Tabako-dendek bankuen funtzioa bete dezakete Frantziako Estatuan

  • Otsailaren 11z geroztik, Frantziako Gobernuak baimendutako tabako-denda eta kioskoetan kontu korrontea zabaldu dezakete Estatuko herritarrek, nortasun agiria eta telefono mugikorra aurkeztuta. Bankuak saihestea eta gastuak merkatzea du helburu low cost zerbitzu berriak.


2014ko otsailaren 17an - 00:00
Azken eguneraketa: 2015-02-26 13:37:33
Sektorearen liberalizazioa ekarriko al du neurri berriak?

Egitasmoaren fundatzaileetakoa den Hugues Le Bret-en hitzetan, kostu baxua da zerbitzuaren oinarria eta gutxi gastatu nahi duen jendea, bankuez ezer jakin nahi ez dutenak eta bankuak onartzen ez dituenak erakartzea dute xede. "%100 baliagarria, %0 toxiko" da lelo nagusia.

Esaterako, urteko gastuak 50 eurotik beherakoak izango direla ziurtatzen du zerbitzuak; Frantzian normalean hilero 10 eta 20 euro artean ordaintzen du herritarrak kontu korrontea mantentzeagatik. Bezeroak ordainketak eta transferentziak egin ahal izango ditu, baina ezingo du krediturik ez txekerik eskatu.

Sektorearen liberalizazioa

Europar Batasunak 2007an onartutako zuzentaraua du abiapuntu neurriak: horren bidez, bankuak ez diren beste agente ekonomikoei zerbitzu finantzarioak eskaintzea ahalbidetzen da.

Sektorearen liberalizazioa ekarriko al du honek? Aditu batzuek diote ez dela gehiegi ugarituko, ez duelako eskaintzen banku tradizionalak ematen dituen mailegu, hipoteka edo aurrezteko produktuak.

Beste hainbaten ustez, kapitalismo bortitzenaren adierazgarri da, sistemak kanpo uzten dituen bezeroak ere bereganatzeko (paperik gabeko etorkinak, etxerik ez dutenak, langabetuak...).


Kanal honetatik interesatuko zaizu: Finantza erakundeak
11.000 milioi eurotik gora irabazi ditu Banco Santanderrek 2023an, eta BBVAk 8.018 milioi

Banco Santanderrek %15,3 igo ditu irabaziak 2022arekin alderatuta. BBVAk, berriz, %26 gehiago irabazi du.


Kutxabankek komisioak kenduko dizkie erabiltzaileen %80ri

Komisioak ezabatu egingo dira 30 urtetik beherako guztientzat eta baldintza batzuk bete beharko dituzte kontua eta txartela doan mantendu nahi duten bezero orok. Urtarrilaren 15ean sartuko da araudi hau indarrean.


Espoliazio frankista
Ibex35 eta euskal oligarkiaren zimenduak

Frankismoa ez zela 1975ean amaitu diktadoreak ohean azken hatsa eman zuenean, hori badakigu. Erregimenaren haziek bizirik iraun zuten poliziaren tortura ziegetan, justizia auzitegien sumarioetan eta militarren zein politikarien deklarazio kolpistetan –Aznarrek azkenaldian... [+]


Kutxabankek akordioa sinatu du Madrilgo Alantra inbertsio bankuarekin, "hazteko" estrategia berriaren baitan

Kutxabankek inbertsio bankuen sektorean sartzeko pausoa eman du eta akordioa sinatu du sektore horretako Espainiako Estatuko eta Europako eragile nagusienetako batekin, Alantra sozietatearekin. "Enpresen merkatuan" presentzia handiagoa izatea litzateke helburua.


Herri zaurgarrienek zorpeturik segituko dute finantza sistema berrian ere

Berrogeita hamar bat gobernutako ordezkari, nazioarteko finantza-egitura esanguratsuenak, hainbat enpresa pribatu eta Gobernuz Kanpoko Erakunde zenbait batu dira Parisen, ekainaren 22an eta 23an, mundu mailako finantza itun berri bat adosteko asmoz. Orain arteko joko-arauak... [+]


Eguneraketa berriak daude