Arrantzale denei egingo die PCR proba Jaurlaritzak

  • Eusko Jaurlaritzak PCR testak egingo dizkie arrantzaleei: itsasoratu baino lehen lurrean daudenei, eta porturatu baino lehen, dagoeneko itsasoan direnei.


2020ko apirilaren 28an - 08:22

Eusko Jaurlaritzak jakitera eman duenez, arrantzaleei PCR testak egingo dizkie, "funtsezko jarduera ekonomikoa delako eta lan hori gauzatzeko langileek dituzten baldintzengatik: lana espazio mugatuan egin behar dutelako eta arrantza egiteko behar dituzten maniobrengatik".

Oraingoz Gipuzkoako ingurasareko arrantzaleei egin zaie

Garai honetan baxurako ontziak antxoaren arrantzaldian murgilduta daude. Beraz, Jaurlaritzak kai inguruan dabiltzan Gipuzkoako ingurasareko "flota osoari" egin dio testa eta guzti guztiek negatibo eman dute. Azterketak Hondarribiko, Getariako eta Pasaiako kofradietako 545 arrantzaleei eta lonjetan lanean ari diren beste 29 profesionalei egin dizkiete.

Maiatzaren 1ean eta 2an test horiek Bizkaiko kofradietako lonjetako profesionalei eta arrantzaleei egitea espero du Jaurlaritzak. Guztira 110 test izango dira, 7 ontzitako profesionalei egiteko.

Alturako arrantzaleei apirilaren 28an egingo diete testa

Apirilaren 28an Pasaiako Egunabar bakailao-ontziko 26 tripulatzaileei egingo diete testa, aste honetan Pasaiako portutik Norvegiara eta Ternuara irtengo baitira lau hilabeteko marea egitera.

Asteburuan Frantziako iparraldeko kostaldean arrantzan ari diren arraste-ontziak sartuko dira Ondarroako portuan. Oinarri-portua Ondarroan duten 12 ontzitako 120 tripulatzaile dira. Arrantzale horiei PCR azterketa hurrengo marea hasi aurretik egingo diete.

Hegaluzea arrantzatzeko ontziei maiatza bukaeran

Maiatzean, bigarren hamabostalditik aurrera, Hegaluzearen arrantzan diharduen 250 arrantzale inguruk osatutako ontzidia mailaka itsasoratuko da. "Oso marea luzeak direnez eta batzuen eta besteen artean etenaldi txikiak daudenez, ontziratze bakoitzaren aurretik, tripulazioari PCR testak egitea aurreikusi da".

Modu berean jardungo da ekainaren amaiera aldera Hegaluzearen arrantzaldia egingo duten 600 arrantzaleekin.


Kanal honetatik interesatuko zaizu: Koronabirusa
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


Ikasgela kalera ateratzetik lau horma artera itzuli al dira eskolak, pandemia ostean?

"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]


2023-07-04 | Ilargi Manzanares
Asteazkenetik aurrera ez da derrigorrezkoa musukoa Hegoaldeko osasun zentroetan

Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]


90.000 milioi euro irabazi zituen industria farmazeutikoak, diru publikoz finantzatutako COVID-19 txertoekin

Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.


Gaurtik aurrera maskara ez da beharrezkoa garraio publikoan Hegoaldean

Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.


Eguneraketa berriak daude