Jaietan gerta daitezkeen erasoei erantzuteko erabakimenez agertu da Bilboko mugimendu feminista
Bilboko mugimendu feministak agerraldia egin du asteartean, Aste Nagusiko lehen egunean gauzatutako manifestazio feministaren aurka egindako eraso matxistak salatzeko. Gertakariek, kikildu ordez, borrokan berretsi dituztela adierazi dute. Autodefentsa feministaren aldarria eginez, mezu argia helarazi dute: “Dagokin espazioa gureganatuko dugu, Aste Nagusia gurea da, jaiak gureak dira!”.
Astearte arratsaldean, Bilboko mugimendu feministak agerraldia egin du Arriaga parean, jaien lehen egunean pairatutako erasoak salatzeko. Izan ere, larunbatean, Bilboko Aste Nagusia abiatzearekin batera, mugimendu feministak manifestazioa egin zuen txosnagunean. Jai eremua bakarrik gizonena ez dela eta edozein eraso matxistaren aurrean autodefentsa feministaz erantzungo dela adierazteko helburuarekin gurutzatu zuten txosnagunea “Temblad cabrones! Beldurrak gurekin jai!” lelopean, Arriaga zubitik Areatzaraino. Ibilbide horretan bertan manifestazioak jopuntuan jarritako indarkeria matxistaren adierazpideak azaleratu ziren. Mugimendu feministak biharamunean salatu zuenez, txosnagunea zeharkatu bitartean hainbat eraso matxista pairatu behar izan zituzten.
Listukadak, bultzakadak, ukabilkadak, edarien jaurtiketa eta irainak jasan behar izan zituzten, besteak beste. “Zergatik kendu beharko nuke erditik? Joan harrikoa egitera!”, “Joder, zeinen astunak! Beti gauza bera errepikatzen!” bezalakoak entzun behar izan zituzten, eta azpimarratu dutenez, Moskotarrak konpartsaren eremutik igaro bitartean, txosnak Athletic-en ereserkia jarri zuen. “Azken boladan, Mugimendu Feministaren kriminalizazioa oso nabaria izaten ari da, eta aurreko egunean gertatutakoa horren ondorio argi bat izan zen: erasotzaileak jomugan jartzera atera ginen horretan, hainbat izan ziren pairatu genituen erasoak”, egin du irakurketa mugimendu feministak.
Gertakarien aurrean haserrea agertu dute, eta kikiltzetik urruti, pairatutako erasoek borroka feministan berretsi dituela azpimarratu. “Hasieratik argi esan genuelako: beldurrak gurekin jai!”. Manifestazioan egin bezala jarraitzeko asmoa adierazi dute: autodefentsa feminista baliatuz, eraso ororen gainetik aurrera egiten. “Ehun eraso jasan bagenituen, ehun eta bat erantzun eman genituen; elkarrekin, elkar zainduz eta gogor erantzuten aurrera egitea lotu genuen mobilizazioa bukatzea lortuz. Aurrera egiten genuen metro bakoitza garaipen bat izan zen, eta horrela ulertzen dugu guk!”. Mezu argiarekin amaitu dute agerraldia: “Dagokin espazioa gureganatuko dugu, Aste Nagusia gurea da, jaiak gureak dira!”.
