Pablo Echenique Unidas Podemoseko bozeramaileak ostegun goizean azaldu duenez, bere alderdiak ez du babestuko euskal alderdiek Espainiako Kongresuan Felipe Gonzalez eta GALen arteko harremana ikertzeko batzordea. Berriki argitaratu den CIAren dokumentu batek baieztatu du Espainiako presidente ohiak agindu zuela GALen sorrera.

Nadia Calviño Espainiako ekonomia gaietako presidenteordeak EH Bilduk, PSOEk eta Podemosek sinatutako akordioaren aurka egin du. Sinatu bezain pronto, akordio hori atzera bota behar dela adierazi dio bere alderdiari, PSOEri, “ziurgabetasun juridikoko” garaiak direlako. Patronala ere iritzi berekoa da, eta Espainiako Gobernuarekin harremanak moztu ditu.

Maiatzaren 20 gauean EH Bilduk azaldu du PSOE eta Unidas Podemosekin izenpetu duen hitzarmena, Kongresuan alarma egoeraren luzapenean abstentziora jotzearen truke. Hitzarmeneko lehen puntua 2012ko lan erreforma osotasunean bertan behera uztea da eta beste hainbat puntuk jasotzen dute Aldundiek eta erkidegoek gastu soziala handitzeko zorpetzeko gaitasun handiagoa irabaztea. Gauerdian EFE berri agentziak zabaldu du, ordea, PSOEk iragarri duela akordio horren lehen puntua ez duela beteko, lan... [+]

Koronabirusagatik bizi den alarma-egoeraren erdian, eta prentsarik gabe egindako osoko bilkura murritz batean, EAJk eta PSEk zerga-salbuespen bat atera dute aurrera Bizkaiko Batzar Nagusietan. Praktikan, aukera emango die inbertsio-funts espekulatiboen kudeatzaileei –funts putreei– lortutako etekinen erdia baino ez tributatzeko. Beste erdia zergak ordaintzetik salbuetsita egongo da, El Salto agerkariko kazetari Miguel Virizuelak azaldu duenez.

EAEn apirilaren 5ean egingo diren hauteskundeetarako lehendakarigai gisa Pablo Iglesiasen ildoko Miren Gorrotxategi izendatu ostean, Lander Martinezek dimisioa eman du.

40 urteko diktaduraren osteko 40 urteko demokrazia-aldia joan da. Batetik bestera igarotzeko Trantsizioa delakoa burutu zen. Unionistentzat loriatsua, separatistentzat zorigaiztokoa. Bizkitartean, EAJrentzat, unión eta separa artean, txit baliagarria. Demokrazia-aldian bipartidismoak berea egin du Espainian, baita Frantzian ere, eta orobat Europa osoan. Honezkero ez dago ezkerrik ez eskuinik. Neoliberalismoa eta populismoa gailendu dira.

XXI. mendeko demokraziaren... [+]

Podemosen barruan sakoneko desadostasunak daude alderdia gidatzen duen Pablo Iglesiasen ildoaren eta Antikapitalistak antolakunde trotskistaren artean. Azken hauek ez dute argi martxo honetan Podemosen hirugarren batzar herritarrean parte hartuko duten eta Iglesiasek haustura gertu ikusten du. 

EH Bilduk Billy El Niño polizia frankistaren zerbitzu-orria publiko egiteko eskaera egin zuen atzo, otsailaren 4a, Espainiako Estatuko Kongresuan. Eskaera ez da onartua izan, PSOEk, PPk, Ciudadanosek, Voxek eta Podemosek kontrako botoa eman dutelako. Azken honek barkamena eskatu du egindako “akatsagatik”, eta beste bozketarik bada, baiezko botoa emango duela adierazi du.

Tristura handi samarra eragiten du ikusteak nola joan den astean, berriz ere, gerra kultural baterako munizio bihurtu den euskara. Ezker abertzaleko zenbait kidek kritikatu dute Rosa Martínezek, Elkarrekin Podemosen primarioetako lehendakarigaiak, ez dakiela euskaraz. Ordezkari politiko baten gaitasun linguistikoari buruzkoa izan nahi zuen debatea, ordea, zeharo lokaztu da Vocento taldeko hedabideek argitaratu dutelako Martínezi egindako kritikak haren jatorriarekin lotuta... [+]