Frankistek Txiki eta Otaegi fusilatu zituztela 50 urte bete direnean, ekitaldi jendetsua egin du Sortuk Iruñeko Anaitasuna pabiloian. “Bakarren batzuk haien memoria kriminalitzatzen eta jazartzen jarraitzen dute”, esan du alderdiko idazkari nagusi Arkaitz Rodriguezek oholtza gainetik, “eta hori borroka antifaxista kriminalizatzea da, faxismoari alfonbra gorria jartzea”. Kontseilu Sozialistak Zarautzen eta Jarki antolakundeak Arrasaten ospatu dute Gudari Eguna.