Queer pedagogiei buruzko jardunaldia antolatu du Mondragon Unibertsitateak

  • Queer pedagogiak. Zer dakarkiote hezkidetzari? galderari erantzungo dio Mercedes Sánchez Sáinz Madrilgo Universidad Complutenseko irakasle eta ikertzaileak. Urtarrilaren 25ean izango da Bilbon, Hika ateneoan, 10:00etatik 14:00etara. Urtarrilaren 22an amaituko da izena emateko epea.

ARGIA @argia
2020ko urtarrilaren 21a
Mercedes Sanchez Sainzen \"Garen modukoak gara\" liburuaren azala.

Mondragon Unibertsitateko Humanitate eta Hezkuntza Zientzien Fakultateak eta TeamLabs ikaskuntza laborategiak antolatu dute jardunaldia. Antolaketan koordinatzaile dira Amelia Barquín eta Agurtzane Martinez Mondragon Unibertsitateko irakasle eta ikertzaileak.

Unibertsitatearen webgunean irakur daitekeenez (hemen albiste osoa), "Mercedes Sánchez Sáinzen iritziz, queer pedagogiak dira modu irekiak hezkuntza formaletik ihes egiteko, era afektibo, arrotz eta bitxi batean. Gainera, queer pedagogiek balio dute ikasteko guneak sustatzeko, munduan dugun lekuaz gogoeta egiten lagunduko digutenak, eta izateko aukera emango digutenak".

Mercedes Sánchez ekintzaile eta idazlea

Mercedes Sánchez Sáinzek politikoki horrela definitzen du bere burua: “Bollera, lodia eta ardi ilea duena”. Hezkuntzako doktorea da eta Universidad Complutenseko Sexu Aniztasunaren eta Genero Identitate Bulegoko zuzendaria da. Ekintzaile transfeminista da eta liburu hauek ditu argitaratuak: Somos como Somos. Deconstruyendo y transformando la escuela (La Catarata, 2016) eta Pedagogías queer. ¿Nos arriesgamos a hacer otra educación? (La Catarata, 2019).

Jardunaldian izena emateko

Plaza mugatuak ditu eta urtarrilaren 22ra arte dago irekita izen-ematea (hemen izen-emate orria). Matrikulazioaren prezioa 50 euro da.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Feminismoa  |  Bilbo  |  Mondragon Unibertsitatea

Feminismoa kanaletik interesatuko zaizu...
Azkenak
EGILEA
Eguneraketa berriak daude