Felipe VI.a Espainiako erregeari ongietorria ematen zioten afixak agertu ziren Donostiako markesinetan
2016ko ekainaren 16an,
Felipe VI.a Espainiako erregeari ongietorria ematen zioten afixak agertu ziren Donostiako markesinetan. Donostia 2016 Europako Kultur Hiriburutzaren kanpaina baten estetika bera baliatuta, eta beren logoa jarrita, Espainiako monarkia hirira gonbidatu izana salatzeko ekintza situazionista izan zen. Egun argiz, udal langilez jantzitako bi ekintzailek jarri zituzten Gros auzoko bi markesinatan, eta sarean polbora bezala zabaldu ziren argazkiak. Kultur Hiriburutzako buruak berehala atera ziren esatera kartelak faltsuak zirela, baina Espainiako errege-erreginak gonbidatu zituztela egia zen ordea. Zenbait egunera Donostia $aldu eta Suntsitu kolektiboak hartu zuen bere gain ekintza. Erregearen bisitaren aurka ehunka pertsona mobilizatu ziren hirian.
Iturria:
Iturria: Lander Arbelaitz, Nork jarri zituen Donostian Espainiako erregearen ongietorri kartelak? (ARGIA, Donostiaren 2016 ertzak, 2016ko ekainak 18).
Urte hau historian:
<
>
Berrienetik
Zaharrenetik
Hilabete honetako urteurrenak:
|
Berrienetik
Zaharrenetik
