Gregorio Alboren gorpuzkiak jaso ditu familiak Paternainen
Iragan uztailean 36ko Gerran fusilatu eta desagerrarazitako hamar gorpuzki aurkitu zituzten Paternainen (Nafarroa). Horietakoa bat zen Gregorio Albo Urcelay eta atzo eman zizkieten gorpuzkiak senideei Paternainen bertan, Nafarroako Gobernuko Herritarrekiko Harremanetarako kontseilari Ana Ollok gidatutako ekitaldian.
Gregorio Albo Calzada de Bureban (Burgos) jaio zen 1905ean eta gerra garaian Iruñeko tren geltokian ari zen lanean. Espainiako Alderdi Komunistako kidea zen. 1936ko abuztuaren 26 eta 29 artean trenbidetako hainbat langile atxilotu zituzten frankistek Iruñean, fusilatu eta desagerrarazi. Garai hartako beste hainbatetan bezala, atxiloketak ez ziren ofizialki erregistratu. Ahozko zenbait testigantzaren arabera, Paternain inguruetan hil eta ehortzi zituzten. Manuel semeak eta Manu Ibero bilobak jaso zituzten gorpuzkiak ostegun goizean.
Ana Ollo kontseilariak azpimarratu zuen Nafarroako Gobernuak memoriari buruzko politika publikoekin duen konpromisoa, eta gogorarazi zuen bilatzen jarraitzen dutela: “Uste osoa baitugu soilik bidezko memoria batetik abiatuta, biktimek egia, justizia eta erreparazioa izateko duten eskubidetik abiatuta, lortuko dugula egunen batean oraindik irekita dauden zauri horiek ixtea”.
Ángel Salas Larrazabal militar frankista urduñarrak gidatzen zuen hegazkinak bonbak bota zituen Otxandioko Andikona plazan zibilen aurka, 1936ko uztailaren 22an. Gutxienez 61 herritar hil ziren. Frankismoan hainbat kargu militar eta politiko izan zituen, eta 1991n... [+]
Irisarriko herrigunera sartu orduko, hantxe, etxe baten atarian, ikurrina eta estelada. Jokin Etxebarriaren bizitokia duzu. Gerrako ume izandakoa, hamaika ibilera –eta hamaika baino gehiago ere bai–, han eta hemen egindakoa. 92 urtek nahi beste bizitzeko aukera... [+]
Otsailaren 21ean Missak Manouchian eta Melinée Assadourian senar-emazte armeniarren gorpuzkiak Pariseko Panteoian sartuko dituzte ohore guztiekin. Poeta eta partisano komunista, Manouchianek ekintza ikusgarriak gidatu zituen Bigarren Mundu Gerran okupaturiko Frantzian,... [+]
1936ko Gerra amaitzear zela, Franco diktadoreak Pirinioetan milaka bunker eraikitzea agindu zuen. Mendian horiek ikusten aspaldi ohituak gaude, baina ez genekien defentsarako lerro erraldoi bat osatzen zutela, eta azken urteetan berreskuratzeko ekimenak jarri dira abian. Izan... [+]