Ikasgaiak eta diziplinak uztartuz landuko dituzte gaiak Hego Euskal Herriko ikastetxeek
Aldaketa pedagogiko handia dakar Espainiatik datorren LOMLOE legeak: hurrengo ikasturtetik aurrera, tailerka arituko dira eskolak Lehen eta Bigarren Hezkuntzan, alegia jarduna antolatu ordez elkarren arteko loturarik ez duten ikasgaika, ikuspegi globalarekin jorratuko dituzte gaiak, irakasgaiak batera eta diziplinartekotasunez landuz.
Metodologia ezaguna da eta ikastetxe batzuetan martxan dute dagoeneko, baina legez hezkuntza sistema osora zabalduko du Espainiako Gobernuak, eta zentzu horretan iraultza pedagogikoa izan nahi du araudiak, baita Hego Euskal Herrian ere. Eusko Jaurlaritzako Hezkuntza Sailak azaldu duenez, LOMLOEren harira EAEn ondutako “curriculum berria urrats kualitatiboa da Euskal Hezkuntza Sisteman azken urteotan garatzen ari den konpetentzien araberako ikaskuntzan. Ikastetxeei dei egiten zaie, pixkana-pixkana, eremuetan antolatutako lana ezar dezaten (ikasgaika beharrean), bereziki Lehen Hezkuntzan eta DBHko lehen zikloan”.
Curriculum berriak, gainera, tutorearen figurari garrantzi berezia ematen dio, “ikasleen ongizatea bermatzea” helburu izango duten tutoreetan indarra jarriz.
Datorren ikasturtean bertan hasiko dira aplikatzen metodologia berria, etapa bakoitzeko maila bakoitietan (Lehen Hezkuntzako 1, 3, 5 mailetan; Derrigorrezko Bigarren Hezkuntzako 1, 3 mailetan, Batxilergoko 1go mailan). 2023-2024 ikasturtean, gainerako mailetara zabalduko dute. Bai curriculum berria prestatzeko, bai irakasleak formatzeko, 2021etik prozesu parte-hartzailea martxan dutela azaldu du Jaurlaritzak.
Hezkuntza Sailaren arabera, eskola malguagoa du helburu curriculum berriak, “ikasteko modu eta interesetara egokitua”. Herritar kritikoagoak eta gizatiarragoak beharko direla azpimarratu dute: “Konponbideak eraldaketa sozialaren ikuspegitik bilatzeko gai izango diren pertsonak hezi nahi ditugu, berdintasun eta justizia sozialean oinarrituta. Jakina, dagokien arloetarako behar bezala prestatuak joango diren pertsonak eta, era berean, gure komunitatea berritzeko ekimena eta begirada etikoa dutenak”.
Ikasgai berriak eta hautazko gehiago
LOMLOEk ekarriko dituen bestelako aldaketez informatu izan dugu ARGIAn: hala nola, hautazko ikasgai gehiago izango dituzte ikasleek aukeran, ikasgai berriak ezarriko dituzte, eta Batxilergoan bost adarren artean aukeratu beharko dute ikasleek –orain hiru dira adarrak–.
Lehen Hezkuntzan, adibidez, “Balio zibikoak eta etikoak” emango dute ikasleek 6. mailan –eta DBHko lehen mailan ikasgai bera emango da–, eta “Natura, gizarte eta kultura-ingurunea ezagutzea” ikasgaia sortuko da, Natur Zientziak eta Gizarte Zientziak uztartuta.
Derrigorrezko Bigarren Hezkuntzan, “Natur zientziak” ikasgaia emango da 2. mailan –Biologia, Geologia, Fisika eta Kimika hartzen ditu–, “Teknologia eta digitalizazioa” izango dute ikasleek 2. eta 3. mailetan, eta aukerako ikasgaien eskaintza zabalduko da maila guztietan (Atzerriko bigarren hizkuntza, Garapen pertsonal eta sozialari aplikatutako Filosofia, Digitalizazioa, Teknologia,Kultura zientifikoa, Osasun fisikoa eta emozionala…).
Batxilergoak bost adar izango ditu aurrerantzean, ikasleek aukeratzeko: Zientzia eta Teknologia, Giza eta Gizarte Zientziak, Orokorra, Arte Plastikoak, eta Musika eta Arte Eszenikoak. DBHn bezala, aukerako ikasgaien eskaintza zabaldu dute (Atzerriko bigarren hizkuntza, Euskal Herriko Historia, Anatomia aplikatua, Argazkilaritza, Pintura, Laborategiko teknikak, Antropologia soziala, Atzerriko hizkuntzan ahozko komunikazioa…).
