‘Lurrari lotuz’, ‘Herrigaia’ eta beste gai ugari
Eztabaida ezker abertzalearen baitan. Sortu da ezker abertzalearen alderdi politikoa, eta 3. Kongresua iragarri du. Kongresurako txostena aurkeztu den unean gertatu da ustekabea: Herrigaia izenekoa aurkeztu du oraingo zuzendaritzak, eztabaida guztia txosten ofizial honetatik bideratzeko asmotan. Baina beste txosten bat agertu da eztabaidarako, Lurrari lotuz, militante talde zabal batek prestatua, azken hau oso kritikoa zuzendaritzak azken bost urteetan hartutako bidearekin, eta bide alternatiboa proposatzen duena. Egoera hau berez da interesgarria, alderdien demokraziari zuzeneko apelazioa egiten diolako, militantziak izan behar duen erabaki-ahalmena eta indarrean den zuzendaritza kritikatu eta are aldatzeko aukera erreala plazaratzen dituelako. Zuzendaritzak okerreko bidea hartzen duenean, bada aukerarik okerrak zuzendu eta beste bide bat hartzeko?
Galdera larri hauek mahai gainean zirela sartu da ezker abertzalea Kongresurako eztabaida fasean. Lurrari Lotuz txostenaren defendatzaileek nahikoa lan izan dute beste txostenarekin berdintasuneko tratua lortzen herriz herri eta bileraz bilera, baina hasi da eztabaida eta aurkeztu dira militanteen aurrean proposamenak eta kritikak, alde bietatik. Hau berau ere oso interesgarria bere horretan, ezker abertzalearen azken urteetako praktika politikoa osotasunean aztertu, epaitu eta zuzenketak burutzeko aukera ematen duelako. Lehen eztabaida balantzean kokatu da: ezker abertzalea trantsizio arrakastatsua burutzen ari da une honetan, batez ere EH Bildu eta EH Bairen eraikuntza eta indartzea oinarri hartuta, Herrigaia-k dioen moduan? Edo, aldiz, azken hamarkada luzean ezker abertzalearen estrategia lausotu egin da, prozesu independentista bera impasse egoeran murgildu, eta Estatu espainiarrari aukera eskaini zaio krisi instituzionala eta lurralde arrakala konpon ditzan, aliantza politika erratuaren ondorioz? Hauxe baita Lurrari Lotuz txostenaren iritzia. Ez du ikusten Herrigaia-k aurkezten duen balantze baikorregia zertan oinarritzen den, are Herrigaia-k berak idazten duenean txostenean bertan honako hau: “Euskal Herria, ordea, herri gisa mehatxu eta ahulezia gune handien pean iritsi da une honetara”. Balantze baikorregi baten kontradikzioak.
Hemendik aurrerako bidea nola egin, hori da sakoneko bigarren eztabaida, eta horretan txosten ofizialak oraingo instituzioetako lana eta hauteskunde emaitzak jartzen ditu indar metaketaren erdigunean: “Prozesu soberanistak behar du gehiengo sozial bat, maila elektoral eta instituzionalean adieraziko dena”. Baina Lurrari Lotuz txostenetik argi erantzuten dute: “Hegemonia instituzionalarekin ez da boterea lortuko”. Herri boterea antolatzea da, orduan, proposamen alternatiboa, instituzionalizazio berria sortuz.
