EH Bilduk proposatu du Gipuzkoako Urrezko Plaka ematea Jose Luis Alvarez Enparantza Txillardegi idazle eta hizkuntzalariari. Batzar Nagusiek ordea atzera bota dute Txillardegik aitortza hori lortzeko hautagai izateko eskaera, proposamenak nahikoa adostasunik ez duela iritzita.
"EH Bilduk Txillardegiren izena atera du, badakienean ez dela adostasunik egongo eta euskararen munduan konfrontazioa eragingo duela", adierazi du Maria Eugenia Arrizabalaga Gipuzkoako Batzar Nagusietako EAJren bozeramaileak. "Ez da gure estiloa, zuena bai". Gaineratu du EAJk Txillardegiri ez diola "ez ezin ikusirik, ez gorrotorik". "Ez daukagu hura baztertzeko grinarik, baina politikoki EH Bilduk badaki ez dela adostasunik egongo, eta, hala ere, izena plaza erdian jarri dute".
Txillardegi gizon "konplexua" izan zela dio Arrizabalagak, "euskararen eta herri honen beharrei" erantzuna eman ziena. Dena den, nabarmendu du ez dela "bakarra" izan. Gabriel Aresti, Juan Mari Lekuona, Patxi Altuna eta Koldo Mitxelena ekarri ditu gogora: "Haientzat ez du gisa honetako aitortzarik eskatzen EH Bilduk". Sabino Arana ere aipatu du, euskararen gramatika eta ortografia batzeko beharraz kezkaturik agertu zen heinean: "Txillardegiren bizitza eta obra ezagutu behar diren moduan, komeniko litzateke Sabino Aranaren bizitza eta obra ere hobeto ezagutzea".
EAJ, PSE-EE, PP eta Elkarrekin Podemos-IU alderdiek bota dute atzera EH bilduren proposamena. PSE-EE eta PPk, Txillardegi ETAren sortzaileetako bat izatea nabarmendu dute; eta Podemos-IU alderdiarentzat, Txillardegik ez ditu ordezkatzen Gipuzkoako Urrezko Plakaren kohesio, bake eta bizikidetzaren balioak.
EH Bilduk, bestalde, gezurtatu egin du konfrontazioa bilatu nahi duela.
25 urte beteko ditu aurten Gara egunkariak. Ez da erraz izan. Teknologiak ekarritako iraultzari neurria hartuagatik ere, Espainiako auzitegietako epaileek erabakitako oztopo arbitrarioek egunean eguneko jarduna baldintzatu dute. Mirari hutsa, Iñaki Soto zuzendariaren... [+]
Nafarroa Garaian euskararen aldeko jarrera gero eta handiagoa izan dadin ildo diskurtsibo berriak proposatu ditu Euskaltzaleon Topaguneak
Hezkidetzarekin lotutako proiektuak koordinatzeko lankideekiko bilera batean, mutiko batek ikaskide neska bati irain matxista bota diolako gertakaria kontatu zuen irakasle batek, zalantza sortu zitzaiolako egoki jokatu ote zuen, eta gure artean hausnarketa interesgarria sortu... [+]
Lazarraga kultur elkarteak jaso du udalaren eskutik 2023ko dirulaguntzaren zuriketaren xedapena: 112.000 euro itzuli beharko ditu. Elkarteak adierazi du “udalaren borondate faltak” Gasteiz Antzokiaren proiektua kolokan jarri duela eta “udalak sortutako... [+]