65 egun greban eta konponbiderako seinalerik ez
Gipuzkoako errepideetan mantenu lanak egiten dituzten langileek luze daramate borrokan azpikontratazioak ekarritako lan baldintza eskasak alda daitezen. Maiatzaren 13rako mobilizazio handia iragarri dute Donostian.
aurre egingo dieten hedabide independenteak
Martxoaren 1ean ekin zioten grebari eta jadanik 65 egun daramatzate ohiko lanik egin gabe Gipuzkoako errepideen mantenuaz arduratzen diren hiru aldi baterako enpresa-elkartetako (UTE Miramon 2014, UTE Goierrialdea, UTE Urola-Deba) ia ehun langileek.
Azpikontratazioak erasandako sektore honetan –gutxienez dozena erdi bat enpresek osatutako sozietateak dira– 12 orduko lan egunak egiten ari dira, greba deitu duen ELA sindikatuaren esanetan, eta 2009tik soldata izoztuta dute.
Prekarizatze horrek Gipuzkoako Aldundiak egindako esleipen publikoetan du jatorria, langileen esanetan. Kontzesioak gero eta prezio baxuagoan esleitzen ditu eta enpresek galerak ez izateko langileen baldintzak estutu dituzte.
Bestalde, eraikuntzako hitzarmenean daudenez, lan mota horretako berezitasun eta arrisku egoera larriak ez dira kontuan hartzen. Hori guztia erregularizatzeko ere ari dira borrokan.
Imajinatzen duzu gure eskualdea N-I errepiderik gabe? Eta errepideak mantenuko langile gabe? Animo #errepideakgreban pic.twitter.com/9mhnJs6PSX
— ELAOriaGoierri (@ELAOriaGoierri) 2016(e)ko martxoak 18
Mugimendurik ez Foru Aldunditik
Aldundiaren jarrera salatu du ELAk: hasieran euren argudioei “arrazoia eman”, baina ondoren greba “ikusezin” egin nahi izan duela dio sindikatuak, esaterako N-1 errepideko gutxieneko zerbitzu-lanak egun argitan eginaraziz.
Denbora tarte honetan zuzenean interpelatua izan den arren, foru erakundea hasierako posiziotik ez da mugitu. Enpresekin hitzarmena aurreko legealdian sinatu zela gogorarazteaz gain, duela hilabete esandakoa berretsi dio astekari honi, hau da, enpresa eta sindikatuei “negoziatzeko” eskatu die.
Aitzitik, ELAk dioenez Bide Azpiegitura saila jakitun da enpresetan “negoziatzeko tarterik ez dutela”, esleipenetako “beherapenak” medio, eta ardura Aldundiaren gain jarri du, enpresok errepide publikoen mantentze lanetan dihardutenez bere menpe baitaude.
Maiatzaren 13an zita Donostian
Gipuzkoako errepideetako langileek bi hilabete baina gehiagoko greba behar izan dute euren aldarrikapenek nolabaiteko oihartzuna izaten has daitezen. Maiatzaren Lehenaren bueltan egin mobilizazioetan nabarmendu dira, esaterako. Apirilaren 29an Gipuzkoako Aldundiaren egoitza aurrean bildu ziren eta ELAk langileen iritzia jaso zuen bideo batez:
Langileak egunero ari dira protestan, baina instituzioetatik konponbiderako seinalerik ikusten ez dutenez mobilizazioak bizkortu egingo dituztela jakinarazi dute ELAtik. Hala, maiatzaren 13an ekitaldi handi bat antolatu dute, 11:30etan Donostiako Boulebarrean, euren aldarrikapenak errepide bazterretik kalearen erdira eramateko.
1974tik etorkizunera, LAB zabaltzen erakusketak sindikatuaren 50 urteko lana biltzen zuen, eta Tuterako alkateak Alejandro Toquero (UPN) bertan behera utzi du zenbait panelek "terrorismoa gorazartzen" zutelakoan.
Frantziako Gobernuaren aurrekontua fintzen ari diren honetan, "justizia soziala eta fiskala" aldarrikatu dute karrikatik. Irailaren 18ko mobilizazioak baino jarraipen ahulagoa ukan du osteguneko greba deialdiak.
Sei hilabete bete dituzte Gasteizko lorezainak greba mugagabean. Hamaika mobilizazio eta Enviser enpresarekin zein Udalarekin eginiko bilera batzuen ostean “epe laburrean” akordiorik lortu ezean borrokarako fase berri batean sartuko direla iragarri dute langileek... [+]
Flotillari Israelek eraso eginez gero, greba orokorra antolatzeko prest zeudela adierazia zuen Italiako sindikatu handiena den CGIL-eko buruak, Il Messaggero egunkariak jaso duenez. Asteazken gauean, deialdia jada publiko egin dute: ostiralean greba orokorra.
Armadoreak salatu zuen hamasei arrantzaletik hamabi matxinatu egin zirela, eta Guardia Zibilak artatu eta gero, Asturiasen egon da amarratuta. Asteazken goizaldean heldu da Getariako portura.
Enplegua Erregulatzeko Espedientearen kontsulta epe barruan zuten adostuta batzarra Langile Batzordearekin, baina enpresariak ez dira agertu.
Ostiral honetan manifestazioa antolatu dute Gasteizko lorezainek, greba mugagabea hasi zutenetik sei hilabete beteko diren egunean. “Gatazka konpontzeko aurrerapausoak urriak izan dira”, salatu du enpresa batzordeak aste hasieran. Irtenbide bakarra “soldata... [+]
Garnica taldeak egin nahi dituen 39 kaleratzeen aurka hasi dute greba mugagabea Laudioko egur fabrikako langileek. Goizean bilera izan du Enpresa Batzordeak Garnicako zuzendaritzako kideekin, eta langileek txistu artean jaso dituzte.
Hala iragarri dute langileek ostegun arratsaldean Laudion eginiko mobilizazioaren amaieran.
Euskal Eskola Publikoaren alde borrokatzea STEILASen ikurra da. Ikasturte hasierarekin batera, gogoratu behar da aurreko ikasturtean hainbat kolektibotan akordio garrantzitsuak sinatzea lortu genuela, hezkuntza publikoan grebak eta mobilizazioak egin eta gero. Lan-akordio horiek... [+]
Greba eguna da gaurkoa Ipar Euskal Herrian zein Frantziako Estatuan. "Dena blokeatzeko" mobilizazioaren kari, 50 bat lagunek ekintza bideratu dute Miarritzen, Hotel du Palais luxuzko hotelaren atarian. Bi lagun atxilotu ditu Poliziak.
Laudioko fabrikako jardunaren zati bat tokialdatu nahi du zuzendaritzak, 39 behargin kaleratuz.
"Erronka izugarria" duen mahaia jarri du martxan Eusko Jaurlaritzak, 50 bat eragilerekin: eskola segregazioa gainditzeko neurriak adostea. STEILAS eta ELA sindikatuek ez dute parte hartu; Jaurlaritzak oinarri dituen politikek segregazioa betikotzen dutela diote.