Gorria esaten diote, batetik, komunismoari lotutako kolorea delako edo, bestela, plazaren inguruko eraikin asko adreilu gorrizkoak direlako. Ez bata eta ez bestea, ez dira zuzenak. Errusieraz Krasnaia plostxad esaten diote eta, gaur egun, krasnaia hitzak “gorria” esan nahi du.

Baina errusiera zaharrean, XVI. mendean, esaterako, beste adiera bat zuen hitz horrek: “polita” esan nahi zuen. Mende horretakoa da San Basilio katedrala eta hasieran adjektiboa eraikin ederrari soilik jarri zioten. Gero, XVII. mende inguruan katedralaren pareko plaza osoa deskribatzeko erabiltzen hasi ziren eta plazaren izen zaharra, Pozhar (sua), ordezkatu zuen. Plaza polita/gorria izango zen aurrerantzean.