Euskal Udalekuetako hezitzaileek berretsi dute ez dutela “eraso salaketarik” jaso, eta “difamazioa” gaitzetsi dute
Euskal Udalekuetako hezitzaileek agerraldi jendetsua egin dute ostiralean. Azaldu dute edozein eraso “erabat” gaitzesten dutela eta prest agertu dira, beren artean erasotzailerik balego, “neurriak hartzeko”.
Euskal Udalekuak jende guztiaren ahotan dauden honetan, bertako hezitzaileek agerraldia egin dute ostiralean, Bergaran. Asteotako jazarpena eta difamazioa salatu dituzte, “lintxamendu pertsonaletara” ere iritsi direnak, eta argitu dute jasotako salaketa eta kexa guztiak dutxen ingurukoak izan direla; alegia, ez dela eraso salaketarik izan momentuz. Dena den, argi utzi dute edozein eraso “erabat” gaitzesten dutela, eta beren artean erasotzailerik balego, jakinaren gainean egon nahiko luketela, “neurriak hartzeko eta beste ezeren gainetik, erasoa jasan duen pertsonaren aldean kokatzeko”.
Ehundik gora lagunen babespean eman dute prentsaurrekoa, agerraldi oso soilean. Gaiari dagokion seriotasuna eman nahi izan diote hezitzaileek, eta hain zuzen ere, ildo horretatik, erasoei egiten dieten lanketa azaldu dute: “Protokoloak dauzkagu, lanketa feminista egiten dugu hezitzaileok, eta haur eta gazteekin ere lantzen dugu gaia”. Era berean, beren ereduaren “etengabeko lanketan eta barne hausnarketan” jarraituko dutela azaldu du, “elkarbizitzako espazioek deserosotasunak sortzen dituztela” jakitun, egoera horiek “ahalik eta ondoen zaintzen” saiatzen direla ziurtatu dute.
Gaiak zenbait komunikabidetan eztanda egin eta astebete pasatxora hartu dute bigarren aldiz hitza Euskal Udalekuetako hezitzaileek. Lehenengoan, irailaren 26an, komunikabideetara helarazitako ohar bidez, gaitzetsi egin zuten udalekuak “mezu transfoboak zabaltzeko” erabili izana. Orduko hartan ere dutxa mistoen gaia zegoen erdigunean, eta eredu hori defendatu zuten hezitzaileek, beren egitekoa “haur eta gazte guztientzako leku seguruak bermatzea” dela azpimarratuta, “aldez aurretiko genero-identifikazio beharrik gabe” eta, argitu zuten inor ez dutela “behartu” dutxatzera: “Haien zalantzak eta kezkak entzuteko eta sakon lantzeko denbora hartzen dugu”.
Orduko mezu hartan, ostiralekoa baino nabarmen luzeagoa, leporatutako beste zenbait konturi ere erantzun zieten haiek gezurtatzeko, eta gaia haizatu zuten hedabideen “sentsazionalismoa eta morboa” kritikatu zituzten. Bigarren honetan, ordea, tonua bestelakoa izan da. Aipatu bezala, prentsaurreko soila izan da, galderarik onartu ez duena, eta gaiak hartu duen dimentsioaren zantzuak ematen zituena.
Hezitzaileen prentsaurrekoaren egun berean, ordu batzuk lehenago, heldu da EHGAMek, Euskal Herriko Gazte Feministak eta Euskal Herriko Bilgune Feministak bidalitako oharra, Euskal Herriko beste zenbait eragilek ere sinatu dutena. Bertan, babesa adierazi diete begiraleei, eta jasaten ari diren “lintxamendu kanpaina” gaitzetsi: “Lintxamendu kanpaina oso bat abiarazi dute, matxismoa, transfobia, sentsazionalismoa, faxismoa eta arrazakeria inpunitate osoz zabalduz, han eta hemen”. Dutxen mistotasuna “aitzakia” dela adierazi dute sinatzaileek, “mundu ikuskera transfobo eta erreakzionarioa zabaltzeko” aitzakia, eta “sexu-genero disidentzia haurren aurkako erasoekin lotu izana” salatu dute.
Hain zuzen ere, Bergarako prentsaurrekoa hezitzaileek jaso dituzten babes mezuei eskerrak emanez amaitu dute. Beraiei babesa eman dieten haurrei, gazteei, komunitateei, eragileei eta besteri eskerrak luzatu dizkiete: “Proiektua bizirik mantentzeko indarra eta oinarria ematen dizkiguzue”.
