Palestinako 14.000 haur txiki hilko dira ostegunerako giza laguntza jaso ezean, Nazio Batuen esanetan
Astearte eguerdian egin du ohartarazpena Nazio Batuen Erakundeak. Astelehenean laguntza humanitarioa daramaten bost kamioi sartuko direla iragarri du Israelek, hamaika asteko blokeo erabatekoaren ostean. "Tanta bat da ozeanoan", adierazi du Tom Fletcher NBEko Giza Gaietarako buruak.
aurre egingo dieten hedabide independenteak
Fletcherrek azaldu du hiltzeko arrisku bizian dauden 14.000 haurren datua fidagarria dela, Gazan bertan dauden taldeen datuetatik aterata. "Laguntza premiaz behar duten zibilengana iritsi behar du, eta handitzeko aukera eman behar digute". Nazioarteko erakundeak ohartarazi du egunero laguntza humanitarioko bostehun kamioi eta erregaiz betetako beste 50 beharko liratekeela egungo krisi humanitarioa gainditu ahal izateko.
El Diario-k argitaratu duenez, Israelgo Gobernuak Gazan bost kamioi sartzea onartu izana AEBetatik iritsitako "seinaleen" ondorio da. Netanyahuk adierazi du bere "munduko osoko lagunik onenek" adierazi diotela badela onartu ezin duten gauza bat, hots, "gosete masibo baten irudiak".
"Gedeonen guardiak"
Netanyahuk behin baino gehiagotan adierazi du Gaza osoa kontrolatuko duela. Bide horretatik, martxoaren 18an hitzartutako su etenarekin amaitu zuenetik, 3.200 hildako baino gehiago eragin ditu Israelek, El Diarioren datuen arabera. Horietako ehunka pasa den asteburuan hil zituen Israelgo armadak, Gedeonen Guardiak izeneko operazioan. Okupatu gabeko lurraldearen egoera hurrengoa da: eraikinen %90 baino gehiago kaltetuta daude, sionistek lurretik, itsasotik eta airetik eraso egiten jarraitzen dute –ordu batean 30 eraso baino gehiago eginez– eta Palestinako biztanleak gero eta gehiago murrizten den 360 kilometro karratutako eremu batean 'bizi' behar dute, gero eta ihesbide gutxiagorekin eta leku segururik gabe. Negoziaketak abiarazi badituzte ere, azken erasoek "mezu garbia" uzten dutela dio negoziaketan bitartekari lanetan ibili den Qatarko lehen ministro eta Atzerri ministro Mohamed bin Abdulrahmanek.
Adierazpen bateratua
Nazioartean Israelekiko kritikotasunak gora egin du. Erresuma Batuak, Frantziak eta Kanadak astelehenean publiko egindako adierazpen bateratuan ohartarazi dute Israelen aurkako "neurri zehatzak" hartzeko prest daudela, Gazan egiten ari den erasoa geldiarazten ez badu. Dokumentuan zera jasotzen da: "Ez gara besoak gurutzatuta geratuko Netanyahuren gobernuak ekintza horiekin jarraitzen duen bitartean. Israelek ez badu erasoaldi militar berria amaitzen eta ez baditu laguntza humanitarioaren murrizketak kentzen, neurri zehatz batzuk hartuko ditugu". Komunikatuan hala ere, ez da zehazten zein neurri hartuko dituzten.
Hiru herrialdeek azpimarratu dute Israelek "legez kanpokoak" diren eta Palestinako Estatuaren "bideragarritasuna arriskuan jartzen duten" koloniekin amaitu behar duela. Nazioarteko zuzenbidearen urraketaz ere hitz egin dute: "Gaitzesten dugu Israelgo Gobernuko kideek berriki erabilitako hizkera gorrotagarria eta Gazako suntsipen etsigarriari aurre egin behar dioten zibilen desplazamendu behartuaren mehatxua. Bortxazko desplazamendu iraunkorra nazioarteko zuzenbide humanitarioaren urraketa da".
Frantziak Europar Batasunaren eta Israelgo Estatuaren arteko elkartze-akordioa berrikusteko Espainiak eta Irlandak egindako proposamena babestuko duela ere iragarri du. Ekimena astearte honetan eztabaidatuko da EBn. Alemania neurri horren aurka azaldu da. Diario Socialistari jarraiki, EB da estatu sionistaren merkataritza bazkide nagusia, Israelen esportazioen %28,8 Europar Batasunak jasotzen baitu.