Kooperatibismo bat komunitateari begira UEUko topaketek, komunitatea ahaldundu eta lurraldeetako beharrei erantzuteko tresna direla gogorarazi ziguten. Halaxe da, bai, baina ekaina ez da kooperatibetan idealizaziorako garai egokiena, ez behintzat kooperatibetako kudeaketa... [+]
María del Cielo Galindo Puyalek EHUn Master Amaierako Lana aurkeztu du ostegunean, ekainaren 26an. Galindok kitxuaz hitz egin du epaimahaiaren aurrean, Boliviako emakume indigena meatzarien parte-hartze politikoaz. Lana kitxuaz eta gaztelaniaz idatzi du, eta bere anaiak... [+]
Zergatik eskaintzen dira Lanbide Heziketako hainbeste ziklo erdara hutsean EAEn? Zergatik jarraitu behar dituzte ikasketak gaztelaniaz ordura arte D ereduan euskaraz aritu diren ikasle andanak? Lanbide Heziketa euskalduntzeko behingoz plan estrategiko bat gauzatu dezala eskatu... [+]
Errektoretzaren erantzun ezan, ehun bat irakaslek berriz eskainiko diete ikasleei ahozko froga euskaraz pasatzeko aukera. Guraso elkarteek ere bat egin dute ekimenarekin, errektoretzaren inplikazioa eskatuz.
Ikastola 2013an sortu zuten eta ondoko urtean jarri zuten prefabrikatu bat herriko etxearen lursail batean bertatik bideratzeko ikaskuntza. 2022an eraikin sendo bat eraikitzeko proiektua aurkeztu zuten, baina herriko kontseiluak ez zuen horrelakorik onartu. Gatazka gogorra egon... [+]
Ekainaren 23aren eta uztailaren 2aren artean iraganen da ahozko azterketa. Frantsesez pasa beharreko azterketa izanda, Seaskako, sail publikoko eta pribatuko irakasle batzuek publikoki jakitera eman dute euskaraz bideratzeko aukera eskainiko dietela ikasleei.
Gasteizko Umandi ikastola duela 50 urte sortu zuten hainbat familia aski ausartek –herri ekimena, orduan ere–, euskararen transmisioa ardatz hartuta. Mende erdia joan da, ikastola hazi egin da, belaunaldi berriak hezi ditu ez gutxi, komunitate baten erreferente ere... [+]
Lanez lepo harrapatu dugun arren, eskuzabal hartu gaitu Eusko Jaurlaritzako Hezkuntza sailburuak; elkarrizketarako aurrez adostuta genuen denbora luzatzen utzi digu, luze jo baitu solasaldiak. Karguan urtebete egin duelarik, berrikuntzaz aritu gara Begoña Pedrosarekin,... [+]
“Lehenengo mailako ikasleek enpresetan egin dituzten praktikak existitu ez balira bezala jokatzeko eta notak aurreko sistemaren arabera jartzeko eskatu digute”, adierazi dio ARGIAri irakasle talde batek. Hori eta beste hainbat adibide eman dizkigute, azaltzeko modu... [+]
Animalia-etikaz mintzatuko dira EHUko ikastaroetako batean. Leire Morras Aranoak, ikastaroaren zuzendariak, hezkuntzan antiespezismoa lantzeko dauden hutsuneak eta aukerak nabarmendu ditu.
Udako Euskal Unibertsitateak hogei jardunaldi eta topaketa antolatu ditu ekainaren 11tik hasita hilabete batez, hausnarketari bide emateko eta "arnasgune akademikoa" izateko helburuarekin. Inguma datu-base berrituan unibertsitate mailako jakintza alor ugaritako ia 50.000... [+]
Espainiako Lanbide Heziketaren legeak egoera larria ekarri duela iritzita, kezka nagusiekin manifestua idatzi du irakasle talde batek eta jasotako sinadurak aurkeztu dizkio Eusko Jaurlaritzako Lanbide Heziketako Sailburuordetzari. “Joan garen ikastetxe guztietan bat egin... [+]
Eusko Jaurlaritzako Hezkuntza sailburuak iragarri duelarik hainbat ikastetxe eta zonaldetan sukaldeak jarriko dituztela, EHIGE gurasoen federazioak dio gaur egun catering-enpresen esku dauden eskola-jantokietako eredua bera aztertzea eta bestelako kudeaketa bat bultzatzea dela... [+]
Ehunka pertsona joan dira jaialdira, haien artean Begoña Pedrosa Hezkuntza sailburua, 60 milioi euroko inbertsioa iragarri duena Eskola Txikientzat.
EAEko Hezkuntza Sailak egindako “balorazio oso positiboa” ezbaian jarri du Arartekoak ebazpen batean. Bere esanetan, “neurri irmoagoak” hartu ezean, Ordiziako eskoletan dauden zaurgarritasun eta hizkuntza desoreka arazoak konpontzetik “urrun”... [+]