Usansolon herritarrak kexu dira erdigunea tren geltokirik gabe uzteko erabakiaren aurrean
L5 lineak Euskotrenen ibilbidea aldatuko du, eta geltoki batzuk eraitsiko dituzte, tartean Usansolokoa. Trenaren ibilbidea lurperatuko dute eta beste geltoki batzuk gehituko dituzte. 2022an, Eusko Jaurlaritzak linea horren jatorrizko proiektua aldatu zuen Usansoloko geltokia bertatik kenduta, eta gaur egun proposatzen duten aukera Galdakao-Usansoloko ospitaleko geltokia eta autobus zerbitzua dira. ARGIAk Geltokia Erdigunean plataformako ordezkari Jon Atxutegirekin hitz egin du, eta adierazi du zerbitzu hori ezin dutela galdu, eta borroka egiteko prest daudela.
Azken egunetan, Usansoloko geltokian egiten ari diren obren aurrean protestak egin dituzte herriko bizilagunek, L5 linearen proposamenarekin haien desadostasuna erakusteko. 2022an, Usansolok herriko erdigunean geltoki bat izateko plana bertan behera utzi zuten, Eusko Jaurlaritzak egindako aurkezpenean, Cadena Ser-ek jaso zuenez. Proiektu horretan, ibilbidearen zati bat lurperatu egingo dute, beste geltoki batzuk gehituko dituzte, baina desagertu egingo da gaur egun Usansolon dagoen Euskotreneko geltokia, eta ez da egongo ordezko geltokirik herriaren erdigunean. Usansoloko herritarrei eskaini dieten aukera Galdakao-Usansoloko ospitaleko geltokia izan da, eta Usansoloko auzoak geltoki horrekin lotzeko autobus zerbitzu bat.
Herritarrek Geltokia Erdigunean plataforma sortu dute, eta ARGIAk plataformako ordezkari Jon Atxutegirekin hitz egin du. Proposatutako aldaketa horrekin, Usansoloko herritarrek egungo geltokiarekin Bilbora “17 minutu inguruko” ibilbidea izatetik, ibilbide bera “30 minutu baino gehiagoan” egitea ekarriko duela azaldu du Atxutegik, eta eskatzen duten erdiguneko geltokiarekin, onuradunen kopurua biztanleriaren bikoitza izango dela gutxi gorabehera, Naizek ere jaso zuenez. Plataformako ordezkariak salatu du zerbitzu hori ezin dutela galdu, eta geltokia erdigunean izatea zerbitzua ez galtzeko “irtenbide bakarra” dela.
EH Bildu, Podemos eta PP alde, eta EAJ eta PSOE kontra
Herri plataforma ekainean Bizkaiko Batzar Nagusietan izan zen, Euskotreneko L5 linean Usansoloko erdigunean geltoki bat eraikitzea eskatzeko. Bertan, plataformako ordezkari Jon Atxutegik eta Josu Grandivalek, batzarkideei eskatu zieten “arin” onartzea “Foru Ganberan arauz besteko proposamen bat”, eta Lakuako Gobernuari eskatzea “luzamendu” bat aktibatzeko, geltokia ospitaletik gertu kokatzen duen gaur egungo proiektua geldiarazteko.
EH Bildu, Podemos, eta PP erdiguneko geltokiaren alde agertu ziren, baina EAJ eta PSOE Galdakao-Usansoloko ospitaleko geltokiaren eta autobus zerbitzuaren alde agertu ziren, Atxutegik esan duenez. EH Bilduk eta Podemosek ekainean Batzar Nagusietan arauz besteko proposamen bat erregistratu zuten plataformaren izenean, baina EAJk eta PSOEk ez zuten onartu, eta astelehenean, uztailaren 15ean, bi alderdiek erregistratutakoaren aurka alegazio bat aurkeztu dute, ordezkariaren arabera. Plataformak irailaren bukaeran edo urriaren hasieran Batzar Nagusietako hurrengo bilkuran alderdiekin birnegoziatzea espero du, haiek aurkeztu dutena eta EAJ eta PSOEren alegazioa “ahal den neurrian bateratu ahal badira bateratzeko” eta horrela “eskaera horrek aurrera egin dezan”.
