Eskola segregazioa gainditzea helburu duen mahaia abiatu du Jaurlaritzak, STEILAS eta ELA gabe
"Erronka izugarria" duen mahaia jarri du martxan Eusko Jaurlaritzak, 50 bat eragilerekin: eskola segregazioa gainditzeko neurriak adostea. STEILAS eta ELA sindikatuek ez dute parte hartu; Jaurlaritzak oinarri dituen politikek segregazioa betikotzen dutela diote.
Etorkizuneko hezkuntza programazioaren eta plangintzaren oinarri izango den araudi nagusia garatzea du xede, besteak beste, Hezkuntza Sailak abiatu berri duen foroak. Dena den, Begoña Pedrosa Hezkuntza sailburuak ondokoa azaldu du, lehenengo bileraren ostean: “Ez gara bakarrik neurriez ari, proiektu eta programez ere ari gara eta arauditik harago joango gara”. Bilera “oso positiboa” izan dela adierazi du, jarrera eraikitzailea sumatu duela lehenengo saioan: “Horrela jarraitu behar dugu, beti errespetutik eta eraikitze jarreratik lanean”. Mahaiko eragileek egingo duten lana “ezin da hitzetan bakarrik geratu, benetako inpaktua lortu behar du”, borobildu du.
Prozesua maiatzera arte luzatuko da eta hiru fase izango ditu: diagnostikoa partekatzea; ikuspegi eta printzipioak definitzea; eta estrategiak diseinatu eta neurriak zehaztea. Eskola-onarpena, ISEI-IVEI eta EUSTAT kontuan hartuta Jaurlaritzak ondutako diagnostikoa 50 bat eragileri banatu die dagoeneko, eta analisi partekatua egiteko dokumentu horren bueltan eztabaidatzea izango da lehen urratsa.
Diagnostikoa aurkezteko, bi datu nabarmendu dituzte Jaurlaritzatik. Batetik, azken bi ikasturteetan 13.000 matrikula gutxiago erregistratu dira hasierako etapetan, jaiotza-tasaren beherakadaren ondorioz. Bestetik, 2020-2021 ikasturtean 2.500 ikasle matrikulatu ziren ikasturtea hasia zela, eta iaz 8.000 izan ziren. Horietako asko beste herrialde batzuetatik datoz, ez dakite euskaraz eta hezkuntza laguntzak behar izaten dituzte maiz.
2020-2021 ikasturtean 2.500 ikasle matrikulatu ziren ikasturtea hasia zela, eta iaz 8.000 izan ziren
Foroaren parte-hartze zabala azpimarratu du Begoña Pedrosak. Eragileen artean dira, besteak beste, Koordinatzeko Zuzendaritza, EUDEL, Biltzen, Euskadiko Eskola Kontseilua, Hezkuntzako Ikuskaritza, ISEI-IVEI, EHIGE, Fapacne, Apnabi, UNICEF, Save the Children, Plena Inclusión, Eusko Ikaskuntza, EHU, Deustu, Mondragon Unibertsitatea, BAM, EAJ, PSE, EH Bildu, PP, LAB, UGT, CCOO, Interinoak, Kristau Eskola, Ikasgiltza, AICE, EIBE, Elizbarrutia eta Ikastolen Elkartea.
"Itxurazalekeria ariketa"
Bi eragile garrantzitsuk, baina, ez dute parte hartu. STEILAS sindikatuak salatu du ez duela gonbidapenik jaso eta “itxurazalekeria ariketa” gisa definitu du mahaia, Jaurlaritzak oinarri dituen politikak “kontrako norabidean” doazela iritzita: segregazioa eta itunpeko ikastetxeak oso lotuta daudela eta, beraz, soluzioa “ikastetxeen publifikazio prozesu irmo bat” bultzatzea dela dio sindikatuak, baina administraziotik ez dela halakorik nahi, duela gutxi onartutako Hezkuntza Legeak berak erakusten duen moduan.
ELA ere ez da izan mahaian, eta sindikatu horrek ere, Jaurlaritzaren politikak izan ditu hizpide: segregazioari aurre egiteko, hiru oinarri aipatu ditu ELAk: euskarazko murgiltze eredua ezartzea eskoletan; ikasleen aniztasunari eta beharrei erantzuteko baliabideak; eta egungo sare banaketa (publikoa, itundua, erabat pribatua) gainditzea, “erabat publikoa izango den sistema propio baten bidean”. Sindikatuak uste du, ordea, Jaurlaritzak hiru neurri horiei uko egiten diela eta, beraz, horiek gabe mahaiak ez duela zentzurik .
LABek bai hartu du parte lehen saioan, baina kritiko mintzatu da. Jaurlaritzak “metodologia lauso eta zehaztugabea” aurkeztu duela dio, eta Osasun Mahaia gogorarazi diola, alegia, “nahieran euren interesen arabera aldatzen” den prozesua. Hala, zehaztasunak eskatu ditu sindikatuak, “eta erabakiak nork eta nola hartuko dituen” galdetu du.
