Piztu Ezazu Argia 970x90

Norbaitek darama Bugaled Breizh bigarrenez hondora

Roazhoneko (Rennes) epaitegiak ebatzi du: ezin da jakin zerk eraman zuen hondora Bugaled Breizh arrantzontzi bretainiarra bere bost eskifaiekin 2004ko urtarrilaren 15ean. Senideek eta istripua aztertu duten askok uste dute urpeko nuklear ingeles batek hondoratu zuela, inguruan NATOren aginduetan maniobretan ari zirela.

Mundua mugiarazten dutenen greba

Maiatzaren 19an egin zuten Vaga de totes (Guztion greba) Herrialde Katalanetako hainbat hiri, herri eta auzoetan. Guztion grebak greba orokor eredu klasikoa zalantzan jartzea eta lanaren kritika feminista egitea du helburu, historikoki emakumeek egin dituzten eta egungo sistemaren eta bizitzaren sostengua diren lan erreproduktiboak ikusaraziz.

Movistar negoziatzeko prest, hautetsi berrien eta langileen presioaren ondorioz

Maiatzaren 24ko hauteskundeen ondoren hautatuak izan diren hainbat lagunek agerraldi jendetsu baten bidez jakinarazi dute hilaren 26an Katalunian Telefonica-Movistarreko grebalarien “Eskaileren konpromisoa” sinatuko dutela.

Gose greban okzitanierak jasaten dituen erasoak salatzeko

Dàvid Grosclaude kazetari eta Akitaniako kontseilaria gose greban dago okzitanierak jasaten dituen “etengabeko” erasoak salatzeko. Frantziako Estatuak hizkuntzaren gainean duen jarrera agerian utzi nahi du. Hala jaso du nationalia.info agerkari digitalak.

Multinazional kutsakorrenek babestuko dute Parisko Nazioarteko Klimaren goi bilera

Frantziako Gobernuak jakinarazi du urte amaieran Parisen egingo den Klimaren goi bilera (COP21) diruz babestuko duten enpresen zerrenda. Frantziako Kanpo Gaietarako ministro Laurent Fabiusek berri eman du ikatz energian eta erregai fosiletan inbertsio handiak dituzten enpresen parte hartzea. Horien artean daude Renault, Nissan, Air France eta Michelin, besteak beste.

Bi kazetari hil dituzte Brasilen astebetean

Brasilgo irrati esatari Djalma Santos da Conceição hilik aurkitu dute Kazetariak Babesteko Batzordeak salatu duenez (CPJ ingelesezko sigletan). Larunbatean, Bahia estatuko ipar ekialdean bahitu zuten ezezagun armatuek eta ilunabarrean topatu dute bere gorpua, tortura zantzuekin.

“Bortxaketek sexuarekin baino, terrorismoaren bidezko boterearekin dute zerikusia”

Sexu erasoak salatzea pentsaezina da emakume kongoar askorentzat. Biktimen estigmatizazio sozialaz gain, poliziarengana jotzeak arrisku handiagoan jartzen ditu emakumeak. Bortxatutako emakume asko Denis Mukwege ginekologoak zuzendutako ospitalean artatuak dira.

Energia nuklearraren alorrerako laguntza publikoa Frantzian

Electricité de France (EDF) argindar enpresa publiko frantziarrak asmoa du erreaktore nuklearrak eraikitzen dituen Areva –publikoa hori ere– erosteko. Ségolène Royale Ekologia ministroa ados da egitasmoarekin; hura gauzatuz gero, Frantziako energia nuklearraren sektoreari bultzada emango zaio diru publikoz.

Movistarreko langileek Catalunya plazako dendan itxita jarraitzen dute

Larunbatean hartu dute Bartzelonako Catalunya plazako denda greban diren Movistarreko langileek. Itxialdi mugagabea egingo dutela azaldu dute zuzendaritzarekin negoziaketak hasi ezean.

Ziklo berria: "Sí, se puede"

Paristik Le Mondek laburbildu du gertatua: “Séisme politique en Espagne”. Harriturik, antza, Europa betean posible delako hauteskundezko mugimendu handi guztiak ez amiltzea eskuinerantz, Frantzian bezala, edo berrikitan Bretainia Handian bezala... edo justu igandean bertan...

