Baimenik gabeko etxebizitza turistikoak ustiatzen jarraitzen du PPko Antépararen enpresak
Gasteizko Alde Zaharreko Pintore kalean, atari bateko lau etxebizitzen jabe da Luxury Rental Apartments enpresa. Horietako bi etxebizitza turistiko gisa alokatzeko Jaurlaritzaren beharrezko baimena eskuratu du enpresak, eskuratu aurretik ere alokatu baditu ere, baina Turismo Saileko iturri batek ARGIAri azaldu dioenaren arabera auzitan daude. Beste biak etxebizitza turistiko gisa esplotatzeko baimenik ez du, baina alokairuan ditu.
ARGIAk 2023ko apirileko ikerketa erreportajean frogatu zuen 2021eko ekainaz geroztik behintzat hasi zela Luxury Pintore kaleko atariko bere jabetzako lau etxebizitzak etxebizitza turistiko gisa alokatzen, horretarako baimenik izan ez arren. Luxury enpresaren partaidetzen %50en jabe Gustavo Antépara da, EAEko PPko kide esanguratsua eta besteak beste, zinegotzia Gasteizko Udalean. Enpresaren adiministratzailea Pilar Perosanz da, Antépararen bikotea.
2023ko irailean Luxuryk lau etxebizitzetako bi erregistratu zituen Euskadiko Turismo Enpresa eta Establezimenduen Erregistroan, lehen eta laugarren solairuetakoak. Erregistroan alta emanda egotea ezinbesteko baldintza da etxebizitza turismorako esplotatu ahal izateko. Beste bi etxebizitzak, 2. eta 3. solairuetakoak, ez daude erregistroan.
Eskuratutako bi baimenak zalantzan
Baina Gasteizko Udalak 2023ko otsailetik ez du ematen Gasteizko Alde Zaharrean etxebizitza turistikoak irekitzeko baimenik. Nola liteke orduan zazpi hilabete geroago Luxuryk bi lizentzia lortu izana? Kasua ezagutzen duen Eusko Jaurlaritzako Turismo Sailako iturri batek eman dizkio azalpenak ARGIAri.
Etxebizitza turistikoen erregistroan alta emateko eskaera aurkezten duenean edonork, batetik, sailak alta ematen dio automatikoki, “legez, onartu besterik ez dezake egin”. Bestetik, “egiaztapen espedientea” irekitzen du eskaeraren egokitasuna aztertzeko. Erabakigarriena dagokion udalaren baiezko edo ezezko txostena da. Luxuryren bi eskaera horien kasuan “Udalak ezezkoa eman zuen, beraz Jaurlaritzak ere bai”, azaldu du anonimotasuna gordetzeko eskatu duen iturriak. Baina Luxuryk bi ezezkoen aurkako helegitea aurkeztu zuen “guztiarekin egiten duen moduan”. Udalak ez zion errekerimenduari erantzunik eman dagokion epearen barnean eta, ondorioz, Luxuryren eskaera onartua izan zen.
Ematen du, ordea, ez dela bidearen amaiera. Jaurlaritzak eskumena du egiaztapen espediente berria irekitzeko. Pertsona honen esanetan, “egingo du”, eta ezusteko berririk ezean Luxuryren bi eskaerak atzera botako ditu. Hori gertatzeko “beste zenbait hilabete” igaro beharko dira, halere.
Baimenik gabeko etxebizitza turistikoak
Edonola dela, bien bitartean atariko lau etxebizitzek publikoki iragarrita jarraitzen dute etxebizitza turistikoen alokairurako erreferentziazkoak diren Booking edo Gites atarietan, esaterako. Lauak, baimenak duten biak zein ez dutenak.
Horrez gain, auzokideek ARGIAri ziurtatu diote aldizka baimenik ez duten bigarren eta hirugarren solairuetako etxebizitzetan ere ikusi dutela jendea. Bestalde, atarian ez dago ikusgai derrigorrez jarri beharrekoa den plaka ere, etxebizitza turistikoa iragartzen duena.
Luxuryren aurkako salaketa
Turismo Saileko iturriaren arabera, Luxuryk legezkotasunaren mugan jokatzea ohikoa da, baita helegite eta errekerimenduen bitartez prozesuak ahal beste luzatzea ere. ARGIAri azaldu dio “partikular batek” salaketa aurkeztu zuela sailean Luxuryren aurka, “jarduera ilegala” leporatuta etxebizitza bat turismorako alokatzeagatik. Isuna jarri zioten “arau hauste larriagatik”, baina ezerezean geratu zen azkenik. “Helegitea jarri zuen, esanez egonaldi laburra izan zela, eta lan arrazoiengatik. Datak bat zetozen jai-zubi batekin. Ez galdetu nola, baina isuna kentzea lortu zuen”.
