Indautxuko komisaldegian "sistematikoki torturatu" dutela salatu du Sortuk, bertan hildako Kalparsoro oroituz

  • Sortuk Bilbon tortura independentismoaren aurka erabilitako "praktika sistematikoa" izan dela salatzeko manifestazioaren amaieran Indautxuko Espainiako Poliziaren komisaldegiaren fatxadan Xabier Kalparsororen aurpegia proiektatuz amaitu dute. Torturapean eginiko akusazioak oinarri dituzten zigorrak bertan behera uzteko eskatu dute, besteren artean Iratxe Sorzabalen kasua oroitaraziz.

Xabier Kalparsororen silueta Indautxuko komisaldegiaren fatxadan proiektatu dute. (Argazkia: Karlos Renedo)

2022ko otsailaren 14an - 10:42
Azken eguneraketa: 12:23

Joxe Arregi torturapean hil zutela 41 urte bete diren egunean, Espainiako Poliziak 1993an Indautxuko komisaldegian hil Xabier Kalparsoro oroitu du Sortuk, besteren artean. "Otsailak 13, torturaren aurkako eguna, alde hemendik torturatzailea" lelopean egin duten mobilizazioan adierazi dute leku horretan "milaka euskaldun torturatu dituzte, beren artean ehunka bilbotar".

Xabier Kalparsororen kasuak (lotura honetan berari buruzko dokumentala) garrantzia berezia hartu du ekitaldian, Espainiako Poliziak suizidio gisa planteatu zuena, Gurutze Iantzi Guardia Zibilak torturatuta hil eta hurrengo egunean. Bertsio ofizialaren arabera leihotik bere burua bota zuen 1993an.

Ez bata ez bestea ere, ez ziren sekula argitu. "Aurrean ditugun horiek dira beren proiektu politikoa biolentziaren bidez inposatu dutenak, Espainiaren batasuna inposatu dutenak".

Ekitaldiak Espainiako Poliziaren amorrua eragin du, SUP sindikatuak sare sozialetan publikatu duenez.

 


Kanal honetatik interesatuko zaizu: Tortura
Eneko Valdés eta Juan Calvo, Ertzaintzaren zaintzapean hilak: 30 urteko aldea, kointzidentzia gehiegi

1993ko abuztuaren 20an Juan Calvo bilbotarra hil zen Arkautiko Ertzaintzaren komisarian, atxilo zegoela. 2023ko uztailean ARGIAk heriotzaren inguruko informazio eta datu berriak argitaratu zituen, agerian uzten zituztenak Calvok jasotako tratu txarrak zein Poliziaren gezurrak... [+]


Joxe Arregi oroitu dute heriotzaren 43. urteurrenean, Zizurkilen

Torturapean hil zuten zizurkildarra gogoratzeko ekitaldia egin dute igandean. Tortura aitortu eta erreparatzeko bitarteko gehiago eskatu dituzte.


Euskal Herriko torturatu guztiak saretzeko ekimena aurkeztu dute Torturaren Aurkako Egunean

Euskal Herriko Torturatuak Saretzeko Talde Sustatzaileak aurkezpen agerraldia egin du Bilbon. Torturatu guztiak batuko dituen sare bat osatzeko lan egingo dute, eta topaketa bat iragarri dute urtebete barrurako. Torturaren aitortzan torturatuak agente aktibo izate aldarrikatu... [+]


2024-02-11 | Nekane Txapartegi
Ubelduak moretuz, tortura itzaletik argitara

1999ko martxoan Aiztondo bailaran jazotako gertaera latzak ez ziren eraso isolatuak izan, Espainiako Estatuak Euskal Herriaren aurka emandako beste urrats errepresiboaren zati baizik. “Todo es ETA” (Dena da ETA) doktrinaren menpean, atxilotu eta inkomunikaziopean gu... [+]


Eguneraketa berriak daude