#M24 : hauteskunde gauaren zuzeneko jarraipena

Hauteskundeen jarraipena egiten ari gara minutuz minutu. Emaitzak eta ondorengo balizko paktuak.

TTIP eta osasuna: Mexikon gertatuak irakatsi diguna

Europar Batasunaren eta AEBen arteko merkataritza araurik gabe utziz liberalizatu nahi duen TTIP itunak AEBen eta Mexikoren arteko TLCAN edo NAFTAn dauka aurrekaria. Nekazaritza birrintzeaz gain, elikaduraren banaketa korporazioen esku utziz jendearen jateko ohiturak aldatu ditu eta osasun arazo larriak epidemia bilakatu.

Suediako errauskailuen errautsak Norvegiako uhartean pilatzen

Suedia izan daiteke NIMBYen (“kaka hori ez utzi nire atarian”, ingelesez) erresuma: hondakinak errausten dituzte baina errauskailuen tximinietako filtroetan geratzen diren errautsak uzteko baimena emango duen herri bakar bat ez dute aurkitu Suedia osoan.

Polizia "harrituta", Deportivoko zalearen ustezko hiltzaileak aske utzi dituztelako

Francisco Javier Romero Jimmy, A Coruñako Deportivo futbol taldeko zalea iazko azaroan hil zuten Madrilgo Frente Atletico taldeko kideek. Poliziak atxilotu egin zituen ustezko lau hiltzaileak, baina aske utzi ditu epaile batek, poliziak aurkeztutako frogek benetan gertatu zena islatzen ez dutelakoan.

Erreferenduma Irlandan sexu berekoen arteko ezkontzak legeztatu ala ez erabakitzeko

Irlanda bihur daiteke sexu berekoen arteko ezkontzak legeztatzea erreferendum bitartez onartu duen munduko lehen herrialdea. Erreferenduma ostiralean, maiatzak 22, eginen dute eta bertan sexu berekoen arteko ezkontzak legeztatu edo ez erabakiko dute.

NATOk nahita suntsitu al zituen Libiako ur azpiegiturak?

2011ko inbasio militarrak iraun bitartean prentsan idatzi zenez, Gadafiren aldekoek ur hornidura itxi zuten zibilak zigortu eta gerra irabazteko mekanismo moduan. Nafez Ahmed ikerketa kazetariaren arabera, hori gezurra da: NATOk eraso egin zien estatuaren jabetzakoak ziren ur hornidura instalakuntzei.

Palestinak Israel salatu du FIFAn: %50aren babesa behar du salaketa zigor bihurtzeko

Palestinako futbol federazioak FIFAri eskatu dio israeldar taldeak urtebetez zigortu ditzan, nazioarteko araudia hiru zentzutan urratzen duelako: eraso arrazistak ez ditu zigortu, bere ligan israeldar kolonietako bost talde mantentzen ditu, eta Palestinako federazioaren independentzia oztopatzen...

Polizien absoluzioak gogorarazi ditu 2005eko gazteen heriotzak eta ondorengo liskarrak

2005eko urrian Frantziako Estatuko kaleak sutan jarri zituen gertakizunaz maiatzaren 18an eman dute epaia: auzitegiak errugabetzat jo ditu poliziak, eta transformagailu elektriko batean ezkutatuta hil ziren bi gazteen heriotza halabeharrari egotzi dio.

M15 mugimenduaren antzeko zerbait Mazedonian?

Milaka herritarrek kaleak hartu zituzten igandean Skopjen herrialdeko Nikola Gruevski lehen ministroaren dimisioa eskatuz.

Zorraren mekanika Yanis Varufakisek gu garen ezjakinoi esplikatua

Ez da, eskuineko populistek dioten gisan, zegokiguna baino gehiago gastatu dugula. Sistema dago eraikita bankariek etekinak lortu ditzaten gaur gastatuz beraiek kalkulatzen dutena bihar eduki dezakegula.

"Feminismoak bizitza salbatu dit"

“... gehiegi luzatzen diren salbuespen egoeratarako emergentziazko planak”.

Zergatik ezkutatu behar dira emakumeen titiburuak, eta gizonenak ez?

Duela ez hainbeste, Amerikako Estatu Batuetan adibidez, gizonek eta emakumeek, biek, zuten debekatuta hondartzan bular-muturrak erakustea. Irrika gehiegi eragiten zuten. Gaur egun, izaera sexuala emakumeenek baino ez dute mantentzen.

