira Bilbon, Bidezko Elikadura eta Euskal Herriko Ikasleen Gurasoen Elkarteak (EHIGE) antolatuta. "Gozo" dute izena jardunali hauek. Bertako eta nazioarteko esperientzia eredugarriak ezagutu ahalko dira bertan: erakunde publikoek sustatutako ekimenak, ekoizleek martxan dituzten proiektuak, eta hezkuntza-komunitateak lortutakoak.


2022ko urriaren 03an - 10:01

Hainbat arlotatik jorratuko dute elikadura osasungarria eta hezkuntza lotzen dituen jardunaldietan. Batetik, erakunde publikoek sustatutako esperientzia interesgarrietako batzuk ezagutzera emango dituzte. Hona azalduko diren proiektuetako batzuk:

Gasteizko Udalak elikagai ekologikoak, iraunkorrak, freskoak eta sasoikoak dituzten bost haur-eskolak kudeatzen ditu eta jardunaldietan azalduko du nola jarri zuten martxan eta bidean zer zailtasun aurkitu dituzten.

Italiako Sesto Fiorentinoko catering publikoa kudeatzen duenak azalduko du nola pasatu diren elikadura-enpresa kilometrikoa izatetik beren eskolei bertako elikagai ekologikoak eskaintzen dizkien enpresa publiko bat izatera.

Valentziako Udalak kontsultarako eta sektorean parte hartzeko organo bat du, Valentziako Elikagaien Kontseilua izenekoa, eta bere helburua da tokiko nekazaritzako elikagaien sistema jasangarriagoa, osasungarriagoa eta bidezkoagoa sustatzea. Jardunaldietan azalduko dute zer lege-proposamen egiten ari den Espainiako Kontsumo Ministeriotik eta Valentziako Generalitatetik arautu ditzaten elikadura txarraren publizitatea eta marketina.

Bertako ekoizleek eskola-elikadura hornitzeko dituzten erronkak eta zailtasunak

Bertako lehen sektorea gakoa da eskola-elikadura osasuntsua bermatzeko. Alor honi lotuta, Debagoienako Ereindajan proiektua ezagutzera emango dute.

Nafarroako Nekazaritza Ekoizpen Ekologikoaren Kontseiluaren esperientzia ere aztertuko dute, Nafarroako 50 ikastetxetako 12.000 menutan "TOP 5 elikagaiak" sartzea lortu baitu (ekologikoak, lokalak, freskoak, sasoikoak eta lehen sektorekoak).

Jardunaldi hauetan, baita ere aztertuko dute zer garrantzia duen erosketa publikoak, lehen sektore jasangarri eta bidezkoa sustatzeko.

Hezkuntza-komunitatea eragile

Antolatzaileek adierazi dutenez, "hezkuntza-komunitateak presio-elementua izan behar du ikasleentzako elikadura osasuntsua lortzeko". Honen adibide modura, eskola-jantoki publikoa bertako produktu ekologikoekin kudeatzen dituzten bi esperientzia egonkor azalduko dituzte: Laukariz (Mungia) eta Urduña.

Beasaingo Murumendi eskolak Biziola kooperatibarekin batera abian jarri duen proiektuaren berri emango du.

Eta Jakako San Juan de la Peña eskola publikoak ere bere esperientzia ezagutzera emango du: zuzenean kudeatzen du bere jantokia,

bertako eta sasoiko elikagaiekin.

 


Kanal honetatik interesatuko zaizu: Eskola jantokiak
Bultzatu den elikadura politikaren ondorioak:
Nekazariak kaleetan eta gurasoak haurrekin plazetan protestan

Nekazariak protestan ari dira, baina eredu agroindustrialak hartu du lidergoa. "Itun Berdea" ere, Europar Batasunaren hurrengo hamarkadako estrategia nagusia zena, pikutara bota dezakete, begirik kliskatu gabe. Bitartean, euskal eskoletan zorriak eta harrak... [+]


Ikastetxeetan jantoki-zerbitzua ematen zuen Serunion enpresari kontratua eten dio Jaurlaritzak

Ikasturtean zehar enpresaren jantoki-zerbitzuak hainbat ikastetxeetan sortutako “arazoengatik” eten dute kontratua.


Ikastetxeentzako bestelako jantoki eredu baten inguruko azterketa egingo du Hernaniko Udalak

Herriko ikastetxe eta ikasle guztientzako bestelako jantoki eredu bat bideragarria ote litzatekeen aztertzea izango du helburu lanketak. Hernaniko ikastetxe bakoitzeko gurasoen ordezkariarekin elkarlanean egingo dute.


Gasteizko Salburuako ikastetxeek sukalde propioa nahi dute, baina Jaurlaritzak ez die bide ematen

Arantzabela, Errekabarri eta Salburua ikastetxeek sukalde propioa nahi dute, auzoko eskoletako jangelak hornitzeko, baina hilabeteak joan hilabeteak etorri, administrazioaren erantzunik gabe jarraitzen dutela salatu dute: "Arduragabekeria eta utzikeria zantzuak sumatzen... [+]


2023-11-23 | ARGIA
Hernaniko ikastetxeetako jangeletan oihalezko ahozapiak erabiltzen hasi dira paperezkoen ordez

Hernaniko ikastetxe guztietako Haur Hezkuntza zikloan eta ikastetxe bateko Lehen Hezkuntza zikloan jangelan oihalezko ahozapiak erabiltzen hasi dira, paperezkoen ordez. Udalak izan du ekimena eta berak erosi ditu 213 ikaslerentzako kotoizko zapiak herriko oihal denda batean... [+]


Eguneraketa berriak daude