---
Jarraian, informazio honi loturiko beste bi artikulu:
- Baimenik gabeko etxebizitza turistikoak ustiatzen jarraitzen du PPko Antépararen enpresak
- Gasteizko Hirigintza Saila eta gardentasun eza: urtebete eskaera ofizialei erantzunik eman gabe
Gustavo Antépararen negozioen inguruko informazio guztia, kanal honetan.
Izendapenak ahalbidetuko du kalte ordainak ordaintzeko prozesuak hastea. Bi suteetan 500 hektarea baino gehiago erre dira.
Poliziak Palestine Action ekintzaileen taldea babestea leporatzen dio, Erresuma Batuko Gobernuak uztailean erakunde terrorista izendatu zuena. Bizpahiru orduz atxilo egon ondoren aske geratu da, baina epailearen aurrean deklaratu beharko du irailaren 18an.
Israel Gazan egiten ari den genozidioaren aurkako mezuak adierazteagatik mota askotako errepresioa jasan du Irlandako Kneecap musika taldeak: Liam Óg Ó hAnnaidh kidea asteazkenean epaitu zuten, Londresen emandako kontzertu batean Hezbollah miliziaren bandera... [+]
ELA, LAB, ESK, Steilas, Hiru eta Etxalde sindikatuek aurkeztu dituzte Herri Ekimen Legegilearen sinadurak Eusko Legebiltzarrean. Orain pilota alderdien teilatuan dagoela esan dute, eta herritarren borondatea kontuan izatea eskatu diete.
Durangoko Ernaik salatu du Txiki eta Otaegiren muralaren kontrako erasoa. Ostegun arratsaldean murala berregiteko dei egin dute.
Polizia jarduera arrazistak dira araua Bilbon. Manteroei salgaiak konfiskatzen dizkiete, dirua eta objektu pertsonalak kentzen dizkiete, tratu txarrak ematen dizkiete eta mespretxatu egiten dituzte, indarkeriazko murrizketekin, identifikazioekin eta atxiloketekin.
50 maliar inguru ari dira kalean bizitzen Gasteizen beren asilo eskaeren ebazpenaren zain. Eusko Jaurlaritzak Oñati eta Tolosako harrera zentroetara mugituko ditu Espainiako Gobernuaren pasibotasunaren aurrean, horren eskumena baita eskaerak ebaztea eta ostatu alternatiba... [+]
Hedabideen artean erakunde publikoek urtero publizitatearen bidez banatzen duten diru-zakua milioika eurotan zenbatu daiteke. Baina sistema garden eta justu baten faltan, medio batzuk argi eta garbi irabazten irteten dira banaketa horretan, eta Eusko Jaurlaritzaren... [+]
Komunikazio ministro eta gobernuaren bozeramaileak iragarri du neurria. Berehala galdetu diote ea mehatxuren batek bultzatu duen erabakia, eta horri erantzun dio "mehatxua Israelgo eskuin muturretik" datorrela.
Iñigo Urkullu lehendakari ohiak adierazi du Txiki eta Otaegi Eusko Jaurlaritzak aitortutako biktimak direla, eta hala "errespetua" merezi dutela. Haien biktima izaera ezin dela zalantzan jarri azpimarratu du.
Ostegunean eman dituzte asilo eskaera tramitatzeko lehen txandak: bederatzik lortu dute, irailerako. Eusko Jaurlaritzak ebazpena arintzea, eta migiratzaileak ostatzeko zentroetara mugitzea eskatu dio Espainiako Gobernuari.
Aurten Txiki eta Otaegi fusilatu zituztela 50 urteko beteko direnean, Alonsok adierazi du ETAko bi kideek ez zutela nahi Franco osteko gizarte demokratiko bat: "Diktaduraren aurka borrokatzen ziren, baina diktadurak erabilitako tresna berberekin".
Tenperatura igoera dago aurreikusita datozen egunetarako, eta, sute arriskuak ekiditeko, ostegun iluntzeko 20:00etatik aurrera debekatuta egongo da uzta lanak egitea. Aurretiaz ere neurriak hartuta zituen gobernuak, baina Zarrakazteluko sutea kontrolpean izanda, neurriak malgutu... [+]
Bakoitzak 1.680 eguzki panel izango ditu, eta megawatt bateko potentzia. Enpresak hiru urteko epea izango du Muga eta Val izeneko instalazio fotovoltaikoak eraikitzeko.
Erresuma Batuko gobernuak proposatu du delituak dituzten migratzaileak berehalakotasunez deportatzea, ekainean onartutako legearen bide beretik. Lege horrek baimentzen du sententzien %30 beteta dutenak deportatzea; igandeko proposamenarekin ez dute zigorrik bete beharko... [+]