Ikastetxeetan jantoki-zerbitzua ematen zuen Serunion enpresari kontratua eten dio Jaurlaritzak

  • Ikasturtean zehar enpresaren jantoki-zerbitzuak hainbat ikastetxeetan sortutako “arazoengatik” eten dute kontratua.


2024ko urtarrilaren 25an - 10:49
Azken eguneraketa: 17:57

Serunion SA enpresak ez du jantoki-zerbitzu gehiagorik emango. Akordio baten bidez, lotuta zituzten kontratuak etetea erabaki dute Hezkuntza Sailak eta enpresak, ikasturte honetan ikastetxe batzuetan sortutako “arazoak” direla eta. Otsailaren 5etik aurrera Tamar, Auzo Lagun eta Goñi enpresak arduratuko dira jantoki-zerbitzua emateaz, Hezkuntza Sailak jakinarazi duenez. Serunionek EAEko hainbat tokitan ematen zuen jantoki-zerbitzua, besteak beste hamazazpi eskolatan.

Hezkuntza Sailak adierazi duenez, “bi aldeen arteko desegite akordioa” izan da. Azpimarratu dute arazoak izan zirenean Hezkuntza Sailak espedientea ireki ziola enpresari, eta “eragina” ikusita, Serunionek “uko egin diela” ikastetxeetan lan egiteko kontratuei.

Aspalditik datorren kontua

Ikasturtean zehar enpresak arazoak sortu ditu hainbat ikastetxeetan. Iragan azaroan, esaterako, Hernani eta Duranako ikastoletan izandako “gorabeherak” salatu zituzten gurasoek. Kasu larriena Hernaniko Langile Ikastolan gertatu zen, haurretako batek janarian har bat aurkitu zuenean. Sindikatuek ere bat egin zuten protestekin, eta LABek, esaterako, aldarrikatu zituen “janariaren kalitatea eta segurtasuna lehenesten dituzten jangelak”. Halaber, Hernaniko Langile ikastolako gurasoek protesta egin zuten Hernaniko Gudarien plazan, “janari duin eta osasungarria” aldarrikatzeko.

Hezkuntza Sailburu Jokin Bildarratzek adierazi zuen neurriak hartuko zituztela “berriro ez gertatzeko”. Hezkuntza Sailak 65.000 euroko isuna ezarri zion enpresari, eta orain, kontratua etetea erabaki dute.


Kanal honetatik interesatuko zaizu: Eskola jantokiak
Bultzatu den elikadura politikaren ondorioak:
Nekazariak kaleetan eta gurasoak haurrekin plazetan protestan

Nekazariak protestan ari dira, baina eredu agroindustrialak hartu du lidergoa. "Itun Berdea" ere, Europar Batasunaren hurrengo hamarkadako estrategia nagusia zena, pikutara bota dezakete, begirik kliskatu gabe. Bitartean, euskal eskoletan zorriak eta harrak... [+]


Ikastetxeentzako bestelako jantoki eredu baten inguruko azterketa egingo du Hernaniko Udalak

Herriko ikastetxe eta ikasle guztientzako bestelako jantoki eredu bat bideragarria ote litzatekeen aztertzea izango du helburu lanketak. Hernaniko ikastetxe bakoitzeko gurasoen ordezkariarekin elkarlanean egingo dute.


Gasteizko Salburuako ikastetxeek sukalde propioa nahi dute, baina Jaurlaritzak ez die bide ematen

Arantzabela, Errekabarri eta Salburua ikastetxeek sukalde propioa nahi dute, auzoko eskoletako jangelak hornitzeko, baina hilabeteak joan hilabeteak etorri, administrazioaren erantzunik gabe jarraitzen dutela salatu dute: "Arduragabekeria eta utzikeria zantzuak sumatzen... [+]


2023-11-23 | ARGIA
Hernaniko ikastetxeetako jangeletan oihalezko ahozapiak erabiltzen hasi dira paperezkoen ordez

Hernaniko ikastetxe guztietako Haur Hezkuntza zikloan eta ikastetxe bateko Lehen Hezkuntza zikloan jangelan oihalezko ahozapiak erabiltzen hasi dira, paperezkoen ordez. Udalak izan du ekimena eta berak erosi ditu 213 ikaslerentzako kotoizko zapiak herriko oihal denda batean... [+]


“Zomorroak” aurkitu dituzte Murgiako institutuko jantokiko janarian ere

Aurretik beste eskola batzuetan gertatu bezala Serunion enpresa da zerbitzuaren arduraduna. Murgiako Bigarren Hezkuntzako Institutuak ohartarazi du asteartean lehen platera zerbitzatzeari utzi diotela jantokian, eta “aurrekoetan bezala” Hezkuntza Ordezkaritzari... [+]


Eguneraketa berriak daude