#KeepCleanAndRun, hondakinez ohartarazteko korrikaldia Italian

Maiatzaren 8an Aostan abiaturik, 400 kilometro lasterka egin ostean 16an bukatuko da Ventimiglian ingelesez #KeepCleanAndRun eta italieraz #pulisciecorri bataiatu duten korrikaldia.

Nola abortatu kartzelara joan gabe?

Txileko legeak abortua delitu bilakatzen duela salatzeko Miles taldeak munduari buelta eman dion kanpaina bat abiatu zuen apirilean. Abortatzeko eskubidearen urraketaren ondorioz, legeak krimentzat hartzen ez dituen abortu bakarrak istripuz izandakoak direla salatu dute fikziozko bideoen bitartez.

Gaztelaniaren egoera Katalunian frankismoarekin alderatu du Wert-ek

Espainiako hezkuntza ministro José Ignacio Wert-en iritziz, gaztelaniak gaur egun Katalunian duen egoera, katalanak frankismo garaian zuenaren antzekoa da. Hori azaldu die kazetariei Madrilgo Kongresuko hemiziklotik kanpo.

Justizia printza gutxi batzuk Victor Jararen hilketan

1973ko irailaren 11ko goizean Santiagon, Salvador Allende Txileko presidentea Estatuko Unibertsitate Teknikoan hitzaldi bat ematekoa zen. Allendek plebiszitu batera deitzeko asmoa zuen, boterean jarraitzen zuen ala ez erabaki zezaten herritarrek.

"Arrazakeria gogor borrokatuko du FIFAk". Eta Israel? "Ez futbola politizatu, faborez"

“Diskriminazioaren aurkako borrokan urrats berria emango du FIFAk: 2018ko Munduko Koparako sailkapen faseko partiduetan bigilantzia sistema berria hasiko gara erabiltzen, arrazismoaren aurkako FARE erakundearekin elkarlanean”, irakurri dugu Nazioarteko Federazioaren webgunean.

Mazedoniako albaniarren altxamendua eta AEBen esku luzea

"Albania Handia" edo "Albania etnikoa", albaniar gehiengoa duten lurraldeak batzea eta albaniar estatu etnikoa osatzea helburu duen nazio-ikuspegia da. Kosovo, Montenegro, Mazedonia, Serbiako edo Greziako "Albaniar lurraldeak" biolentziaz bereganatzea dute helburu...

Siemensen bulegoa okupatu dute Atenasen "ez gara Alemaniaren kolonia" lelopean

30 pertsona inguruko talde batek Alemaniako Siemens taldearen Atenaseko eraikina okupatu du apirilaren 11an. Poliziak eta enpresaren langileek jakinarazi dutenez, “mailegu-emaileek Greziari inposatutako austeritate neurrien aurkako protesta da".

Kubaren enbargoarekin amaitzeko eskatu die Hollandek AEBei

Kuba bisitatzen ari da Frantziako lehen ministro Francois Hollande. Bisitan adierazi duenaren arabera, irlaren aurkako “hamarkada luzeetako” enbargoak “Kubaren garapena larriki kaltetu du”.
INFORMAZIO OROKORRA

Hau ARGIAko nazioarte kanala da, bertan topatuko dituzu albiste, erreportaje, analisi eta multimedia elementuak. Nazioartean, herrialdekako bilaketa ere egin dezakezu.

Multimedia

2015-05-11  |  Nazioartea

Biolentzia Baltimoren

AEBetako Baltimore hiriko biztanleak kalera atera dira poliziak Freddie Gray herritarra hil zuenetik. Egun hauetako giroa jaso dute bideoan Baltimoreko Lucas Alvarado-Farrar eta Simone Varanok

2015-04-30  |  Nazioartea

Asmamena eta dotorezia antzinako alfabeto afrikarretan

Alfabeto sinpleetatik hasi eta ezkutuko hizkuntza sinbolikoetara, Afrikan idatzizko komunikaziorako dauden ezin konta ahala modu azaltzen dizkigu Saki Mafundikwa diseinatzaile grafikoak. Idatzizko hitz eta sinboloetan oinarritutako historia eta ondarea azpimarratzen ditu.