Duela gutxi, Netanyahuren gobernuak, AEBen baimenarekin, legez kanpoko jarduerarekin jarraitzea erabaki du Gazan, eta zerrenda osoaren kontrola hartzea. Historia pixka bat egingo dut ez zaidalako zuzena iruditzen komunikabide edo kazetari batzuek Gazan gertatzen ari dena 2023ko... [+]
Informazioaren arloko dozenaka profesional bildu dira ostegun arratsaldean Iruñeko Gazteluko Plazan, Gazan kazetari lanetan ari direnen aurka Israelgo armada egiten ari den sarraskia salatzeko.
Bigarren aldiz gelditu dute Katalunian Espainiako Vuelta Israel-Premier Tech taldearen parte-hartzea salatzeko. Hainbat pertsonak Palestinako banderak atera dituzte eta txirrindularien bidea oztopatu dute Oloten.
Gazako osasun zentro nagusia bonbardatu du Israelek. Hildakoen artean bost kazetari daude, Reuters, AP, Al Jazeera eta NBCkoak.
Poliziak Palestine Action ekintzaileen taldea babestea leporatzen dio, Erresuma Batuko Gobernuak uztailean erakunde terrorista izendatu zuena. Bizpahiru orduz atxilo egon ondoren aske geratu da, baina epailearen aurrean deklaratu beharko du irailaren 18an.
Global Sumud Flotillak deituta, dozenaka ontzi itsasoz ahaleginduko dira Israelek ezarritako blokeoa hausten. Ekimenera mundu osoko aktibistak batu dira, tartean lau euskal herritar. Deialdiari babesa adierazteko, Gazarako Mugimendu Globaleko Euskal Herriko delegazioak hainbat... [+]
Ontzidia abuztuaren 31n irtengo da Bartzelonatik. Euskal Herriko lau kide joango dira bertan, munduko beste 40 herrialdeetako solidarioekin batera.
AEBetako Estatu idazkari Marco Rubio astelehenean biltzekoa da Israelgo atzerri ministro Israel Katzekin, su-etenerako akordioez mintzatzeko. IPC Jakien Segurtasunaren Faseen Sailkapen Integratuak agentziak ostiralean kaleratutako txosten batek ohartarazi du Gazan gosete... [+]
Israel Gazan egiten ari den genozidioaren aurkako mezuak adierazteagatik mota askotako errepresioa jasan du Irlandako Kneecap musika taldeak: Liam Óg Ó hAnnaidh kidea asteazkenean epaitu zuten, Londresen emandako kontzertu batean Hezbollah miliziaren bandera... [+]
Israelgo armadaren barne agiri batean agertzen diren datuek diote Gazan hil dituzten sei palestinarretatik bost zibilak direla, azken hamarkadetan aurrekaririk ez duen sarraskia izanik. Israelgo zerbitzu sekretuek maiatzean zioten armadak Hamaseko eta Jihad Islamikoko 8.900... [+]
Youssef Al-Zuq munduko preso gazteena izandakoaren bizitza Gazako zigor zikloaren ikur da. Al-Zug 2008an jaio zen kartzelan, ama atxilotu eta epaiketarik gabe espetxeratu ondoren. Uztailaren 12an hil zuten Israelen bonbardaketa batean.
Erakunde palestinarrak astelehenean jakinarazi zuen ohar batean Egiptoko eta Qatarreko bitartekariek proposatutako su-eten akordioa ontzat jo duela. Israelgo armadak, ordea, dagoeneko inguratuta dauka Gaza hiria, eta han dauden palestinarrei urriaren 7ra arteko epea eman die... [+]
Espainiako Vuelta abuztuaren 23tik irailaren 14ra izango da, bertan, Israel-Premier Tech taldeak hartuko du parte. Txapelketaren zuzendari Javier Guillének esan du "ezin dituztela kanporatu, puntuazioa dela eta parte hartzeko eskubidea" irabazi baitute.
Gazako palestinarren aurkako genozidioa aurrera doan bitartean, Europak Israelgo armagintza industria hauspotzen jarraitzen du. Elbit Systems Israelgo armagintza enpresa ezagunak joan den astean iragarri zuen Europako herrialde batekin 1.600 milioi euro baino gehiagoko kontratua... [+]
Gaza Hiria osorik okupatzeko onartu berri duten planaz kezkatuta, milaka israeldarrek Benjamin Netanyahu Israelgo lehen ministroari exijitu die Hamasekin akordio batera iristeko "gerra amaitu" eta zerrendan dituzten bahituak aske uzteko. Herrialdeko lehen... [+]