Gasteiz, hizkuntza gutxituen topagunea
Abian da HIGA Hizkuntza Gutxituetako Hiztun Gazteen Topaketaren IV. edizioa. Ostiralera bitartean, 75 lagunek 65 hizkuntza eta beren esperientziak partekatuko dituzte Gasteizen.
Uztailaren 17tik 21era bitartean, astelehenetik ostiralera, HIGA topaketen laugarren edizioa egingo dute Gasteizko Montehermoso Kulturunean. Aurten mundu osoko txoko ugaritatik iritsitako 75 pertsona elkartuko dira jardunaldietan, gutxitutako 65 hizkuntza komunitate ordezkatuz.
Hizkuntza gutxituen biziberritzea ardatz hartuta, Hizkuntza Gutxituetako Hiztun Gazteen Topaketa da HIGA, eta astelehen honetan eman diote hasiera, 16:00etan. Bertan izan dira Maria Nanclares Euskara zinegotzi berria eta, besteak beste, Lexuri Ugarte Aldundiko Euskara zuzendaria, Sagrario Aleman Euskaltzaindiako hizkuntzaren batzorde tutelarreko presidentea, Louis Albert Becker YEN/JEVko Gutxiengoen Eskubideen eta Politikaren koordinatzaile eta Rise-up-eko ordezkaria, eta Beñat Garaio HIGAko koordinatzailea.
Lehen edizioa 2011n antolatu zuten, nazioarteko komunitate ugariren artean lanerako sarea sortzeko helburuarekin. Gainera, parte-hartzaileek hizkuntzak biziberritzeko prozesuen zein hizkuntzalaritza arloko aktibismoaren esparruan trebatzeko aukera dute, haien errealitatea partekatuz eta gainerakoena ezagutuz.
"Ondo dakigu gazteek osatzen dutela hizkuntza gutxituen biziberritzea ahalbidetuko duen talde sozial garrantzitsuenetako bat", aldarrikatu du Nanclaresek, Gazte Planean zein Euskara Sustatzeko Planaren bitartez Gasteizko Udalak egitasmoa antolatzen eta bultzatzen duela azpimarratuz.
Halaber, nazioarteko proiektu hau EHUren udako ikastaroetako prestakuntza programan jasota dago, eta aurten, berrikuntza gisa, HIGA Plaza izeneko film labur interaktiboak sortuko dituzte. Horrez gain, UNESCOk HIGA aukeratu du aurten Hizkuntza Indigenen Nazioarteko Hamarkadarekin lotutako egitarauaren barruko ekitaldi ofizial gisa.
Bost egun esperientziak elkarbanatzeko
Jardunaldietan askotariko gaiak jorratuko dituzte: besteak beste, hizkuntzalaritza arloko aktibismoa, intersekzionalitatea, hizkuntza arloko biziberritzeak beste aldarrikapen batzuekin izan ditzakeen puntu bateragarriak, teknologia berriak...
Goizeko saioetan, hitzaldiak eta mahai-inguruak izango dira nagusi. Bazkalondoan, berriz, komunitateen artean lankidetza eta ekintzailetza sustatzera bideratutako tailerrak egingo dituzte. Eta arratsaldetan, elkarren arteko harremanetarako eta ezagutzarako sareak sortu ahal izateko aisialdiko jarduerak antolatuko dira, giro informalago batean: kontzertuak, proiekzioak, irteera kulturalak...
Udalaz gain, HIGAk beste erakunde batzuen laguntza jaso du ere: Eusko Jaurlaritza; Arabako, Bizkaiko eta Gipuzkoako foru aldundia; Vital Fundazioa; Badalab; Euskaltzaindia; Garabide; EHU; HPS; Soziolinguistika Klusterra; eta Unesko Katedra.
Zientzia-dibulgazioa saritzeko erreferentziazko sariak izan dira CAF-Elhuyarrekoak. Antolatzaileek 31. edizioa martxan zegoela etetea erabaki dute, "sariketa behar bezala egiteko baldintzarik ez dagoelako".
