Gasteizko Hirigintza Saila eta gardentasuna: urtebete eskaera ofizialei erantzunik eman gabe
ARGIAk hamaika aldiz eskatu dio Gasteizko Hirigintza Saileko Eraikuntza Zerbitzuari, urte batez, bi espedienteren inguruko informazioa. Hainbat aldiz ziurtatu zaio hedabide honi informazioa igorriko zitzaiola. Inoiz ez dute egin, eta hainbat hitzordu eta eskaera ofizial utzi ditu sailak erantzun gabe.
aurre egingo dieten hedabide independenteak
2024ko irailaren 26an honako idatzia erregistratu zuen artikulu hau sinatzen duen kazetariak Gasteizko Udalean. Idatzia Eraikuntza Zerbitzuari zuzenduta dago, Hirigintza Sailaren ardurapeko zerbitzua dena:
“Hilabeteak dira Gasteizko Udaleko Eraikuntzen Zerbitzura deitu nuela informazio bat eskatzeko: Pintore kaleko XX atariko 1. eta 4. solairuetako espedienteak ikustea.
Espediente horien arduradunarekin hitz egin nuen. Hainbat aldiz gelditu zen, lehenbizi, niri deia bueltatzekotan informazioa behin eskuratuta. Ondoren, berriz ere deiak egin ostean, hainbat aldiz ziurtatu zidan espediente horiek bidaliko zizkidala.
Informazioa jasotzen ez nuela ikusita, telefono bidezko hitzordu ofizialak eskatu nituen, lehenbizi uztailaren 4an, bigarrenez 7an (bietan 12:30ean), eta ez nuen deirik jaso. Uztailaren 19an idatzizko eskaera aurkeztu nuen udaletxean. Erantzunik ez nuenez jasotzen, berriz ere deitu nuen telefonoz uztailaren amaieran, eta ziurtatu zidaten deia bueltatuko zidatela hurrengo egunean. Bi hilabete igarota ez dut deirik jaso.
Ondokoak eskatzen ditut:
- Administrazioak bere ardura betetzea: oro har herritarren eskakizunei bide emanez, eta zehazki hitzordu ofizialei erantzunez zein agindutako informazioak helaraziz.
- Espediente horien kopia behingoz jasotzea.
- Erantzuna idatziz jasotzea.
Adeitasunez [datu pertsonalak, bizitokia eta posta elektronikoaren helbidea]”.
Erregistro ofizialean aurkeztutako eskaera horrek ere ez du erantzunik izan. Eskatutako bi espedienteak Luxury Rental Apartments SL enpresako bi etxebizitzari dagozkio. Enpresaren akzioen %50a Gustavo Antepara PPko kidearena da. Bi etxebizitza horiei alta eman zitzaien etxebizitza turistikoen Jaurlaritzaren erregistro ofizialean 2023ko irailean; Jaurlaritzak alta emateko udalaren aldeko txostena behar du, baina udalak ez du etxebizitza turistiko berrietarako baimenik ematen Alde Zaharrean 2023ko otsailetik.
Gertatutakoa ulertu eta argitu nahian eskatu zuen espedienteen inguruko informazioa ARGIAk, eta horrela adierazi zion kazetari honek Eraikuntza Zerbitzuko proiektu arduradunari. Arduradunak berak jakinarazi zuen bi espedienteen egilea bera zela (etxebizitzei Jaurlaritzaren erregistroan alta zergatik eman zaien artikulu honetan azalduta dago). Kazetariari bere posta elektronikoa ere eman zion, bertara idatzi eta bueltan espedienteak jasoko zituela aginduta. Mezua bidali zuen kazetariak, baina ez zuen erantzunik jaso.
Urte beteren ondoren, informaziorako eskubiderik ez
Apirila amaieran, saiakera berria egin eta hitzordu telefonikoa eskatu du ARGIAk. Oraingoan bai, jaso du deia hitzorduaren egunean, zerbitzuko beste langile baten eskutik. Espedientea ikusteko aukeraz galdetzean, zerbitzu juridikoekin kontsultatu behar duela adierazi du. Minutu batzuetara egin du dei berria, jakinarazteko ARGIAk ez duela eskubiderik “interesatu zuzena” ez izateagatik. Urte beteko ahalegin etsigarri eta antzua minutu gutxi batzuetan argitu zitekeen. Zergatik agindu zuen orduan zerbitzu buru eta espedienteen egileak, hainbat aldiz, informazio hori?
