Donostiako bi etxebizitza turistikotan sartu dira Sortuko kideak, “etxebizitza larrialdia” salatzeko
Azora funts putrearena da bata, eta luxuzko etxebizitza turistikoa bestea; asteburuko erreserba amaitu eta bertan geratu dira, instituzioei eskatzeko etxebizitza eskubidea bermatzea. Exijitu diete, besteak beste, alokairuaren prezioa eta etxebizitza turistikoak mugatzeko, eta etxe hutsetan neurriak hartzeko.
“Etxebizitza larrialdia” salatzeko, Sortuko zenbait kide Donostiako bi jabe handiren bi etxebizitzatan sartu dira, eta asteburuko erreserba amaituta, astelehena ere bertan igaro dute, instituzioak interpelatzeko asmoz. Sortuk erakunde publikoetako agintariei gogorarazi die legeak ahalbidetzen duela etxebizitza eskubidea bermatzeko neurriak hartzea eta espekulazioa gelditzea: “Ez da merkatuaren legea. EAJ eta PSEren kasinoko etxebizitza politikarena baizik”, leporatu die.
Eskubideekin ez da espekulatzen. Etxe eta bizitza duinak denontzat leloa zabaldu dute luxuzko etxebizitzen aurrean egindako elkarretaratzean, eta bost neurri zehatz exijitu dizkiete instituzioei: “Alokairuaren prezioak mugatu eta Donostia osoa gune tentsionatu izendatu; alokairuaren eskaintza publikoa biderkatu; etxebizitza hutsa mobilizatu; etxebizitza turistikoa kontrolatu; eta espekulazioa gelditu”. Astearterako mobilizaziora deitu du, 19:00etan, Katalunia plazan.
Sortuko kideek argitu dute ez direla epe luzean geratuko etxebizitza horietan, eta helburua ez dela han erresistitzea, baina ziurtatu dute arrazoi jakinengatik hautatu dituztela bi pisu horiek. Bata, Kontxa alboko Zubieta kaleko luxuzko etxebizitza turistikoa da, eta atari osoa dago bideratuta luxuzko alokairu turistikoetara, Beñat Lusarreta Sortuko kideak Naiz irratian baieztatu duenez. Bestea, Azora funts putrearen jabetzakoa da. Lusarretak ohartarazi du Azora ezaguna dela eraikin osoak erosteagatik, eta zuzenean edo prezioen igoeraren presioaren bidez bertako bizilagunak kanporatzen dituelako, gero negozioa egiteko etxebizitza horiekin. “Donostiarrok gure hiritik botatzen ari dira aberatsen opor-leku bilakatzeko”, salatu du ekintza honekin Sortuk.
Alokairu publikoa, salerosketaren ordez
Etxebizitzaren auziari irtenbidea emateko, Sortutik proposatu dute alokairua “alternatiba erreal” bilakatzeko aldaketak egitea, bai instituzioetatik alokairu publikoen bidez, bai kulturalki, “gaur egun salerosketa merkatua baitago nagusiki”. Bestalde, azpimarratu dute alokairuei muga jartzeko bidea udalerriak eremu tentsionatu gisa izendatzea dela. “Jasanezina da! Inork ez luke bere soldataren %30 baino gehiago gastatu behar etxebizitzan”, kritikatu dute Sortuko ekintzaileek.
"Gure herria izugarrizko irabazi-iturria da turismotik negozioa egiten dutenentzat. Bertako langileok, berriz, horren albo-kalteak jasaten ditugu: miseria eta esplotazioa", seinalatu dute mobilizazioa deitu duten Kontseilu Sozialistak eta Etxebizitza Sindikatu... [+]
Kontzientzia-eragozpena aurkezteko aukera legala daukate poliziek, eta horretarako babes "sindikala" duten arren, bakar batek ere ez du eskubide hori baliatu hamarkada batean baino gehiagoan.