Sasijakintsua, jakineza eta franco txikia: horiexek dira aurrekoan Gotzon Lobera jaunak, Bilboko kale batzuen izenak aldatzeko ekimenaren kariaz, Deia egunkarian zuzendu dizkidan epitetoak. Ez du nire izena aipatu, egia, baina neu izan naizenez urte eta erdi luzeko borrokan... [+]
Hasieratik argi utzi nahiko nuke ez naizela inolaz ere feminismoan, sexu- eta genero-teorietan ezta LGTBIQ+ komunitatearekin lotutako gaietan aditua. Gizon txuri heterosexual bat naiz, ezkertiarra esan dezagun, bere burua feministatzat hartzen duena (edo feministen aliatua,... [+]
Bizi-biziak dira oraindik musikan dabiltzan emakume eta genero disidenteen azalean bizi izandako indarkeriaren orbainak. Ugaritu dira, halaber, orbain horiei buruzko ahotsak komunikabideetan, ikerketetan zein hainbat ekimenetan. “Asko dago egiteko oraindik”, diote... [+]
Euskal dantzak, pilates, bilobekin egon, gurutzegramak egin eta beste zaletasun asko ditu Grego Idiakez Kortak (Ezkio-Itsaso, Gipuzkoa, 1950). 62 urterekin iktus bat izan zuen, eta ordutik, ezin ditu nahi beste gauza egin. Iktusaren ondorioz, begi baten ikusmena galdu du, eta... [+]
Langabezian geratu nintzen 24 urterekin, eta ezagun batek lan xelebrea eskaini zidan: ezkondu aurreko despedidak antolatzea. Logroñoko bere enpresa hedatu nahi zuen beste hiriburuetara, tartean Bilbora. Ezkongaien lagunen deiak jasotzen nituen, eta askotariko jarduerak... [+]
Motorrez gainezka dago Iñaki Mujikak Altsasun duen tailerra. Ilaran daude denak, baina bada barreneko gelaxka batean aparte gordetako bat. Mujikak beretzat egokitu nahi duen motorra da. 2021ean igo zen azkenekoz motor gainera; istripu larria izan zuen moto-kros zirkuitu... [+]
Urte luzeak daramatza Laura Macayak indarkeria jasan duten emakumeei lagun egiten, arlo instituzionalean, militantzian, bai eta beste justizia-eredu batzuetatik abiatuta ere. Horri guztiari buruzko liburu bat kaleratu berri du: Gatazka eta abusua ez dira gauza bera (Katakrak,... [+]
Norbere gorputzaren gaineko erabakiez, estetika heteropatriarkalaren morrontzaz, kontraesanez eta musikaren industriaz solastatzeko baliatu dugu Arrigorriagako polemika: herri horretako jai batzordeak Vulkano orkestra festa-egitarautik kentzea erabaki du, ikuskizuneko... [+]
30 urte baino gehiago daramatza Zero Chou zinemagile taiwandarrak istorioak kameraren atzetik kontatzen, bai zinemarako, bai telebistarako. Aurten, Zinegoak jaialdiaren 22. edizioko ohorezko saria jaso du.
Euskal Herrian zein munduan, gero eta ugariagoak dira lurraren defentsan sortzen diren mugimenduak, bizitzari eusteko ezinbestekoa den lurraren balioa aldarrikatzen dutenak. Borroka hauek ez dira soilik erresistentzia; itxaropenaren eta konplizitatearen oinarri ere bihurtu dira... [+]
“Bohemioa”, “poeta”, “mozkorra” eta “amodioaz maiteminduta” dagoen drag bat da Travis Tea (2024, Travistonia planetakoa). Autopertzepzio bat dela dio, eta kanpotik “talenturik gabeko eta antigoaleko poetatzat” dutela... [+]
1925. urtea izango balitz, akaso emakume erraketistak izango lirateke Zeruko Argiako aktualitate orrialdeetako protagonistak. Agian haien kirolari merituak goraipatzeko, agian feminitate arauak desobeditzeagatik seinalatzeko. Nire buruari agindu diot haien izenak memorizatzeko... [+]
Emakundek babestutako Hizkuntza aldaketa sozialerako tresna: hizkuntza inklusiboaren erabileraren ondorio batzuen azterketa teorikoa eta enpirikoa ikerketak ondorioztatu du hizkuntza inklusiboa erabiltzea garrantzitsua dela genero ezberdintasunak ez areagotzeko.
Uda giroan barneratuta, heldu dira herriko festak, baita sexu erasoen salaketen gorakada ere. Gozamenerako guneak sortzeko hilabeteetako lana egiten dute jai eta txosna batzordeetako kideek, eta goraipatzekoa da espazio horiek bermatzeko herritar boluntarioek egiten duten... [+]
Sanferminak ate joka direla, Iruñerriko feministek Alde Zaharreko kaleak zeharkatu dituzte, eraso sexisten aurkako aldarria zabalduz.