Eztabaidagarria izan daiteke nork duen zein informazio jasotzeko eskubidea eta nork ez. Eztabaidaezina da administrazio batek edota arduradun batek ezin duela horrela jokatu, ez hedabideekin, ez herritarrekin.
----
Jarrian, gai honekin loturiko beste bi artikulu:
- Baimenik gabeko etxebizitza turistikoak ustiatzen jarraitzen du PPko Antépararen enpresak
Gustavo Antépararen negozioen inguruko informazio guztia, kanal honetan.
Maiatzean 145.142 sinadura aurkeztu zituen Euskal Herriko Pentsiodunen Mugimenduak Gasteizko Legebiltzarrean, pentsioak gutxieneko soldatarekin parekatzeko proposamen baten alde. Pentsioak jasotzen dituzten pertsonentzako babesa “dagoeneko sisteman txertatuta”... [+]
Argentinako hainbat hedabidek Desgaitasun Agentzia Nazionalaren buru den Diego Spagnuoloren audioak zabaldu dituzte. Argentinako Gobernuan eroskeria dagoela aitortu eta azaldu du horietan Spagnuolok, eta ustelkeria kasu horren buruetako bat Argentinako presidente Javier Mileiren... [+]
Flamenco On Fire jaialdian ospatu dute ijito komunitatearen, flamenkoaren eta pilotaren arteko harremana. Iruñeko Alde Zaharreko Mañueta pilotalekuan antolatu dute jaialdia, eta bertan omenaldia egin diete lau pilotari ijitori.
Azken asteetan bolo-bolo dabil Poliziaren eta, zehatzago esanda, Ertzaintzaren gaineko eztabaida. Tamalez, eztabaida piztearen arrazoia ez dira horiek Euskal Herri Langilearen kontra erabiltzen dituzten biolentzia eta jazarpen sistematikoa. Horren ordez, Ertzaintzaren eta bere... [+]
Bozketa arauei dagokionez hainbat aldaketa bideratu zituen maiatzaren 21ean bozkaturiko legediak. Bozkatzeko prozedura argiturik, abuztuaren 27an eman du hauteskundeen agendaren berri Frantziako Gobernuaren bozeramaileak.
Izendapenak ahalbidetuko du kalte ordainak ordaintzeko prozesuak hastea. Bi suteetan 500 hektarea baino gehiago erre dira.
Poliziak Palestine Action ekintzaileen taldea babestea leporatzen dio, Erresuma Batuko Gobernuak uztailean erakunde terrorista izendatu zuena. Bizpahiru orduz atxilo egon ondoren aske geratu da, baina epailearen aurrean deklaratu beharko du irailaren 18an.
Israel Gazan egiten ari den genozidioaren aurkako mezuak adierazteagatik mota askotako errepresioa jasan du Irlandako Kneecap musika taldeak: Liam Óg Ó hAnnaidh kidea asteazkenean epaitu zuten, Londresen emandako kontzertu batean Hezbollah miliziaren bandera... [+]
ELA, LAB, ESK, Steilas, Hiru eta Etxalde sindikatuek aurkeztu dituzte Herri Ekimen Legegilearen sinadurak Eusko Legebiltzarrean. Orain pilota alderdien teilatuan dagoela esan dute, eta herritarren borondatea kontuan izatea eskatu diete.
Durangoko Ernaik salatu du Txiki eta Otaegiren muralaren kontrako erasoa. Ostegun arratsaldean murala berregiteko dei egin dute.
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
50 maliar inguru ari dira kalean bizitzen Gasteizen beren asilo eskaeren ebazpenaren zain. Eusko Jaurlaritzak Oñati eta Tolosako harrera zentroetara mugituko ditu Espainiako Gobernuaren pasibotasunaren aurrean, horren eskumena baita eskaerak ebaztea eta ostatu alternatiba... [+]
Hedabideen artean erakunde publikoek urtero publizitatearen bidez banatzen duten diru-zakua milioika eurotan zenbatu daiteke. Baina sistema garden eta justu baten faltan, medio batzuk argi eta garbi irabazten irteten dira banaketa horretan, eta Eusko Jaurlaritzaren... [+]
Komunikazio ministro eta gobernuaren bozeramaileak iragarri du neurria. Berehala galdetu diote ea mehatxuren batek bultzatu duen erabakia, eta horri erantzun dio "mehatxua Israelgo eskuin muturretik" datorrela.
Iñigo Urkullu lehendakari ohiak adierazi du Txiki eta Otaegi Eusko Jaurlaritzak aitortutako biktimak direla, eta hala "errespetua" merezi dutela. Haien biktima izaera ezin dela zalantzan jarri azpimarratu du.