2015-04-14  |  Nazioartea

Vostok batailoia: bandera anitzeko milizia

Donetsk-en kaleetako propagandak aditzera ematen duen bezala, Vostok batailoia da gaur egun bertako herri errepublikan dagoen indar militarrik nabarmenena. Vostok ekialdea da errusieraz, eta Ukraina ekialdeko errepublika matxinoetan jaun eta jabe dira. Ukrainako armadako jeneral eta militar...

2015-04-13  |  Nazioartea

Bizitze Ona

"Bizitze Ona" eredu neoliberalistaren aurrean herri indigenek proposatu duten ereduari buruzko lana, beste garapen eta bizitza eredu batzuk ezagutu eta martxan jartzeko asmoz.

2015-04-10  |  Nazioartea

Donetsk, bi aurpegidun hiria

Duela urte bete hasitako gerraren ondotik, Donbass-eko hiriburua bitan zatituta dago. Gaua eta eguna bezalaxe, Donetsk-ek bi arima kontrajarri ditu egun. Alde batetik, gudak apenas ikutu duen erdigunea dago. Luxuzko denda eta jatetxeak edonon aurki ditzake bisitariak, eta bertako kaleetan miliziek...

2015-04-10  |  Nazioartea

Malenkoniaren 3 gelak

Haur errusiarrak eta txetxeniarrak, batzuk akademia militar batean, besteak Grozniko hondakinetan. XXI. mendeko Errusia haurren begietan. [2004, 105 min] Zuzendari eta gidoilaria: Pirjo Honkasalo. Ekoizleak: Kristiina Pervilä, Pirjo Honkasalo. Ekoizpeneko herrialdea:...

2015-03-31  |  Nazioartea

Donetsk-eko aireportuko guda

Donetsk-eko aireportu moderno eta garestia Donbasseko gatazkaren ikur bihurtu da. 2014ko maiatzaren 26an Donetsk-eko autodefentsa miliziek aireportua okupatu zuten ukrainarrek munizioa garraiatzeko erabiltzen zuten bidea mozteko asmoz. Ia urtebeteko borroka latzen ondoren, 2015eko urtarrilaren...

2015-03-27  |  Nazioartea

Krimeako «udaberriak» urtebete

2014ko martxoaren 16an Krimeako penintsulak erreferendumaren bidez, Ukrainatik independentzia aldarrikatu eta Errusiar federaziora batzea erabaki zuen. Urtebete pasatuta, bertakoen bizimodua, sentimenduak eta gertatu diren aldaketak ezagutu ditugu krimearren eskutik. Ukrainatik ihes egindako...

2015-03-26  |  Nazioartea

19. Korrika Bartzelonan

Bartzelonako Euskal Etxeak 19. Korrikaren harira egindako ekimenen bilduma alaia.

2015-03-06  |  Nazioartea

Kurdistango emakume ekintzaileak Euskal Herrian

Ernai, Askapena eta Bilgune Feministak gonbidatuta, Euskal Herrian izan dira Melike Yasar eta Nursel Kilic Kurdistango ekintzaileak. Kurduen borrokaren, emakumeen parte hartzearen eta Konfederalismo Demokratikoaren inguruko hitzaldiak eman dituzte Hego Euskal Herriko lau hiriburuetan, eta hainbat...

2015-03-04  |  Nazioartea

Kurdistango erresistentzia eta emakumeen borroka

Melike Yasar ekintzaile kurduak Donostian otsailaren 19an emandako hitzaldia. Herri kurduaren erresistentziaren historia, bilakaera eta egungo egoera azaltzen ditu, emakumeak borrokaren erdigunean kokatuz. Konfederalismo demokratikoa zertan datzan ulertzeko gakoak plazaratzen ditu.

2015-02-27  |  Nazioartea

Su etenik ez Donetsk-eko Kivsky auzoan

Minks-eko akordioetan su etena iragarri bazen ere, Ukrainako armadak biztanle zibilen aurka bonbak jaurtitzen jarraitzen du. Kivsky auzoan, Donetsk-eko aeroportutik gertu, etxe gehienak suntsituta daude. Bizilagunek beste leku batera joan behar izan dute, baina bakan batzuk ez dira mugitu eta...

