Auzia daraman epailearen aurrean deklaratu dute operazioan parte hartu zuten bi ertzainek eta lekuko batek. Ertzainburuak iradoki du buruan harrikada batek jo zuela Amaya Zabarte Realeko zalea, eta ukatu egin du agente batek lurrean zela ostikoa eman zionik, bideoetan ikusten den moduan. Egun berean begian lesio larria jasan zuen María Martínen kasuan, berriz, abenduaren 5ean deklaratuko dute beste sei ertzainek.