Pasa den urtarrilean izan zuten langileek jabeen asmo zehatzen berri: Zizurkilgo fabrikan dauden 81beharginetatik 75 kaleratu nahi dituzte. "Horrek, argi eta garbi, lantegiaren itxiera ekarriko luke", langileek diotenez.

Erregulazio espedientetik kanpo geratzen ziren sei langileak komertzialak dira. Enpresaren asmoa langile horiek bulego txiki batean geratzea da, delegazio komertzial gisa.

Jabeek emandako argudioei erantzunez, hainbat datu plazaratu dituzte langileek. Besteak beste, Zizurkilgo lantegiak urtero irabaziak eman dituela diote: 2011n 102.000 euro eta 2012an 96.000 euro. Salmentako datuak kontutan izanda, Europako lau lantegietatik gutxien jaitsi dena izan da, langileen arabera.

Auziari buruzko unean uneko informazioa ari da plazaratzen Manu Robles-Arangiz Institutua bere webgunean.