2015-02-24  |  Nazioartea

Txinatar urte berria

Otsailaren 19an txinatar urte berria hasiko da. Txinatarrek erabiltzen duten ilargi eta eguzki egutegiaren arabera, 4.713.urtean sartu dira. Han eta hemen urte berria nola ospatzen duten ezagutzeko, Chih-Hsin Yeh gasteiztarrarekin eta EITBko Asiako berriemailea izan den Hodei Arrausirekin...

2015-02-13  |  Nazioartea

Saharako gazteak jomugan

Hassanna Aalia gazte sahararrari asilo politikoa ukatu dio Espainiak. Gdem Izik duintasunaren kanpamenduan parte hartzeagatik bizi osoko espetxe zigorrera kondenatu zuen Marokoko epaitegi militar batek. Espainiako Gobernuak babesa ukatu dio eta Marokora deportatu dezakete.

2015-02-10  |  Nazioartea

Jatorrizko herrien hizkuntzen berreskurapena

Amerikako jatorrizko herriak pentsamoldea eta mundu-ikuskera berreskuratzen ari dira hizkuntzaren bitartez. "Eutsi edo hil" izeneko sortaren hirugarren atala da.

2015-02-05  |  Nazioartea

Herri indigenen salaketa (ikuspuntu eta proposamenak)

Jatorrizko herrien ustetan bizitoki baino askoz gehiago da lurra. Beren identitatea eta bizitza lurrarekin estu lotuta daude. Hortaz, lurrak, izaki bizidun guztien antzera, eskubideak dauzkala aldarrikatzen dute. "Eutsi edo hil" izeneko sortaren bigarren atala da.

2015-01-29  |  Nazioartea

Hassanna Aalia, babes bila dabilen aktibista

Hassana Aalia aktibista sahararra babesteko manifestazioa egingo da larunbatean Bilbon. Aaliak bizi duen egoera gertutik ezagutu nahi izan dugu. Urtarrilaren 19an babes eskubidea ukatu zion Espainiak eta hamabost eguneko epea eman zion Espainiatik alde egiteko. Marokoko epaimahai batek bizi...

2015-01-28  |  Nazioartea

Syriza, herritarren borrokaren garaipena

Greziako hauteskundeak irabazi ditu Syrizak eta gobernatzeko prest dago ezkertiarren koalizioa. Grezian bizi izan zen Juan Etxenike euskaldunarekin aztertu dute panorama politiko berria. Syrizaren garaipena herritarren erresistentziaren ondorioa dela baieztatu du Etxenikek.

2015-01-27  |  Nazioartea

Latinoamerika - Abya Yalla: egunsenti gorriaren bila

Kuba, Nicaragua, EL Salvador, Bolivia, Peru, Colonbia, Txile eta beste hamaika herritako borrokak aztertu ditu Ernai Antolakundeak bideo honetan. "Jakingo al dute egungo Latinoamerikako herriek demokrazia burgesetik herri boterea artikulatzen? Ala, Europako sozialdemokraziaren antzera,...

2015-01-23  |  Nazioartea

Agenda setting - Palestina hedabideetan

Helena Bengoetxea iruindarrak Bakea eta Duintasuna eta Biladi elkarteentzako eginiko dokumentala. Palestinaren inguruan informazioa zabaltzeko moduez hausnartzen du, eta kazetari palestinarrek lan egiteko dituzten arazoak azalzen ditu.

2015-01-22  |  Nazioartea

Uruguaiko Aldaxka taldea

Uruguaiko Aldaxka kolektibo euskaltzalearen aurkezpena. Informazio gehiago Asisko Urmenetak taldeko bi kideri egindako elkarrizketan.

2015-01-12  |  Nazioartea

Charlie Hebdo, adierazpen askatasuna edo islamofobia?

Charlie Hebdo aldizkari satirikoaren aurkako erasoa adierazpen askatasunari mugak jarri behar zaizkion ala ez eztabaida berriz piztu du gurean ere. Martxelo Diaz, Haritz Paskual eta Uxue Barkos kazetariekin hitz egin dute Ahotsa.info-ko lagunek, baita Katakrak liburudendako kidea Hedoi...
Gehiago kargatu

Kazetaritza independentea eta profesionala egiten dugu, euskaraz eta euskaldunontzat.

HARPIDETU ORAIN


Ametzagaiña Argia Antza iametza Adur Luditoys