Pasa den astean, Extremaduran, neska gazte batzuek salatu zuten adimen artifiziala erabiliz euren aurpegiekin sortutako pornografia sintetikoa sareetan partekatu zutela. Adimen artifizialak gure gizartean ditugun tresna berriak dira, iraultzaileak, eta eskura daude. Gainera, adimen artifizialek eremu digitala eraldatzeko gaitasuna dutela dirudi, eta horrekin batera gure gizarteak.
Baina prestatuta gaude gizakiok eraldaketa berri hau ulertzeko eta bizitza on baten helburura egokitzeko? Beharbada asko bai, baina denok ez. Badirudi teknologien garapena ez dagoela gure gizarteen heldutasunari egokituta. Balioetan indartsuak diren gizarteak ez ditugun heinean, bai teknologiek bai gizakiok bortizkeria eta bazterkeria errepikatzen jarraituko dugu.
Data bertsuetan, LAB sindikatuak antolaturiko “Digitalizazio Burujabea Hezkuntzan Topaketa” ikus ahal izan nuen. Hausnarketa interesgarriak partekatu ziren, tartean Iratxe Esnaolaren hauxe: “Hezkuntzan egiten ari garen digitalizazio ereduan ez da hausnarketa sakonik egin”. Hausnartzea gizakiok sorturiko egituretan, publiko zein pribatu, ez da erraza, sistemak gelditzea ekartzen du, eta horrek diru kontutan sartzen gaitu. Gainera, erabakiak hartzera bideratzen gaitu, eta erabakiak ez dira beti denontzako onuragarriak izango.
Bitartean, hausnarketa bideratzen ez badugu, nork hartzen ditu erabakiak? Zein helbururekin? Erakunde askotan, teknologiari loturiko erabakiak erosotasunagatik hartzen dira, erabaki zuhurrak, arazorik emango ez dutenak. Eta sarri, teknikariok, sistemen zaintzaileok, horretarako heziak izan gara. Baina bizi dugun mundua hain da konplexua, ezen, teknologia erosoenak gure bizitzak, gizarteak eta herriak menderatzeko teknologia ere bilakatu direla. Publizitate enpresen adimen artifiziala haur, gazte eta familietan sartu dugu, hezkuntzan txertatu ditugun sistemen bitartez. Ez da erraza izango, ezta erosoa ere, baina hezkuntzan dugun digitalizazio ereduaz sakonago hausnartu beharko genuke.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Nekazari eta abeltzainentzat Energia Berriztagarrien Lurralde Plan Sektoriala (EEBB LPS) irakurtzea etsigarria izan bazen –eta izan zen–, ez pentsa askoz alaiagoa izan denik 2023ko uztailean horri jarritako 4.217 alegazio-egileri emandako erantzunen txostena... [+]
Israelen ofentsiba inperialista beste fase batean sartu da: bonbardaketak Yemen, Libano eta Sirian; Iranen kontrako erasoak; Libanoren inbasioaren saiakera… Sionistek aspaldiko helburu bat lortu dute: Palestinatik haratago joatea, eta erasoaldia eskualde mailako gerra... [+]
Leku izen bakarra aski da, azken denbora hauetan gertatu den emakumeen aurkako biolentzia kasurik larriena aipatzen hasteko: Probentzako herri horretan, senar batek emaztea kimikoki menderatu eta beste gizon batzuen –ehun bat omen dira– sexu-meneko utzi du hamar... [+]
Txikitan, mila eta bat jolas genituen egunerokotasunean jolasteko. Batzuk korrika jolasten genituen, beste batzuk baloiarekin, panpinekin, gomarekin edota hitzekin. Bada hitzekin jolasten genuen jolas bat, konturatu naizena bizitza guztirako izango dela. Ez gara ohartzen jolas... [+]
–Bai, zera, hori muntaia izango da… edo norbaitek egindako txistea… edo testuingurutik ateratako zeozer...
–Ezetz ba, maitti, hementxe dago bideoa, entzun egizu elkarrizketa.
–Oxtia, bai! –begiak bueltaka begi-zuloetan.
J-k ezin... [+]
BRICS+ taldean gorabidean dauden ekonomia produktiboek edota lehengaien hornitzaileek parte hartzen dute. Horiek munduko gobernantza justuagoa eraiki nahi dute eta horrek talka egiten du nazioarteko fluxu ekonomikoak arautzen eta gobernatzen jarraitu nahi duen... [+]
Orain dela urte asko Dr. Abuse chatbota ezagutu nuen, aplikazio horrekin ohartu nintzen ere pertsonok zeinen azkar kateatu gaitezkeen holako makinetara. Animalia sozialak izanda, harremana berezkoa eta beharrezkoa dugu, eta 'harremana' izenak dioen bezala,... [+]
Asteburu luze bat. Ingurutik bueltatxo bat eman eta pikoteoa egiteko probestu dugu. Turistak selfie-ak egiten. Turistentzako bideak, alokairuak, dendak, hotelak, aparkalekuak, menuko platerak, seinaleen kartelak munduko hizkuntza orotan. Turistak ohiko lekuak leku arrotz... [+]
Gaixo nago, etxetik atera gabe egoteko moduan, medikuaren bajarekin, ingurukoen onespenarekin. Gaixo nago. Alegia, nire energia da normalean iluntzean etxeratutakoan izaten dudana, baina egun osoan. Eta gorputza tranpa bat da, beste behin ere, eta harrokeria gorrotagarriz... [+]
Wikipedia.org-en arabera, Gish gallop (Gish-en lauhazka) edo falazien metrailadorea "eztabaida teknika bat da, aurkariari ahalik eta argudio gehienekin eraso egiten diona, argumentu horien zehaztasuna edo sendotasuna kontuan hartu gabe", eta albo-ondorio gisa... [+]
Terminoaren jatorria XIX. mendearen hasieran kokatzen da. Garai hartan, liberal ingelesen asmo inperialistek errusiarrekin talka egin zuten, Errusia Asian zabaltzen ari baitzen eta Ingalaterraren kolonizazio nahiak oztopatzen. Beren interesak babesteko, Ingalaterrak errusiarren... [+]
Duela zonbait egun, Bruno Retailleau Frantziako Barne ministro berria lotu da “migrazio nahasmendu” deitu duen arazo premiatsuari. Estatuko prefetei manu argiak helarazi dizkie: tolerantziarik ez etorkinekin eta haiei begira lazo edo konplize agertzen diren egitura... [+]
Urriaren 15ean, lan arloko ekonomialarien topaketetan, mahai inguru interesgarri bat egin zen. Patronalak, Gizarte Segurantzako Institutu Nazionalak eta sindikatu batek parte hartu zuten. Eztabaidagaia lan munduan gero eta oihartzun handiagoa duen absentismoa izan... [+]
Wallapop aplikazioaren bidez bozgorailu kaxkar batzuk saldu nituen uda aurretik. Agian produktuaren deskribapena pixka bat puztuta zegoen, egia da. Erosleak hiru izar jarri zizkidan bostetik. Argi dago, ez nuen gehiagorik merezi.
Hurrengo astean, Irundik Bilbora eraman nuen... [+]