Frantziako Amazonen salmentak "salgaia premiatsuei" mugatzeko erabakia berretsi du Dei Auzitegiak
Apirilaren 14ko epaia berretsi du Versailleseko Dei Auzitegiak. Arrisku sanitarioen neurtzea eta babes-neurrien errespetatzea eskatzen zaio Amazon France enpresari. Epaia errespetatu ezean, 100.000 euroko isuna pagatu beharko du egun eta epaiaren urratze oro.
Borrokari esker lorturiko garaipentzat jo du epaia Attac elkarteak. Langileen eskubideen eta osasunaren alde mobilizaturik direnentzako berri ona da Versailleseko Dei Auzitegiaren erabakia: Amazon France enpresak “salgaia premiatsuei” mugatu beharko du bere salmenta. Horrez gain, arrisku sanitarioen neurketa egitea ere eskatu dio epaileak. 48 orduko epea du neurketa egiteko, hori ez bada horrela, 100.000 euroko isuna pagatu beharko du egun eta epaiaren urratze oro.
Hain zuzen, neurketa hori ez zuelako egiten zuen Nanterreko auzitegiak salgaia premiatsuen salmenta bakarrik baimendu apirilaren 14ean – elikagaiak, produktu higienikoak eta medikalak–. Ondokoa irakur daiteke apirilaren 14ko epaian: “Amazon France Logistique sozietateak argiki zangopilatu du langileen osasunaren segurtasuna eta prebentzioa ziurtatzeko duen betekizuna; argiki bidegabekoa den arazo bat da hori”.
Aldi honetan ordea, baimenduriko salgaia premiatsuen zerrenda luzatu du auzitegiak: elikagai eta produktu higieniko eta medikalez gain, "high-tech", "informatika", "bulegoa", "abereentzako salgaiak", "gorputzaren arta eta osasuna", "gizona", "nutrizioa", "parafarmazia", "epizeria", "edariak" eta "mantenua" arloko salmentak ere bideratzen ahalko dituzte. Badirudi defentsaren ahotsa kontutan hartua izan dela, "salagaia premiatsuaren" definitzea ezinezkoa dela azaltzen egon delako Amazonen abokatua.
Frantzian dituen sei biltegien hestea erabaki zuen zuzendaritzak, lehen epaiaren biharamunean.
Mundu zaharra
Arlo batzuen alde premiatsua galdagarria bada ere, poztu dira sindikatuak eta justizia sozialaren aldeko elkarteak. Sud Solidaires, CGT, CFDT eta FO sindikatuek jo zuten multinazionalaren aurka. “Mundu zaharraren sinonimo da Amazon; ekologikoki, fiskalki eta sozialki jasangaitza den eredua dugu Amazon. Pozik hartu dugu Frantziako Justiziak langileen osasuna lehenetsi izana, ez eta Amazonen etekinak”, Attac-en agirian irakurri daitekeenaz. Arrisku sanitarioen neurketa hurbiletik jarraituko duela argi utzi du elkarteak.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.