Trumpek gelditzeko eskatu dio Putini, eta Errusiak dio bake akordiorako ia prest dagoela
Zelenskiri Ukrainako gerra amaitu behar duen bake akordioa "arriskuan" jartzea leporatu ostean, Putini egin dio errieta Trumpek bere sare sozial Truth Socialen. Sergei Lavrov Atzerri Ministroak adierazi du bake akordioa adosteko prest dagoela Errusia. Kievek jakinarazi du Errusiaren gatibupean hil zen kazetari baten gorpua identifikatu dutela, tortura zantzuekin.
Ukrainako gerra amaitu behar zuen bake akordio bat "arriskuan" jartzea leporatu zion asteazkenean Donald Trump AEBetako presidenteak Volodimir Zelenski Ukrainako bere homologoari. Izan ere, egun berean Financial Times hedabideak zera ezagutarazi zuen: Errusia prest dago guztiz okupatzen ez dituen lau eskualdeen –Donetsk, Luhansk, Kherson eta Zaporizhia– gaineko erabateko kontrol eskaerari amore emateko, baldin eta AEBek kontzesio zabalagoak egiten badituzte, hala nola Krimeako anexioa onartzea eta Kiev NATOn sartzeari betoa jartzea.
Errusiak Krimearen anexioa gauzatzea, ordea, "marra gorri" bat dela argi utzi du behin baino gehiagotan Zelenskik: esaterako, asteartean adierazi zuen Ukrainak ez duela "Krimearen okupazioa" onartuko. Trumpek bere sare sozial Truth Socialen Ukrainako presidentearen adierazpen horiek gaitzetsi zituen, Errusiarekin mantentzen ari diren bake negoziazioentzat "mingarriak" baitziren: "Krimearen gaineko kontrola aspalditik dago galduta, eta ez da, inolaz ere, eztabaidatzeko auzi bat".
Halere, negoziazioak "bide onetik" doaz Trumpen ustez, eta harekin ados agertu da Sergei Lavrov Errusiako Atzerri Ministroa. Lavrovekin jakinarazi du Mosku bake akordioa adosteko "ia prest" dagoela: "Prest gaude Trumpek aipatu zuen akordio horretarako, baina badira oraindik puntu batzuk zehaztu behar direnak. Horretan ari gara".
Gatazkari irtenbidea emateko asmoz, Londresen elkartzekoak ziren asteazkenean AEBetako, Ukrainako, Frantziako, Alemaniako eta Erresuma Batuko ordezkariak. Bileraren aurreko egunean, ordea, Washingtonek iragarri zuen Marco Rubio Estatu idazkariak ez zuela bidaiatuko Ingalaterrako hiriburura. Haren ordez, Keith Kellogg Etxe Zuriaren Ukrainako gerrarako ordezkaria izan zen bertan, Andriy Yermak Zelenskiren kabinete buruarekin eta Frantziako eta Alemaniako aholkulariekin batera. The Washington Post hedabidearen arabera, AEBk balizko su-eten baterako bide orri bat proposatu zuen bilera horretan, Krimea Errusiaren zati gisa onartzea eta frontearen egungo lerroa izoztea barne lituzkeena.
Putini errieta egiteko txanda
AEBetako presidentearen errieta jasateko txanda, berriz, Vladimir Putin Errusiako presidenteari heldu zaio ostegunean. Egun berean, iazko udaz geroztik Kievek jasan duen aire erasorik bortitzena gauzatu zuen Moskuk, eta 12 lagun hil eta 90 zauritu zituzten Errusiako armadak jaurtitako misilek eta dronek. Berehala heldu zen Trumpen erreakzioa: Zelenskiren aurka egin zuen sare sozial berean, "Vladimir, gelditu!" mezua idatzi zuen.
Antza denez, Trumpek apirilaren 30erako adostu nahi du bake akordio bat Ukrainaren eta Errusiaren artean, Etxe Zuriko maizter gisa bigarren legealdian 100 egun beteko dituenenean: "Nire epemuga propioa dut", adierazi zien kazetariei asteazkenean Etxe Zurian. Urtarrilean egin ziren AEBetako presidentetzarako hauteskunde kanpainan zehar behin baino gehiagotan esan zuen Ukrainako gerra "presidentetzara iritsi eta 24 ordura" amaituko zuela.
Tortura zantzuak ditu Errusiaren gatibupean hildako kazetari ukrainar batek
Duela bizpahiru egun argitara atera zen etxeko atxiloaldia betetzen ari zen Ekaterina Barabash kazetaria ihes egin zuela. Otsailean atxilotu zuten, Errusiako armadaren kontrako "informazio faltsua" zabaltzea egotzita hamar urteko zigorra ezarrita sare sozialetan argitaratutako zenbait mezurengatik. Ostegunean, berriz, Kievek jakinarazi du Errusiaren gatibupean hil zen kazetari baten gorpua identifikatu dutela. Viktoria Roshchyna 27 urte zituela hil zen iazko irailean, gatibu hilabeteak egin ostean, eta medikuek egindako azterketen arabera, tortura zantzuak dituela adierazi du Ukrainako Fiskaltzak ohar batean.