18 eta 39 urte arteko herritarrei lehen etxebizitza erosten laguntzeko Eusko Jaurlaritzak berak finantzaturiko abala iragarri berri duen honetan, soluzioa ez dela hori kritikatu dute bai LABek, bai EH Bilduk. Dagoeneko dauden eraikinak aprobetxatu eta prezioak jaitsi ordez,... [+]
Bigarren urtez jarraian Iruñerriko Etxebizitza Sindikatu Sozialistak "jota aldarrikatzailea" abestu du uztailaren 7an, sanferminetako prozesioan, balkoi batetik. 2024an "elkarbizitzaren ideia faltsuari eta turismoaren negozioaren ondorioei" abestu... [+]
AZET Etxebizitza Sindikatuak salatu du Poliziak 8:00etatik hartu duela etxegabetu duten etxeko ataria. Auzokide ugari gerturatu badira ere etxegabetzea gelditzen saiatzera, Polizia etxebizitzara sartu da eta balkoira kateatu diren bi auzokideak askatu ditu. 9:30ak aldera heldu... [+]
Trintxerpeko (Gipuzkoa) Herrera kaleko 'Escalerillas' eraikinean 60 urte baino gehiago bizitzen daramaten bost familia etxegabetu nahi dituzte Pasaiako Portuko Agintaritzak eta Euskal Trenbide Sareak, merkantziak portutik mugitzeko trenbide bat eraikitzeko. Astelehenean... [+]
Goizean goiz bildu dira ostiralean (ekainak 27) AZET Etxebizitza Sindikatuko kideak eta Alde Zaharreko auzokideak etxegabetzearen aurrean deitutako auzo erantzunera. Bi ordu baino gutxiagoan adin txikiko seme-alabak dituen familia bat etxegabetu dute Bidebarrieta kalean... [+]
Ostiral arratsaldean (ekainak 27) egindako agerraldian, Etxebizitza sindikatuak elkartasuna adierazi die etxegabetuko dituzten zortzi errefuxiatu familiei, tartean adin txikikoak daude, eta haien egoera salatu du.
Duela urtebetetik duen aldi baterako harrera proiektua eten diote familia bati, eta bestea joan den astean etxegabetu zuten, inolako jakinarazpenik jaso gabe. Auzoan Bizi etxebizitza sareak agerraldia egin du ostegunean Txagoko Komunitate Sarearekin eta Federico Baraibar... [+]
Ostiral goizaldean emakume bat eta bere semea etxegabetu dituzte Iruñeko Alde Zaharreko Jarauta kaleko 82. zenbakian. Espainiako Poliziaren laguntzarekin, epaitegiko segizio judiziala etxebizitzan sartu eta eta bizilagunak kanporatu dituzte.
Desokupacyl desokupazio taldeak bideo bat argitaratu zuen atzo sare sozialetan, Luis Nuñez Mané burua eta beste hiru kide Donostian zeudela esanez. Bideoa, Kontxan grabatuta dago, eta “okupatutako” etxeak erostera bultzatzen du bertan Manék:... [+]
Ekainaren 6an Presidente Autonomikoen Konferentzia egin zen Bartzelonan, Pedro Sánchez eta Felipe VI.a erregea –emeritu ustelaren oinordekoa, beti da ona gogoraraztea– buru zirela. Isabel Díaz Ayuso faxistak uko egin zion Salvador Illaren eta Imanol... [+]
Iruñeko Alde Zaharrean, San Lorenzo kalean, pasa den astean bertan behera utzi zuen etxegabetzea Espainiako Poliziak, hura galaraztera bertaratu baitziren ehun bat herritar. Asteazken honetan, lehen orduan, Polizia eta Iruñeko Udaleko gizarte zerbitzuak heldu dira... [+]
Poliziak kalea moztu du goizean, eta lagun ugari gerturatu dira Bilboko Zurbaranbarri auzora etxea defendatzera. Indarrez sartu da Ertzaintza, eta azkenean gauzatu dute etxegabetzea. Mobilizazioa deitu dute 19:00etarako.
San Lorenzo kalean 57 urteko emakume bat –Ana Belen– etxegabetzeko agindua zegoen asteazken goizerako. Hori eragozteko, etxearen atarian 07:30etik aurrera bilkura deituta zuen Iruñerriko Etxebizitza Sindikatu Sozialistak. Azkenean ez da etxegabetzea gauzatu.