Kutxabankek akordioa sinatu du Madrilgo Alantra inbertsio bankuarekin, "hazteko" estrategia berriaren baitan

  • Kutxabankek inbertsio bankuen sektorean sartzeko pausoa eman du eta akordioa sinatu du sektore horretako Espainiako Estatuko eta Europako eragile nagusienetako batekin, Alantra sozietatearekin. "Enpresen merkatuan" presentzia handiagoa izatea litzateke helburua.

Kutxabanken Bilboko egoitza. Geografikoki haztea da orain pribatizaturiko bankuaren helburu nagusietako bat. Argazkia: Bilbaopedia

2023ko uztailaren 13an - 09:53
Azken eguneraketa: 11:32

Duela bi hilabete Anton Arriola Kutxabankeko presidenteak marraztu zuen finantza erakundearen ibilbide berria: "Hazi egin behar dugu, Euskadiko mugetatik kanpo hazi behar dugu". Eta badirudi ez zela gezurretan ari. Alantra, Espainiako Estatuko inbertsio banku nagusietako batekin –inbertsio banku multinazionalak kontuan eduki gabe– akordioa sinatu berri du.

El Diario Vasco egunkarian irakurri dugu albistea. Helburua litzateke "enpresen merkatuan" joko gehiago izatea eta horretarako fusioak, erosketak  eta finantzazio operazioak kudeatzen dituen sozietate horren babesa izatea.

Orain arte Norbolsaren bidez egin ditu operazio horiek Kutxabankek, berak parte hartzen duen enpresa bat, baina handira jokatu nahi duenez –"geografikoki eta jardueren bidez hazi behar dugu"–, Madrilgo inbertsio bankuarekin egin du tratua.

Alantra arrisku kapitaleko inbertsioetan ere espezializaturik dago, eta baditu arlo horretan bezero esanguratsuak, Panorays ziberzegurtasuneko enpresa israeldarra kasu

Alantrak ia bostehun langile dauzka 21 herrialdetan barrena hedatutako bere bulegoetan. Arrisku kapitaleko inbertsioetan espezializaturik dago eta baditu arlo horretan bezero esanguratsuak. 2023ko martxoan, adibidez, zibersegurtasunarekin negozioak egiten dituen Panorays enpresa israeldarraren partaidetza bat erosi zuen 33N Ventures arrisku kapitaleko bere filialaren bidez.

Aldaketak barruan ere

Inbertsio bankuekin akordioak sinatzea ez da izan Kutxabanken neurri bakarra bere estrategia berrian. Negozio minoristaren eta enpresen sareko arduradunak aldatu egin ditu, pasa den astean ohar bidez jakinarazi zuenez.

Araban, Bizkaian eta Gipuzkoan dituen arlo horretako lurralde-zuzendaritzak berritu ditu aurrezki kutxa publikoen fusioaren ondoren pribatizaturiko bankuak, bere "hazteko eta errentagarritasuna hobetzeko helburu estrategikoaren baitan".

 


Irakurrienak
Matomo erabiliz
Azoka
Kanal honetatik interesatuko zaizu: Ekonomia
Materialismo histerikoa
Erabakimena

Balirudike dena kontrolpean dagoela, badakitela guri nola sinetsarazi edozer, ez dugula inoiz, berez, guk nahi duguna egiten. Iragarki konstante batean bizi bagina bezala, esaten dugu “aukera berdintasuna”, eta pentsatzen dugu esaten ari garela “aukera... [+]


Etxebizitza arazoa eta lan-mundua

Etxebizitza duina izatea gero eta zailagoa da. Berdin du esaldi hori noiz irakurtzen duzun, urteak pasa eta arazoa gero eta larriagoa da.

Nola izan daiteke bizitzeko oinarrizkoa den eskubidea, teorian hainbat legek babestutakoa, EAEn eskubide subjektibo moduan onartu berri... [+]


2024-04-21 | Iñaki Barcena
Mecaner ez itxi!

Euskal autogintzaren industrian gertatzen ari den adibide esanguratsu batekin natorkizue. Duela urte erditik (2023-09-01), Mecaner Urdulizko (Uribe Kosta) autogintzako trokelgintza enpresako 148 langile euren lanpostuak galtzeko zorian daude. Enpresa bideragarria da eta... [+]


2024-04-18 | Gedar
Lanuzteei ekin diete berriz Trapagarango Amazonen

Aste osoan zehar egingo dituzte lanuzteak, lan-baldintzetan hobekuntzak exijitzeko. Aurreko hiru hilabeteetan ere izan dituzte grebak.


2024-04-17 | ARGIA
Berangoko Otxantegiko nekazal lurren desalojoa gelditzen laguntzeko deia egin dute

Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]


Eguneraketa berriak daude