Teknologia berriak erabiliz, nazioarteko zientzialari talde batek Munchek erabili zituen pigmentuak aztertu ditu, garai hartako kolore sintetiko berriak, biziak, bortitzak, baina ezegonkorrak. Ondorioa Science Advanced aldizkarian argitaratu dute: hezetasuna da koloreak apaltzearen arrazoi nagusia.

Bisitarien hatsa hezetasuna kontrolatzeko oztoporik handiena denez, azken aldian oso ezagunak zaizkigun neurriak jarriko dituzte martxan: Osloko museoko gelaren aforoa murriztuko dute, obraren eta bisitarien arteko gutxieneko distantzia jarriko dute, eta, hori nahikoa ez balitz, Garrasia kristalezko kutxa batean konfinatu beharko dute.