Euskal udalekuen aurka eskuinak abiatutako lintxamendua salatu du mugimendu transfeministak
Mugimendu transfeministaren ustez, Bernedoko udalekuen inguruko gezurrak hedatu dituzte eskuin muturrak eta sektore erreakzionarioek. “Lintxamendu kanpaina” eta “eraso antolatua” olatu erreakzionario orokorrago baten markoan kokatu dituzte. Sexu-genero disidentzia haurren aurkako erasoekin lotzea salatu dute. Udalekuetako begiraleei elkartasuna eta babesa adierazi diete.
Mugimendu transfeministak agiria kaleratu du Bernedoko udalekuen inguruan “abian jarri den lintxamendu kanpaina” salatzeko. 70etik gora taldek sinatu dute adierazpena. Eskuineko prentsa, hainbat politikari eta sare sozialetako erabiltzaile zenbait matxismoa, transfobia, sentsazionalismoa, faxismoa eta arrazakeria “inpunitate osoz” zabaltzen ari direla arbuiatu dute. Bernedoko udalekuetako dutxen eta komunen mistotasuna feminista transbaztertzaileek, eta oro har, sektore erreakzionarioak eta eskuin muturrak aitzakia gisa erabili dutela dio agiriak, “haien mundu ikuskera transfobo eta erreakzionarioa zabaltzeko”. Mugimendu Feministaren, LGTBIQ+ mugimenduaren eta Mugimendu Antiarrazistaren borrokei aipamena egin die agiriak. Idatziak dio luzaroan borrokatu dutela sexuaren eta biluztasunaren inguruan dagoen “moralizazioaren eta puritanismoaren aurka, binarismoaren aurka eta heziketa transfeministaren alde”.
Lintxamendua eta erasoa marko orokorrago batean kokatu dituzte, “ezker-eskuin hedatzen ari den olatu erreakzionario baten” testuinguruan. Euskararen aurkako erasoak eta langile mugimenduaren kriminalizazioa aipatu dituzte, eta gehitu dute, horiek bezala, olatu erreakzionarioaren barne daudela transfobia, misoginia eta arrazakeria, baina “askotan ez zaie garrantzi bera ematen”. Patriarkatua, kolonialismoa eta kapitalismoa erreproduzitzen dituzten eskuin muturrak eta olatu erreakzionarioek eraldaketa sustatu nahi duten mugimenduak “desintegratzea eta desagerraraztea dutela helburu” azpimarratu dute.
Begiraleei, udalekuen inguruko komunitateari eta eraso zuzenak jaso dituztenei babesa eta elkartasuna adierazi diete. Kaleko eta sare sozialetako erasoei erantzuteko prest daudela nabarmendu dute.
Euskal Udalekuetako hezitzaileek agerraldi jendetsua egin dute ostiralean. Azaldu dute edozein eraso “erabat” gaitzesten dutela eta prest agertu dira, beren artean erasotzailerik balego, “neurriak hartzeko”.
Bernedoko hezitzaileen aurkako salaketa publikoak zabaldu dira azken asteetan, besteak beste, nerabeak dutxa mistoak izatera "behartzeagatik". Hezitzaileek gezurtatu egin dute halakorik zein gazteekiko tratu okerrik, eta gaitzetsi dute "mezu transfoboak zabaltzeko... [+]
“Bohemioa”, “poeta”, “mozkorra” eta “amodioaz maiteminduta” dagoen drag bat da Travis Tea (2024, Travistonia planetakoa). Autopertzepzio bat dela dio, eta kanpotik “talenturik gabeko eta antigoaleko poetatzat” dutela... [+]
Sistema kolonial kapitalista heteropatriarkala auzitan jartzen eta borrokatzen denean, gupidarik gabe erasotzen du bueltan. Eskura dituen tresna guztiak erabiliz, instituzioak, medioak, justizia, hizkuntza, kultura, indarkeria... boterea berrindartzeko, sendotzeko eta... [+]
Aste honetan loditasunaz aritu gara Mijo Lizarzaburu filosofo eta militante transfeministarekin. Saio amaierako kolaborazioan Edurne Azkarateren txanda izan da, eta oraingoan entzutera eta galdetzera etorri da oiondarra: zein ekarpen egin dezakete pertsona argalek lodien... [+]
Lodi, potola edo borobil deituta, ondo; sahiestu potolita, potxola edo hezurdura zabalekoa bezalako eufemismoak pertsona lodiez hitz egiterakoan. Horixe baita aste honetako gai potoloa: loditasuna. Mijo Lizarzaburu filosofo eta militante transfeminista gonbidatu dugu gaian... [+]
Baionan Loverdose eta Atharratzen Bekat’uros egin den bezala, Oztibarren (Nafarroa Beherea) Debrien Figurak feminismoaren eta transfeminismoaren inguruan antolatutako egunak arrakasta izan du.
Lau hamarkada luzeko ibilbidea du Euskal Herrian bolleren borrokak; garaiko lesbiana feministen oinordekoak dira. Desira eta identitate sexual hutsa baino askoz gehiago da bollerismoa: sistema zisheteropatriarkal eta koloniala borrokatzeko estrategia politikoa, gorputzetik eta... [+]
Kaleak bete dituzte LGTBI Komunitatearen Nazioarteko Egunean. Salatu dute erakundeek aurpegia garbitzen dutela keinu sinbolikoekin.
Iaz, Señora Sariketa irabazi zuenean, Maider Arregik “inporta zaizkion jendea eta kausak” aipatu nahi izan zituen agurrean: “Infernu auzokoak, bollerak, marikak, AHTren kontra dabiltzan lagunak, okupazioaren aldekoak…”. Horiek denak eta... [+]
Zigor sistemak gizartean eragiten dituen ondorioez mintzatu da Naiara Perea, larunbat honetan Gasteizen izanen diren espetxeen aurkako jardunaldi transfeministen asanbladako kidea.
Apirilaren 26, 27 eta 28 hauetan iraganen da Euskal Herriko bolleren topaketa, Leitza herrian. Izenak argiki dioen gisara bollerei irekitako jardunaldiak dira, baina, oro har, sexu/genero disidente oro da gomitaturik. Egitarau aberatsa eta askotarikoa ondurik, taldean... [+]
Bitxi Bitxi queer kolektiboa sortu dute hogei bat kidek berriki Baionan. Queer izatea, heteronormatibitatetik kanpo izatea da besteak beste. Baita genero ezberdinen adierazpena sustatzea ere.
Zergatik ari dira gizonak, lagun talde batean, euren artean hitanoa erabiltzen, gizonak ez diren bestelako gorputz eta identitateak ere zirkulu horretan baldin badaude? Zer esan nahi du horrek? Zer sentsazio sortzen dira? Eta horri aurre egiteko, emakumeek ere hitanoa erabiltzea... [+]
Arabako Mendialde eta inguruetako identitate disidenteek osatzen duten Asteriskes kolektiboak Bermu Okerra musika jaialdia antolatu zuen abenduaren 28rako. Araba eta Nafarroa arteko mugan kokatuta dagoen Kontrasta herrian egin zuten, eguerdian. Antolatzaileek azaldu dutenez,... [+]