Reala eta Osasuna salatu ditu Ligak, Zozuliaren aurkako kantengatik

  • Espainiako futbol ligako 18. eta 19. jardunaldietako partida banatan Osasuna eta Realeko zale batzuek "Eres un nazi, Zozulia eres un nazi" (Nazia zara, Zozulia nazia zara...) abestu zutela-eta, bi klubak salatu ditu Liga Profesionalak, Lehiaketa Batzordean eta Indarkeriaren Kontrako Batzordean.


2020ko urtarrilaren 09an - 09:52
Realeko zaleak, artxiboko irudian / Realsociedad.eus

Liga Profesionalak astero bidaltzen du salaketa-idazkia aipatu batzordeetara, "indarkeria sustatzen duten edota iraingarriak diren" gertakariak biltzen dituena.

Idatziak jasotzen duenez, 18. jardunaldian, Osasuna eta Realaren arteko partidan, Sadar estadioan ziren 400 zale gorritxok "modu koralean eta koordinatuan" abestu zuten 10 segundoz: "Nazia zara, Zozulia nazia zara", erreferentzia eginez Albacete taldeko aurrelari ukrainarrari.

Gauza ia bera errepikatu zen 19. jardunaldian, Realak eta Vila-realek Reale Arena estadioan jokatutako partidan. Idatziaren arabera, etxeko 800 zale inguruk, atzealdeko harmailetan kokatuak zeudenak, "modu koral eta koordinatuan abestu zuten 10 segundoz: 'Nazia zara, Zozulia nazia zara'". Beste bi kanta jaso ditu Ligak idatzian. Batetik, partidaren 84. minutuan, atezain bisitaria baloia kolpatzera zihoan unean, 800 bat zalek "Atezain kabroia, putasemea, marikoia, espainiarra" oihukatu zuten; bestetik, 86. minutuan, jokoa geldituta zegoela, 800 bat zalek 8 segundoz abeste zuten: "Espaiarrak putasemeak", danbor baten hotsak lagunduta.

Indarkeriaren Kontrako Batzordeak, behin aktak aztertuta, isunak edo zigorrak ezar ditzake. Roman Zozulia jokalariaren kasuan, Albacetek Vallecasen (Madril) jokatu zuenean, harmailetatik egindako oihuengatik partida bertan behera geratu zen.

 

 


Kanal honetatik interesatuko zaizu: Futbola
Lesio larriak, talde kriminala izatea eta gorrotozko delituengatik ikertzen dituzte Indar Gorriko kideak

Asteazkenean atxilotutako Indar Gorriko 61 kideak libre utzi ditu Iruñeko Instrukzioko 4. epaitegiak, behin-behineko askatasunean eta kautelazko inongo neurririk gabe.


Indar Gorriko 61 kide atxilotu dituzte Iruñean

Espainiako Polizia Iruñean, Sevilla eta Madrilen egiten ari den operazio baten barnean atxilotu dituzte. Iazko urrian Betis-Osasuna partidaren aurretik egondako istiluak ikertzen ari dira.


Emakume bat larri dago ZIUn, Ertzaintzak Donostian foam jaurtigai batekin jo ostean

Emakumea Donostia ospitalean ingresaturik dago, foam jaurtigaiak buruan jo eta odol isuria eragin ostean. Realaren eta Paris Saint Germainen arteko futbol partiduaren aurretik polizia agenteek egindako kargetan zauritu dute. Ertzaintzak barne ikerketa zabaldu duela jakinarazi... [+]


Bultzadak Aitor Zabaleta harmaila itxiko du hurrengo partidan, errepresioa salatzeko

Bultzada Realaren jarraitzaile taldeak jakinarazi duenez, ez da joango ostiraleko Vila-realen kontrako partidara, eta Aitor Zabaleta harmaila itxita mantenduko du, jasaten ari den “errepresioa” salatzeko.


2024-01-25 | Xabier Rodríguez
Afrikako Kopa, kontinente baten ispilu

Afrikan futbola grinaz bizi dela esatea ez da nobedadea. Tangerretik Lurmutur Hirira eta Dakarretik Mogadisciora, kontinentea osatzen duten 54 herrialdeak eta zientoka hizkuntzak aniztasun kultural paregabe baten isla dira. Aniztasun horretan baloia da afrikar guztiak elkartzen... [+]


Eguneraketa berriak daude