Adituak ez dira harritu aurkikuntzarekin, erromatarrek gorputz osoko biloa kentzeko ohitura baitzuten. Hasieran higiene kontua omen zena Inperio osora zabaldu zen, klima hotzagoetara, beste ñabardura batzuekin.

Gorputzeko ileak banan-banan kentzea lan mingarria eta luzea zen eta, ahal zutenek, esklaboen laguntzaz egiten zuten. Gainera, depilatuta egoteak “barbaroengandik” bereizten omen zituen erromatar hiritar zintzoak.