Danimarkaren menpe segitzen duen Groenlandiako biztanleriaren %88 da inuita, eta beraien hizkuntzan eta kulturan aitzina egite hutsa dute eguneroko desafio. Zuriek kolonizatu zituzten eta gaur egun egoerak bere horretan segitzen du: zurien begietatik bideratuta dagoen... [+]
Iruñeko Hirugarren Zigor Auzitegiak 5.850 eta 9.450 euro arteko zigorrak ezarri dizkie Baztango Aroztegiko zazpi auzipetuei, derrigortze edo bortxa delituagatik. Baztertu egin du, ordea, talde kriminala osatzen zutela.
Truth Social bere sare sozialean eman du berria Erresuma Batuan egin duen bisitaldian, eta adierazi du mugimendua erakunde terrorista izendatuko duela. Legelari askok, ordea, laster azpimarratu dute hori egiteko AEBetako presidenteak izango dituen arazoak.
Urriaren 31tik azaroaren 2ra Baterajotzea izango da Zaldibarren, Euskal Herriko Gazte Feministek antolatuta. Egitaraua aurkeztu dute, eta izen ematea ireki.
Jatorra, alaia eta positiboa da Sara Mirones (Bilbo, 1997). Pandemian mastozitosia izeneko gaixotasun arraro bat diagnostikatu zioten. Ordutik, Maratón de Lunares kanpaina abiatu du gaixotasuna ikusarazteko, gizartea kontzientziatzeko eta ikerketarako dirua biltzeko... [+]
Ernaik manifestazio jendetsua egin du igandean Donostian, estropaden ostean, "Ekin eta bultza askatasunera" lelopean. Milaka gazte elkartu dira independentziaren alde eta faxismoaren aurka. Txiki eta Otaegi omendu dituzte, beren borrokarekin jarraitzeko konpromisoa... [+]
Emakumea eta lurra elkartzen dituen liburua idatzi du Onintza Enbeitak: Bizitza baten txatalak. Gure aurrekoen bizimodua jaso du, andre baten ahotan: "Baserria bere horretan, erromantizismorik gabe". Feli Madariaga (1932, Baldatika, Forua, Bizkaia) da andre hori,... [+]
Emakumea eta lurra elkartzen dituen liburua idatzi du Onintza Enbeitak: Bizitza baten txatalak. Gure aurrekoen bizimodua jaso du, andre baten ahotan: "Baserria bere horretan, erromantizismorik gabe". Feli Madariaga (1932, Baldatika, Forua, Bizkaia) da andre hori, lurrari... [+]
17. edizio honetan hamar proiekzio antolatu ditu Donostiako Zinemaldi Alternatiboak, beste horrenbeste eragilerekin elkarlanean. Helburua, urterokoa: "Zinemaren bidez hausnarketa kritikoa sustatzea, hainbat gizarte-gai eta -gatazkari buruzko lanak proiektatuta eta... [+]
Arantzaren buruko loreek ez zuten arantzarik, Arantzaren bizitzak, ordea, asko. Emakume izatearekin batera, jaiotzetik batzuk. Besteak gaztetatik eransten joan zitzaizkion, komisarian torturak ezarriak, Burgosko prozesuan eta kartzelan, arantza horiek denak patriarkatuak... [+]
Vicentek 76 urte ditu eta azken mende laurdena Kanaria uharteetan darama, Maspalomas herrian, 50 urteko bizialdian ezkutatu duen izatea haizatzen: homosexuala da. Ezbehar baten eraginez, Donostiara itzularaziko dute, eta zahar etxe batean sartuko. Atzera ere, armairuko ateak... [+]
Jaizkibel konpainia berdinzaleak Herriko Etxearen eta epaileen deliberoak bete ditu, ez haatik HAOSEk, alarde baztertzailearen antolatzaileek. «Estrategia aldaketa bat» eskatu dio Jaizkibelek auzapezari; ezkerreko ordezkariek «Alardea antolatzeko».
09:00etan Durangoko epaitegi aurrean biltzera deitu dute Kiñuko kideek. Duela bost urte hasi zen Gaztetxearen aurkako prozesua.
Jaizkibel konpainia berdinzaleak ekintza berezia egin du Hondarribiko alardearen egun honetan. Gutuna eman diote alkateari, mahai gainean bestelako planteamendu batzuk jar ditzala eskatuz.