"Israelen kontrako boikot kanpainak martxan dauden honetan, kulturgileoi lerratzea dagokigu", adierazi du Saioa Alkaizak komunikabideetara igorritako oharrean. BDZk txalotu egin du Alkaizaren erabakia, eta Elkar argitaletxeari gonbita luzatu dio, "erabaki ausartak... [+]
Bi herrialdeek jakinarazi dute ez direla 2026ko Eurovision jaialdira aurkeztuko Israelek parte hartzen jarraitzen badu. Espainiako Gobernuko Kultura ministro Ernest Urtasunek ere iradoki du Espainiak ez lukeela parte hartu beharko.
Auzitegi Gorenak 27 urte eta hiru hilabeteko kartzela-zigorra ezarri dio Jair Bolsonarori, Latinoamerikako ultraeskuindarren erreferenteari, Lularen aurka hauteskundeak galdu ostean, 2022an estatu-kolpe saiakera baten buru izateagatik.
Israelgo zazpi jokalariek uko egin diote Sestaoko xake txapelketan jokatzeari, beren parte hartzearen aurka antolatutako protesten ondoren. Antolakuntzak aurretik eskatu zien parte ez hartzeko edota Israelgo banderarik ez erabiltzeko.
Vichamako (Peru) aztarnategian, arkeologoek 3.800 urte inguruko estatuatxo berezi bat aurkitu berri dute. Caral zibilizazioaren azken arokoa da, eta bi apo irudikatzen ditu.
Aztarnategi bereko hainbat hormairuditan gosetea, lehortea eta, finean, ingurumen krisiari lotutako... [+]
Londres, 1940ko irailaren 7a. Hegazkin alemaniarrek hiria bonbardatu zuten, Britainiar Uharteen eraso masiboa abiatuta. Edo, bestela esanda, blitz-a hasi zen.1941eko maiatzera arte luzatu zen eta, amaitu zenean, britainiar lehen ministro Winston Churchillek “su artean... [+]
Orain Baionako merkatuko saltzaileek afitxa bidez jakinarazten dute euskaraz eta gaskoiz aritzeko prest direla. Baionako Herriko Etxeak duela bi urte abiatutako euskara plangintzaren ildotik ekintza abiatu du.
Militante eta borrokagune ugari salatu ditu 2022az geroztik, onura administratiboen truke.
Utahko Unibertsitatean, 3.000 entzuleren aitzinean diskurtsoa zabaltzen ari zela gertatu da hilketa asteazkenean. Donald Trumpen hurbileko aurpegi ezaguna zen Kirk.
Katalanaren aldeko erakundeen iritziz, Kataluniako Justizia Auzitegi Nagusiaren epaiak zuzenean eraso die murgiltze ereduari eta kohesio sozialari. 2024ko dekretuaren zati handi bat baliogabetu du sententziak, eta hala, katalanak hezkuntza sisteman ohiko hizkuntza, komunikazio-... [+]
Palestinak pairatzen duen genozidioa salatzeaz gain, sionismoaren "konplizeak" seinalatzea ere du helburu Ibaitik itsasora deitu martxak. Palestinarekin elkartasunean aritzen diren hainbat eragilek elkarlanean antolaturiko ekimena irailaren 20an bururatuko da Hendaian... [+]
Garaipen historikotzat jo dute hainbatek: duela sei urte Ozeano Bareko estatu zaurgarrietako ikasle talde batek bultzaturiko ekimen baten ondorioz, Nazio Batuen auzitegi gorenak iritzia plazaratu du uztailaren 23an, zeinak munduko estatuek klima aldaketari begira dituzten... [+]
Espainiako Gobernuak aurkeztutako lege-propoposamenak ez du aurrera egin, Juntsekin izandako negoziazioen porrotaren ondoren. "Langileei masailekoa eman die eskuinak", esan du Yolanda Díaz Lan ministroak.
EB eta Israelen arteko “Elkartze Akordioaren merkataritza arloa partzialki etetea” proposatu du Europako Batzordeko presidenteak. Neurriak indarrean jartzeko EBko herrialdeen gehiengoak eman behar dio babesa, eta hori “oso zaila” izango dela adierazi du... [+]
Amsagar jer dyaspura d Arif: X wbrid n tgumi n tutlayt tarifit (Diasporaren eta Rifen arteko topaketa: tarifit hizkuntza zaintzeko bidea) lemapean, abuztuaren 27tik irailaren 5era, amazigh hizkuntza eta kulturaren aldeko 50 ekintzaile inguru bildu dira Alhucemas eta Nador artean.