Ikusi agerraldia osorik ondorengo bideoan:
Mugimendu transfeministaren ustez, Bernedoko udalekuen inguruko gezurrak hedatu dituzte eskuin muturrak eta sektore erreakzionarioek. “Lintxamendu kanpaina” eta “eraso antolatua” olatu erreakzionario orokorrago baten markoan kokatu dituzte. Sexu-genero... [+]
Bernedoko hezitzaileen aurkako salaketa publikoak zabaldu dira azken asteetan, besteak beste, nerabeak dutxa mistoak izatera "behartzeagatik". Hezitzaileek gezurtatu egin dute halakorik zein gazteekiko tratu okerrik, eta gaitzetsi dute "mezu transfoboak zabaltzeko... [+]
“Bohemioa”, “poeta”, “mozkorra” eta “amodioaz maiteminduta” dagoen drag bat da Travis Tea (2024, Travistonia planetakoa). Autopertzepzio bat dela dio, eta kanpotik “talenturik gabeko eta antigoaleko poetatzat” dutela... [+]
Sistema kolonial kapitalista heteropatriarkala auzitan jartzen eta borrokatzen denean, gupidarik gabe erasotzen du bueltan. Eskura dituen tresna guztiak erabiliz, instituzioak, medioak, justizia, hizkuntza, kultura, indarkeria... boterea berrindartzeko, sendotzeko eta... [+]
Aste honetan loditasunaz aritu gara Mijo Lizarzaburu filosofo eta militante transfeministarekin. Saio amaierako kolaborazioan Edurne Azkarateren txanda izan da, eta oraingoan entzutera eta galdetzera etorri da oiondarra: zein ekarpen egin dezakete pertsona argalek lodien... [+]
Lodi, potola edo borobil deituta, ondo; sahiestu potolita, potxola edo hezurdura zabalekoa bezalako eufemismoak pertsona lodiez hitz egiterakoan. Horixe baita aste honetako gai potoloa: loditasuna. Mijo Lizarzaburu filosofo eta militante transfeminista gonbidatu dugu gaian... [+]
Baionan Loverdose eta Atharratzen Bekat’uros egin den bezala, Oztibarren (Nafarroa Beherea) Debrien Figurak feminismoaren eta transfeminismoaren inguruan antolatutako egunak arrakasta izan du.
Lau hamarkada luzeko ibilbidea du Euskal Herrian bolleren borrokak; garaiko lesbiana feministen oinordekoak dira. Desira eta identitate sexual hutsa baino askoz gehiago da bollerismoa: sistema zisheteropatriarkal eta koloniala borrokatzeko estrategia politikoa, gorputzetik eta... [+]
Kaleak bete dituzte LGTBI Komunitatearen Nazioarteko Egunean. Salatu dute erakundeek aurpegia garbitzen dutela keinu sinbolikoekin.
Iaz, Señora Sariketa irabazi zuenean, Maider Arregik “inporta zaizkion jendea eta kausak” aipatu nahi izan zituen agurrean: “Infernu auzokoak, bollerak, marikak, AHTren kontra dabiltzan lagunak, okupazioaren aldekoak…”. Horiek denak eta... [+]
Zigor sistemak gizartean eragiten dituen ondorioez mintzatu da Naiara Perea, larunbat honetan Gasteizen izanen diren espetxeen aurkako jardunaldi transfeministen asanbladako kidea.
Apirilaren 26, 27 eta 28 hauetan iraganen da Euskal Herriko bolleren topaketa, Leitza herrian. Izenak argiki dioen gisara bollerei irekitako jardunaldiak dira, baina, oro har, sexu/genero disidente oro da gomitaturik. Egitarau aberatsa eta askotarikoa ondurik, taldean... [+]
Bitxi Bitxi queer kolektiboa sortu dute hogei bat kidek berriki Baionan. Queer izatea, heteronormatibitatetik kanpo izatea da besteak beste. Baita genero ezberdinen adierazpena sustatzea ere.
Zergatik ari dira gizonak, lagun talde batean, euren artean hitanoa erabiltzen, gizonak ez diren bestelako gorputz eta identitateak ere zirkulu horretan baldin badaude? Zer esan nahi du horrek? Zer sentsazio sortzen dira? Eta horri aurre egiteko, emakumeek ere hitanoa erabiltzea... [+]
Arabako Mendialde eta inguruetako identitate disidenteek osatzen duten Asteriskes kolektiboak Bermu Okerra musika jaialdia antolatu zuen abenduaren 28rako. Araba eta Nafarroa arteko mugan kokatuta dagoen Kontrasta herrian egin zuten, eguerdian. Antolatzaileek azaldu dutenez,... [+]