Datu latza utzi du Ijito Idazkaritza Fundazioaren azken ikerketak: ijitoen %0,8ak baino ez du unibertsitate titulua lortzen. Espektatiba eta erreferentzia falta, eskola-segregazioa, aurreiritziak, arrakala ekonomiko eta kulturala… faktore garrantzitsuak dira,... [+]
Lanez lepo harrapatu dugun arren, eskuzabal hartu gaitu Eusko Jaurlaritzako Hezkuntza sailburuak; elkarrizketarako aurrez adostuta genuen denbora luzatzen utzi digu, luze jo baitu solasaldiak. Karguan urtebete egin duelarik, berrikuntzaz aritu gara Begoña Pedrosarekin,... [+]
EAEko Hezkuntza Sailak egindako “balorazio oso positiboa” ezbaian jarri du Arartekoak ebazpen batean. Bere esanetan, “neurri irmoagoak” hartu ezean, Ordiziako eskoletan dauden zaurgarritasun eta hizkuntza desoreka arazoak konpontzetik “urrun”... [+]
Euskal hezkuntza sisteman haur zaurgarriak ondo integratzeko dekretua egin zuen Eusko Jaurlaritza Hezkuntza Sailak 2023ko maiatzean eta gaur haren balorazio oso kritikoa egiten du Ikastolen elkarteak: hark ez du balio izan segregazioa amaitzeko. Hainbat proposamen ere egin... [+]
Eskolaz kanpoko jardueren eskaintza zabala egiten duten ikastetxeen aldean, beste askok ez du horretarako aukerarik; eta eskola bereko ikasleen artean ere, denek ezin dute ekintzetan parte hartu, baliabide ekonomikoek baldintzatuta. Esku hartzeko dei egin diete instituzioei:... [+]
Eskola segregatua izan da Gasteizko Judimendi ikastetxe publikoa, hiri guztiko ikasleak hartu ditu, jatorri atzerritarreko familien seme-alabak. Baina A hizkuntza eredutik D eredura igarotzeaz gain, auzoak eskola bere sentitzeko eta auzoko familiak erakartzeko egindako... [+]
EAEko ikasleen erdiak baino gehiagok eskola partikularrak jasotzen dituela eta jatorri migratzaileko ikasleak gehien segregatzen dituen Espainiako Estatuko bigarren erkidegoa EAE dela ere adierazi du Esade EcPol erakundeko Lucas Gortazarrek, EHUren udako ikastaroetan.
Miravalles-Redin eta Irabia-Izaga ikastetxetako ikasleen guraso talde batek Nafarroako Gobernuko Hezkuntza Departamenduarekin hitz egin du ikastetxe pribatua sortzeko prozedura ezagutzeko.
A ereduko eskola D ereduko bihurtzea erabaki dute Gasteizko Judimendi auzoan, eta aurre-matrikulazioak emaitza nabarmena utzi du: orain arte profil erdalduna zuen eskolan, 2 urteko gelan izena eman duten 15 umeetatik erdia inguru familia euskaradunetakoak dira... [+]
Hezkuntza eskumenak deszentralizatu eta tokian tokiko eragileek erabakimen handiagoa izatea: aspaldiko aldarrikapena praktikara ekartzen ari dira herri ugaritan, eta bide horretan aholkulari dabil Elhuyar. Uneotan hamar bat prozesutan buru-belarri dabiltzala eta eskaera gero eta... [+]
Bilatzen zuen babes sozial eta politikoa lortu gabe argi berdea eman diote EAEko Hezkuntza Legeari, asteazken honetan Hezkuntza Batzordean. Hiru erronka zituen legeak: ikastetxe publiko eta kontzertatuen sistema duala gainditzea, ikasleen euskalduntzean jauzia ematea, eta... [+]
A ereduko eskola D ereduko bihurtuko dute Gasteizko Judimendi auzoan, familia erdaldunen seme-alabei euskaraz ikasteko aukera emateko eta familia euskaradunak erakartzeko. "Estigmatizatuta dagoen eskola da eta buelta eman nahi diogu, auzo-eskolaren izaera berreskuratu nahi... [+]
Benetako integrazioa, gizarteratzea eta laneratzea errazteko gaitasunak garatzen dituena da.
Andoaingo Ondarreta Herri Eskola ezagutzen al duzu? Herri erdi-erdian dagoen hori? Nirekin batera sarrerako atea zeharkatzen baduzu, patioan topo egingo duzu eskola publiko honetako 201 ikasleekin, guztien artean 24 jatorri eta 17 hizkuntza batzen dituztenekin. Barneratuko gara... [+]
Legegintzaldi honetan bertan onartu nahi duten EAEko Hezkuntza Lege proiektuari zuzenketak aurkezteko epea astearte honetan amaitu da. Lege akordioa sinatu zuten alderdietako bat jausi da dagoeneko, barruan jarraitzen dutenen artean desadostasun nabarmenak dituzte eta hezkuntza... [+]