"Egoera jasangaitzean" daudela salatu dute Nafarroako 0-3 urte bitarteko zikloko hezitzaileek

  • Ostegunean elkarretaratzea egitera deitu dute langileek, 18:00etan Nafarroako Legebiltzarraren aurrean.

Igor Galarza Intxausti @IgorGalarza
2020ko urtarrilaren 08a

Soldatak igotzea eta hezitzaile bakoitzak bere ardurapean dituen umeen kopurua jaistea aldarrikatzen dute Nafarroako 0-3 urte bitarteko haurrak hezitzen dituzten irakasleek. Hezitzaileen plataformako kide Diana Bruño Artazcozek azaldu digunez, 0-3 Platafomakoek "alderdi politiko guztiekin hitz egin dugu, baina ez dute konpromisorik hartu".

Politikarien jarrera dela eta, Bruñok esan du "hezkuntzako lehenengo zikloak sorreratik jasan izan duela indarkeria sistematikoa". Egun, ratioak "jasangaitzak" dira hezitzaileentzat: irakasleko, 0-1 urte bitarteko 8 haur daude; 1-2 urte bitarteko 12 haur; eta 2-3 urte bitarteko 16. Ideia bat egiteko, Europako Batzordearen Haurtzaroaren Arretarako sareak adin tarte bakoitzean Nafarroan dauden ratioen erdia gomendatzen du.

EAEn ere eztabaida

Nafarroan ez ezik, Hego Euskal Herriko beste lurraldeetan ere protestan dira. Haurreskolak Partzuergoko Kudeaketako langileek administrazioaren proposamen berriaren zain jarraitzen dute, Hamaika Telebistak argitaratu duenez. Hezkuntza Sailak osteguen honetan bilera egingo dutela jakinarazi zien; hala ere, ez dute baieztapen ofizialik jaso

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Hezkuntza  |  Nafarroa  |  Nafarroako Legebiltzarra

Hezkuntza kanaletik interesatuko zaizu...
Azkenak
EGILEA
Eguneraketa berriak daude