Prebarikazioa eta diru publikoa bidegabe erabiltzea egozten dio Espainiako Auzitegi Gorenak orduan Nafarroako lehendakariorde eta Garapen Ekonomikoko kontseilari zenari. UPNk jarritako kereila onartu du epaileak, 2015ean Sodena sozietate publikoaren bidez Davalor enpresari emandako maileguan irregulartasunak ikusita.

Abenduaren 23tik 26ra eta eta 30etik urtarrilaren 2ra atera ahal izango dute Nafarroatik beste erkidegoetan diren familiartekoekin egoteko, baina erantzukizun agiri bat sinatu beharko du arrazoi hori medio bidaiatu nahi duenak. Ez da posible izango Nafarroatik ateratzea turismoa egiteko.

Steilas sindikatuak Nafarroako Gobernuaren 2021eko aurrekontuak kritikatu ditu Iruñean emandako prentsaurrean. Aurrekontuen balorazio sakona egin dute eta, Hezkuntza Saileko diru kopurua aurten pixka bat handitu bada ere, kalitateko hezkuntza publikoa bermatzeko ez dela nahikoa adierazi dute.

Nafarroako Gobernuko ordezkariekin bildu dira ostegunean Nafarroako ostalariak eta abenduaren 17tik aitzinera ostatuak zabaltzeko ordutegia 22:00 arte luzatzea eta ostatu barreneko edukiera %30ekoa izatea proposatu die gobernuak. Horrekin batera, lokala aireztatzeko baldintza egokiak eskatu dizkie ostalariei.

UPNren kudeaketaren arrastoak luzaroan nozituko dira Nafarroan alor ugaritan. Hiru azpiegitura handien ordainketa itzalpeko bidesariz egiten da eta kontu publikoak gogor zamatuko ditu urtero. Hiru obra hauek 976 milioi euroko kostua izan dute, baina Nafarroako Gobernuak 2.676 ordainduko ditu, kostua baino 1.700 milioi euro gehiago, ia hiru aldiz gehiago.

Fakultatibo espezialista izateko 283 lanpostu betetzeko deialdia egin du Osasunbideak (2020ko urriaren 30eko Nafarroako Aldizkari Ofiziala). Osasunbideak beti baloratzen du hizkuntzak bere lan deialdietan: aurreko gobernuek alemana, frantsesa eta ingelesa balioesten zituzten Nafarroa guztian, eta ez euskara legeak "eremu ez-euskaldun" deitutakoan. Gobernu honek beste pauso bat eman du, eta eremu mistoan ere ez du euskara baloratzen. Eta, gainera, deialdi honetako lanpostu bakar batek... [+]

Antigenoen testa erabiliko dute Nafarroako osasun etxe guztietan azaroaren 2tik aurrera. Baina test azkarrak ez dituela PCR testak "ordezkatuko" adierazi du Nafarroako Gobernuak, "osatu baizik, eta gero eta gehiago erabiltzea aurreikusten da". Sintomekin bost egun baino gutxiago daramatzaten eta ospitalaratzeko motiborik ez duten gaixoekin erabiliko dira test azkarrak. Emaitzak 15 minutuan ematen dituenez, aztarkariak inguruko pertsonen bila lehenago hasi ahal izatea du... [+]

Nafarroako intzidentzia maila altua dela eta, neurri murriztaile "gogorrak" ezarri ditu Nafarroako Gobernuak hamabost egunez. Gauerdian sartu dira indarrean.

Ostegun honetan bilduko da LABIren (EAEko babes zibilerako plana) batzordea koronabirusaren aurrean neurri gehiago hartzea beharrezkoa ote den aztertzeko. Mahai gainean dauden aukeren artean,100.000 biztanleko 500 kasuak gainditzen dituzten 5.000 biztanletik gorako herrietan neurri “kirurgikoak” hartzea dago Iñigo Urkulluk aurreratu duenez.

COVID-19aren bigarren olatua moteltzeko asmoz, Nafarroako Gobernuak bigarren neurri multzo bat onartu du urriaren 19an: urriaren 22an (osteguna) ezarriko dira indarrean neurri hauek eta azaroaren 4 arte iraungo dute. Nafarroatik irteteko edo bertara sartzeko aukerak mugatuko dituzte, tabernak itxi eta kultur zein kirol ekitaldiak 21:00etarako bukatu beharko dira. Burbuilen sistema ere zorroztuko du.