Era horretako gai mamitsuak plazaratzen direnean, ezin ukatu eztabaida oso interesgarria dela ezker abertzalean egunotan garatzen ari dena. Baina ezin ahaztu, oraindik orain, Kongresu baterako eztabaiden eremuan kokatzen garela. Ze berme daukagu eztabaida horietan militanteen artean nagusi gertatzen diren tesiak gero praktika politikora aldatuko direla pentsatzeko? Hau ere galdera pisuduna da, zalantzarik gabe. Ezker abertzaleko militanteak ahaldundu beharko dira, eta lurrari lotuz jokatu. Baina horretarako omen dira kongresuak.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Palestinan gertatzen ari dena ikaragarria dela erraten du jende orok karrikan barna, “Onartezina da! Genozidioa da!” bilakatu dira azken aldiko entzunenak. Egoera salatzeko elkarretaratzea egin, ordea, eta bidegabekeria dela pentsatzen duten hamar horietatik lau... [+]
Eusko Jaurlaritzak "Eskola inklusibo, ekitatibo eta kalitatezkoaren aldeko mahai" berria osatu duten gizarte-eragileei Euskadiko eskola-segregazioaren hasierako diagnostikoa eta erantzuna izeneko txostena banatu die, eztabaidatu eta adostasunak lortzeko. Debateak, beraz,... [+]
Udan zehar, mobilizazio sozial handia izan da eta herritarren plataformak sortu dira Lizarraldean biometanizazio-plantak direla eta: Viana, Lodosa, Los Arcos, Mendabia... Horietan guztietan erraz identifika daitezke gako berberak: 1/ Nafarroako Aldizkari Ofizialean proiektuak... [+]
Abuztua da. Iratxen bildu gara Jurramendi igotzeko. Gudarienetik baino, gurutzeen bidetik (via crucis) ekiteko gomendatu digute. Berbagai, Gazako egoera. Israelek, genozidioa gauzatzeaz gain, horren kontaketa ere isilarazi nahi du: ia 300 kazetari erail ditu, Al Jazeerako Anas... [+]
Suaren presentzia naturan milioika urtetan izan da (gizakion agerpena baino askoz lehenagotik). Horregatik, ohikoa da landare askok suaren aurrean adaptazio ugari edukitzea. Gure inguruan arruntak diren arteek eta ametzek, adibidez. Baita txilar askok eta otea bezalako sastraka... [+]
Ikasturte berriarekin batera, EHU Palestina plataformako kideok berriro batzen hasi gara, ikasgela, ikerketa eta gainerako unibertsitate-jardueretan Palestinan Israel egiten ari den genozidioa eta horren konplizeak salatu eta baztertzeko. Abiatu ginenean oso bakarti sentitu... [+]
Iraila, errutinara buelta, askorentzat ikasturte berria eta horri dagozkion zirrarak: ikasturtea norekin konpartitu, nor izan alboan, zer ikasi, nola eta nora joan… Batzuentzat, esperientzia berriak bizitzeko lehen aldia.
Aldiz, beste batzuentzat esperientzia berririk... [+]
Ez dakit literatura-ikasketak egin ditudanarengatik den, baina nekez onartzen dut hitzen erranahien deformatze ideologikoa. Azken hilabete hauetan, eta bereziki Frantzian Bruno Retailleau Barne ministro denez geroztik, militante hitza zentzu arrunt peioratiboan erabilia da. Nik... [+]
Genozidioaren faseak, guztiak larriak izanda ere, une batzuetan eskandalagarriak, zaratatsuak, izan ohi dira, baina beste zenbait unetan isilean garatzen dira, ia oharkabean.
Entzutetsuak dira populu indigenen sarraskia Amerikan, Gernikako bonbardaketa, holokausto nazia... [+]
Abuztuaren erdian hasi zen eskubaloira entrenatzen seme zaharrena; irailetik aurrera, astean lau entrenamendu ditu (hiru tekniko, bat fisikoa) eta asteburuetan partida. 15 urte ditu. Erdikoak, eskola-kirolaz gain, futbola eta eskubaloia. 9 urte ditu. Etxeko agendan, leku gehiena... [+]
Grebek laguntzen digute ideologizazioan, kontzientziazioan, kolektibizazioan. Greba prozesu bat da, lanuzteaz harago. Epe motzean emaitzak lortu gabe ere –galdetu bestela Gasteizko lorezainei edota Gipuzkoako erresidentzietako langileei–, borrokarako eta... [+]
Interneteko plataforma boteretsuenek fenomeno bat sortu dute: euren sistemen baitan, negozio eredu “burujabeak” sortzearen ilusioa.
Australiako Glitch estudioak Guiniverreko zaldunak 2D animazio telesaila argitaratu berri du Youtube plataforman. Istorioan, Dana... [+]
Pasa den asteburuaren atarian, eta, oraingoan bai, hainbat hedabidetan Bernedoko udalekuetan gertatutakoa (Dutxa hotz bat denontzat) masiboki hedatu ostean, iritsi zen hezitzaileen adierazpena. Bertan, beraien “oinarri ideologikoak argitzea” eta “egiteko moduen... [+]
Euskal Udalekuetan egondako haur eta gazteen guraso edo/eta tutore legal gisa, babes osoa adierazi nahi dizuegu Bernedoko begiraleoi. Guztiz gaitzesten ditugu hezitzaileak jasaten ari zareten jazarpena eta sare sozialen bidez, publikoki zein maila pribatuan, egin zaizkizuen... [+]