Euskararen Ginkanaren finala
urtarrilaren 25ean Donostian
Hirugarren edizioa duen Euskararen Ginkanak larunbat honetan, urtarrilak 25, jokatuko du finala Donostiako San Telmo Museoan, 12:00etan hasita.
Euskaltzaleen Topaguneak eta Kutxa Ekoguneak elkarlanean antolatzen duten lehiaketa da Euskararen Ginkana.
Ilaski Serranok gidatuko du ginkana eta finalera iritsi diren lau taldeek bost proba pasa beharko dituzte irabazlea zein den ebazteko. Puntu gehien lortzen duen taldeak 3.000 euroko saria jasoko du euskararen aldeko ekimen bat finantzatzeko. Sari banaketa ostean Donostiako Rekalde tabernan emango zaio amaiera aurtengo edizioari.
Aurten taldeka planteatu da lehia lehenengoz. Parte hartze anitza izan du aurreikuspen guztiak gaindituz. Hego Euskal Herriko 42 taldek erantzun diote deialdiari: aisialdi eta kultura taldeek, euskara elkarteek, euskaltegiek, mintzapraktika taldeek, bertso eskolek, eta guraso zein ikasle taldeek.
Finalerako bidean hizkuntza aniztasunaren gaiarekin lotutako 6 proba gainditu behar izan dituzte taldeek, astero Euskararen Ginkanaren webgunean argitaratutakoak. Besteak beste, saria lortuz gero babestuko luketen proiektuaren aurkezpen bideoak sortu dituzte; hizkuntzei buruzko galdera sortak erantzun; hiztun eleanitzen testigantzak bildu; edota talde bakoitzaren herrian “kaixo” hitza 20 hizkuntzatan bildu.
Taldeek egin behar izan dituzten hainbat proben erakusle dira Euskararen Ginkanako Youtube kanalean eskegita dauden 100 bideotik gora.
Honako talde hauek lehiatuko dira urtarrilaren 25eko finalean: Onddo Beltzak taldea, Atarrabiako Karrikaluze euskara elkartearen izenean; Algortako Bertso Eskola, Lasarte-Oriako Dinbi-Banda batukada taldea eta Gasteizko GEU elkarteko Igandeak Jai egitasmoa.
Espainiako Gobernuak Europako Batzordeari egindako eskaerari Euskal Herriko, Kataluniako eta Galiziako 28 unibertsitatek babesa eman diote. Salvador Illa Kataluniako Generalitateko presidenteak eta Imanol Pradales lehendakariak eskutitz bat sinatu dute eskaerari babesa... [+]
Hezkuntza Sailak 2025-2026 ikasturtearen antolaketa bigarren hezkuntzako ikastetxe publikoetan ebazpena argitaratu du. Urteroko agiria da, uztail hasierakoa; ikasturte-hasierako ebazpena esaten diogu.
Aurtengoan, hauxe jasotzen du euskarazko bertsioak:... [+]
UEMAren zuzendaritza batzordeko kideek hedabideen aurrean agerraldia egin dute ostegun eguerdian Zarautzen, Espainiako Auzitegi Gorenaren azken epai euskarafoboa salatzeko. Epaia "larria" dela adierazi dute, eta batez ere udalerri euskaldunei eta euskaraz aritzen... [+]
Nerea Kortajarena EH Bilduko legebiltzakideak prentsa agerraldi batean esan du Eusko Legebiltzarrean dauden "gehiengoak" baliatu beharko liratekeela "hizkuntza politika berri bat ahalbidetzeko".
Maria Ubarretxena Eusko Jaurlaritzako bozeramailearen esanetan, “indar politiko batzuk erabaki politikoak judizializatzen ari dira”.
Vox alderdi ultraeskuindarraren eskariz EAEko Auzitegi Nagusiak 2023ko irailean baliogabetu zituen EAEKo Udal Legearen hainbat artikulu, euskararen normalizazioaren ingurukoak. Erabaki hura berretsi du orain Espainiako Auzitegi Gorenak, eta ez dago helegiterako aukerarik... [+]
Euskal Herrian euskara "hainbatetan ukatua edo bigarren hizkuntza bezala tratatua" dela salatu du EHEk, eta egoera hobetzeko hizkuntza politiketan jauziak egitea ezinbestekoa dela adierazi du. Hori dela eta, elkarretaratzeak egingo ditu Maulen, Donapaleun eta Baionan,... [+]
Egoerak bere horretan segituz gero, Euskal Hirigune Elkargoak ez du izenpetuko EEP Euskararen Erakunde Publikoa osatzeko hitzarmen berria. Orain artekoa urte hondarrean bukatuko denez, baliteke 2026an ofizialtasunik gabe izateaz gain, hizkuntza politika bideratzeko egitura... [+]
Laba, EHE eta Harituk antolatuta, bazkaria Oko Plazako Herri Sanferminak gunean izan da. Bertan, antolaketaren zergatiak azalduko dizkiguten galderak egingo dizkiegu.
40 elkarte biltzen dituen kolektiboa baikor agertu da, azken hilabeteetako hartu emanetan Irungo Udalak hizkuntza politikak elkarlanetik zuzentzeko borondate berria erakutsi duelako. «Hasierako alde bietako mesfidantzak gaindituz, adostasunak bilatu eta Hizkuntza Plan... [+]
2025-2026 ikasturtean, Medikuntza eta Erizaintza Fakultatean euskarazko 32 ikaspostu gehiago eskainiko ditu EHUk. Erakundeak adierazi du kopuru hori lortzea Eusko Jaurlaritzako Osasun Sailarekin eta Zientzia, Unibertsitate eta Berrikuntza Sailarekin izandako... [+]
Hizkuntzak osasun arretaren kalitatean duen eragina aztertu dute EHEk eta EHUk. Jon Zarate Sesma EHEko kide eta EHUko ikertzaile doktoreak emaitzen xehetasunak eman ditu.
UEMA Udalerri Euskaldunen Mankomunitatearen eskariz, 2036an Hego Euskal Herrian euskararen egoera zein izanen den aztertu du Siadeco ikerketa etxeak. Hipotesi batzuk beteko balira, hemendik hamar urtera ukanen genukeen errealitate soziolinguistikoari begiratuta, "egoera... [+]
Azterketak euskaraz gaia aktualitatean jarri zen berriz ekainean, baxoaren hilabetean. Etxepare lizeoko ikasleek aldarrikatzen segitu dute Baionako suprefeturaren edo herriko etxearen aitzinean eta euskaraz ari diren irakasleek prentsaurreko bat eskaini dute azpimarratzeko... [+]