Euskararen normalizazioaren motorrak herri dinamikara bueltatu behar du aurrera egin nahi badugu
Euskararen balizko etorkizunari buruzko ikerketa bat ezagutzera eman da berriki, eta zalaparta eragin du bertan irudikatzen den paisaia beltzak. Asaldamendu hori auzitan jarriz abiatuko dut nire ekarpena. Zergatik da harrigarria datu hori? Zein mundutan bizi gara, gure egoeran... [+]
Euskara badago Bilbon, baina non? Eta zertarako? Nork sortzen du euskarazko kultura, eta nork sostengatzen? Galdera horien aurrean, udalaren azken urteetako erabakiei begira, argiago ikusten da euskara eta kultura bizirik nahi ditugunontzat kezkagarriak diren erabakiak hartu... [+]
Sasijakintsua, jakineza eta franco txikia: horiexek dira aurrekoan Gotzon Lobera jaunak, Bilboko kale batzuen izenak aldatzeko ekimenaren kariaz, Deia egunkarian zuzendu dizkidan epitetoak. Ez du nire izena aipatu, egia, baina neu izan naizenez urte eta erdi luzeko borrokan... [+]
Euskalgintzaren Kontseiluak deituta, Espainiako Auzitegi Gorenak joan den astean ebatzitako sententzia salatzeko prentsaurreko bateratua egin dute Bilbon. Sententzia "euskal gizartearen eta euskal erakundeen borondate demokratikoaren aurkako eraso zuzena" dela... [+]
Lizarrako Udalak udarako antolatu dituen bost musika ikuskizunetan eta beste horrenbeste film emanaldietan bat bera ere ez da euskaraz izanen; datorren astean hasiko diren festen egitarauan haurrentzako ekitaldi bat dago euskaraz programatua, justu, erraldoi eta buruhandien... [+]
Hankak lurrean dituzte gure solaskideek. Euskalgintzaren eta herri mugimenduen joko-zelaian dabiltza etengabe eta eskarmentu horretatik hitz egiten dute euskarari eusteaz, hizkuntza zapalkuntza ez normalizatzeaz eta erdaldunengandik espero beharko genukeenaz. Gorka Torrek ez du... [+]
Gu gara euskara. Euskara gure baitan bizi da. Guk biziarazten dugu. Euskara bizi dugu eta euskarak bizi gaitu. Guk elikatzen dugu eta gu elikatzen gaitu. Euskara gara. Euskara egiten dugunean euskarak egiten gaitu. Guk dugu, euskarak gaitu.
Euskararik gabe ez gara, eta hori... [+]
Euskarazko B2 maila dutela ez ziurtatzeagatik Eibarko Egogain zaharren egoitzako lan eskaintza publikotik kanpo utzi zituzten bi langileen alde ebatzi du Donostiako Lehen Auzialdiko 3. Epaitegiak, CCOOk jakinarazi duenez. 2024ko urrian, Gonzalo Pérez Sanz epaileak... [+]
Europar Batasuneko estatu kideen gehiengoak atzera bota du euskara, katalana eta galiziera EBn hizkuntza ofizialak izateko eskaera. Finantzazio eta arlo legalean hainbat "zalantza" dituztela plazaratu dute.
Igande goizean elkarretaratzeak egin dituzte Euskal Herrian Euskarazek deituta, Geldi euskara zapaltzea! lelopean.
UEMAk antolatuta egin dituzte kontzentrazioak larunbat eguerdian, Espainiako Auzitegi Gorenaren azken epai euskarafoboaren aurka eta euskararen alde. Euskara “benetan” babesteko “adostasun sendoak” eskatu ditu UEMAk, “euskarak eta euskaldunok... [+]
Espainiako Gobernuak Europako Batzordeari egindako eskaerari Euskal Herriko, Kataluniako eta Galiziako 28 unibertsitatek babesa eman diote. Salvador Illa Kataluniako Generalitateko presidenteak eta Imanol Pradales lehendakariak eskutitz bat sinatu dute eskaerari babesa... [+]
Hezkuntza Sailak 2025-2026 ikasturtearen antolaketa bigarren hezkuntzako ikastetxe publikoetan ebazpena argitaratu du. Urteroko agiria da, uztail hasierakoa; ikasturte-hasierako ebazpena esaten diogu.
Aurtengoan, hauxe jasotzen du euskarazko bertsioak:... [+]