Ikastetxeek sukalde propioa izatetik harago, funtsa eskola-jantokien kudeaketa eredua dela adierazi du EHIGEk
Eusko Jaurlaritzako Hezkuntza sailburuak iragarri duelarik hainbat ikastetxe eta zonaldetan sukaldeak jarriko dituztela, EHIGE gurasoen federazioak dio gaur egun catering-enpresen esku dauden eskola-jantokietako eredua bera aztertzea eta bestelako kudeaketa bat bultzatzea dela muina: “Orain arteko berdina egiten jarraitzeko, ez du zentzurik”.
aurre egingo dieten hedabide independenteak
Uda honetan abiatuko du Hezkuntza Sailak sei ikastetxetan sukalde bana jartzeko plana, eta 2028ra arte, sukaldeak jarriko ditu beste hainbat eskola edota zonaldetan (hurbil dauden ikastetxeek partekatua). Asmoak dozenaka ikastetxeri eragingo diela iragarri du Begoña Pedrosa sailburuak, Radio Euskadin. Bere hitzetan, kalitate handiagoko eskola-jantokia eskaintzea da helburua, osasungarriagoa, jasangarriagoa eta hurbilagoa. Sailburuak nabarmendu nahi izan du EAEko Lehen Hezkuntzako ikastetxeen %100ak eskaintzen duela jangela zerbitzua (Espainiako Estatuan %100era iristen den erkidego bakarra) eta ikasleen %78ak baliatzen duela (ehunekorik handiena Estatuan).
EHIGE guraso elkarteetako federazioaren koordinatzaile Lurdes Imazek ARGIAri adierazi dionez, ongi etorria da albistea, ez alferrik azken urteetan asko dira ikastetxeen partetik sukalde propioa jartzeko Jaurlaritzari egin zaizkion eskaerak. Imazek argitu digunez, gaur egun gutxi gorabehera eskola publikoen heren batek baino ez du sukalde propioa, eta nahi duten ikastetxeen demanda hazi egin da urtez urte.
"Inportanteena da sukalde horretan zer egingo den. Zeinek egingo du kudeaketa? Enpresa handi batek?"
Dena den, Imazen arabera “inportanteena da bertan zer egingo den. Zeinek egingo du kudeaketa? Enpresa handi batek? Janaria non prestatu baino, galdera baita ea benetan aldaketak egingo diren elikaduran, jantokia tresna pedagogiko gisa erabiltzeko bidea egingo al den, xahuketa gainditzeko aurrerapausoak emango al diren, formakuntzan sakonduko ote den… Jantokiaren kudeaketa lizitatzeko enpresentzat baldintza batzuk atera baina gero ez badago inongo kontrolik, orain gertatzen den bezala, ez dago eredu aldaketarik, eta oraingo berdina egiteko, aldaketak ez du zentzurik”.
2019tik zain
Catering enpresarik gabe jardun nahi duten eskolentzako bestelako eredu bat arautzea adostu zuten Eusko Legebiltzarrean, 2019an. Eredu berri horren inguruko araudia ateratzea Eusko Jaurlaritzari dagokio, baina ez da iristen, eta bitartean, catering enpresetatik at jardun nahi duten ikastetxeek zain jarraitzen dute.
Espainiako Gobernuak Eskola Jantokien inguruko Errege Dekretua atera berri du, Euskal Herri Hegoaldeko eskola jantokien kudeaketan eragingo duena. Spoiler: elikadura sistema osasuntsu eta jasangarri bat garatzeko inolako asmorik erakusten ez duen dokumentua da.
Bi ordu edo bi ordu eta erdiz haur eta gazte andana hartzen ditu jantokiaren tarteak eskoletan. Jateko, jolasteko eta elkarbizitzeko espazio horretan jantokiko arduradunak esku hartzeko dituen mugez, jarraitzen diren irizpideez, begiraleen rolaz eta duten formazioaz arituko... [+]
Catering-enpresarik gabe jardun nahi duten eskolentzat bestelako eredu bat arautzea adostu zuen Eusko Legebiltzarrak 2019an. Horren ordez, catering-enpresen bidezko zerbitzua ematera derrigortzen ditu ikastetxeak Eusko Jaurlaritzak berriki argitaratu duen aginduak. Bitartean,... [+]
Nekazariak protestan ari dira, baina eredu agroindustrialak hartu du lidergoa. "Itun Berdea" ere, Europar Batasunaren hurrengo hamarkadako estrategia nagusia zena, pikutara bota dezakete, begirik kliskatu gabe. Bitartean, euskal eskoletan zorriak eta harrak... [+]
Ikasturtean zehar enpresaren jantoki-zerbitzuak hainbat ikastetxeetan sortutako “arazoengatik” eten dute kontratua.
Herriko ikastetxe eta ikasle guztientzako bestelako jantoki eredu bat bideragarria ote litzatekeen aztertzea izango du helburu lanketak. Hernaniko ikastetxe bakoitzeko gurasoen ordezkariarekin elkarlanean egingo dute.
Arantzabela, Errekabarri eta Salburua ikastetxeek sukalde propioa nahi dute, auzoko eskoletako jangelak hornitzeko, baina hilabeteak joan hilabeteak etorri, administrazioaren erantzunik gabe jarraitzen dutela salatu dute: "Arduragabekeria eta utzikeria zantzuak sumatzen... [+]
Hernaniko ikastetxe guztietako Haur Hezkuntza zikloan eta ikastetxe bateko Lehen Hezkuntza zikloan jangelan oihalezko ahozapiak erabiltzen hasi dira, paperezkoen ordez. Udalak izan du ekimena eta berak erosi ditu 213 ikaslerentzako kotoizko zapiak herriko oihal denda batean... [+]
Aurretik beste eskola batzuetan gertatu bezala Serunion enpresa da zerbitzuaren arduraduna. Murgiako Bigarren Hezkuntzako Institutuak ohartarazi du asteartean lehen platera zerbitzatzeari utzi diotela jantokian, eta “aurrekoetan bezala” Hezkuntza Ordezkaritzari... [+]
Hernaniko Langile Ikastolako gurasoek jakinarazi dute iragan ostiralean haurretako batek har bat aurkitu duela zerbitzatutako janarian; eta Duranako Ikasbidea Ikastola zentro publikoan ere joan den asteazkenean bigarren platera erretiratu behar izan dute, ohi baino garratzagoa... [+]
Eskola-jangeletako elikaduraren kalitatea kritikatu du guraso elkarte ugarik, eta gaiaz galdetu dio EH Bilduk Jokin Bildarratz Eusko Jaurlaritzako Hezkuntza sailburuari. Catering enpresen inguruko intzidentziak helarazi zaizkienean, auditoretza-kontrolak egin dituztela erantzun... [+]
Eskolako jangelan menu osasungarriak, kalitatezkoak eta jasangarriak eskaintzeko lehen urrats gisa, menu horiek ikastetxean bertan prestatu ahal izateko eskolan sukaldea eraikitzea eskatu diote EAEko hamazazpi eskola eta institutu publikok Eusko Jaurlaritzako Hezkuntza Sailari.
Eskola jantokietan haur eta gazteei eskaintzen zaien janariaren inguruan “ezin konta ahala dei, kontsulta eta kexa” jaso ostean, inkesta egin du Bizkaiko Ikasleen Guraso Elkarteak. 96 ikastetxetako guraso elkarteek erantzun dute eta jakien kalitate, kopuru eta... [+]
