Tabakaleran diziplina anitzeko ‘Atenea’ espazioa zabalduko du Kutxak 2026an
Donostiako Kultura Garaikidearen Nazioarteko Zentroan dituen 6.300 metro koadroak erabiliko ditu Kutxa Fundazioak espazio berriarentzat eta 15 milioi euroko aurrekontua du proiektuarentzat. 2026ko udazkenean ireki asmo dute Atenea, eta hori baino lehen itxiko dute Miramongo Eureka zientzia museoa.
aurre egingo dieten hedabide independenteak
Kutxa Fundazioak 2021ean iragarri zuen aldaketak egingo zituela bere ekintza sozialeko jardueran eta, besteak beste, Donostiako Miramonen dagoen Eureka Zientzia Museoa ixtea ekarriko zuela estrategia aldaketa horrek. Baina aldi berean, hezkuntza komunitatearekin elkarlanean Tabakaleran zituen aretoen erabilera sustatuko zuela ere aurreratu zuen. Lau urte geroago 2030 urterako Plan Estrategikoa aurkeztu du, eta horrekin batera, Atenea, diziplina arteko espazio berria izango dena.
2030 urtera arte 250 milioi euroko aurrekontua izango du fundazioak bere plan estrategikoa gauzatzeko, hezkuntzari, zientziari, sormenari eta jasangarritasunari loturiko jardueretan
Asteartean aurkeztu dute plan estrategikoa Tabakaleran Kutxa Fundazioko zuzendari nagusi Ander Aizpuruak eta Berrikuntza arloko zuzendari Miren Karmele Gomezek. 2030 urtera arte 250 milioi euroko aurrekontua izango du fundazioak bere plan estrategikoa gauzatzeko, hezkuntzari, zientziari, sormenari eta jasangarritasunari loturiko jardueretan.
Aldaketa nabarmenena Atenearen sorrera izango da, “sormernari, jakin-minari eta ezagutza artistiko, zientifiko eta humanistikoari irekia”, azaldu dute. Fundazioak Tabakaleran duen espazioaren “potentziala aprobetxatzea” helburu, beheko solairuan, eta lehen zein laugarren solairuetan banatuta, 6.300 metro koadroko azalera izango du. 15 milioi euroko aurrekontua du proiektuak eta 2026ko udazkenerako zabaldu nahi dute.
Beheko solairuan Artebidea argazki erakusketa aretoa mantenduko da –gaur egun Artegunea dena– eta horrez gain Jakinbidea ere egongo da, “galderak sortzea eta pertsonak galdera horien bidez ezagutza propioa eraikitzera gonbidatzea helburu” duena. Lehen solairuan, berriz, Kutxa Klubak jarraituko du.
Zientziabidea, Eureka museoren ondorengoa?
Espazio handiena laugarren solairuko Zientziabideak hartuko du, elementu museografikoen eta beste hainbat jardueraren bidez zientziari loturiko edukiak landuko dira bertan. Aizpuruak eta Gómezek ez dute argitu gune horretara eramango ote dituzten Eureka zientzia museoko material batzuk, oraindik aztertzen ari direlako gune horren osaera. Miramongo eraikina 2026 urte erdialdean itxiko dute, nolanahi ere.
Tabakalera zentroaren “disziplinartekotasunaren eta lankidetza publiko-pribatuaren bidean” jarraitu nahi du Kutxak, eta horretarako Amsterdameko Science Museum edo Pariseko La Cité des Sciences et de l’Industrie dituzte inspirazio iturri. Azkeneko honek, 40 urteko ibilbidea du, lau milioi bisitari jasotzen ditu urtean eta mundu mailan erreferentzia nagusietakoa da.
“Ekipamendu berri eta berritzailea sortzearen aldeko apustua egin dugu –azaldu du Gomezek–, gure komunitatearen beharrei zentzurik zabalenean erantzuteko konfiguratu dugu”. Gainera, berrikuntzako zuzendariak nabarmendu du STEAM (zientzia, teknologia, ingeniaritza, arteak eta matematika biltzen dituen akronimoa) ezagutzarako eta transmisiorako espazio gisa proiektatu dutela Atenea: “Gu guztiok gogoeta egitera eta entzuten eta irakurtzen dugunarekin kritikoagoak izatera bultzatzeko”.
Kutxak 2014an hartu zuen banku fundazio bihurtzeko erabakia –urte hartan patronatu batek eskuratu zuen erabakimena–, eta Kutxabanken %32ren jabe da gaur egun. Besteak beste, bankuak sortzen dituen dibidenduetatik finantzatzen du bere ekintza soziala.
Oporretan nago baina oraindik ez dut zutabea hasi. Oporretan nago baina nire gelak ez du igarri. Oporretan nago eta etxeko hautsa ez da mugitu. Oporretan nago eta topaguneko kanpin dendak lokatzez beteta jarraitzen du egongelan. Oporretan nago baina nire agenda ez da... [+]
CAFek urteroko akziodunen batzarra egin duen egun berean, Jerusalemgo trenaren martxan duen tren proiektua bertan behera uztea exijitu diote Donostian eginiko manifestazioan. Amnesty Internationalek hitza hartu du tren ekoizlearen akziodunen batzarrean, eta Israelen "legez... [+]
Hainbat urtetan jarduera hezitzaileak gazteleraz jaso ostean, bi urte direla Zabalgana ikastetxeak euskara hutsean ematea eskatu zion auzoko osasun zentroari. Osasun zentroko arduradunek diote ez dutela horretarako baliabiderik. Osakidetzak egoera ikasturte honetan... [+]
Hamabost urte baino gehiago daramatza martxan Bizkaiko Kimuak ernamuinduen proiektuak, baina hasierako bultzatzaileak erretiratu dira eta erreleboa hartu berri dute Mikel Landa Luzarragak eta Asier Iñigo Oraindik. Ernamuindutako kimu freskoak ekoizten dituzte batik bat,... [+]
Nafarroako landa gune asko daude despopulazio arrisku larrian eta horietako bat da Urraul Goiti Pirinioaurreko bailara. Hango Adoain herrian biztanle bakarra bizi da iraunkorki eta 93 urte ditu. Han da ere Perotx oinetxe zaharra eta berau birgaitzeko herri ekimena abiarazi dute.
Erasoa Bilboko kale horretako ile apaindegi batean egin zuten maiatzean. Erasoa grabatua izan zen eta auzokideek salatu zuten.
Animalia-etikaz mintzatuko dira EHUko ikastaroetako batean. Leire Morras Aranoak, ikastaroaren zuzendariak, hezkuntzan antiespezismoa lantzeko dauden hutsuneak eta aukerak nabarmendu ditu.
Dagoeneko 30 hiri inguru batu dira politika migratorioen eta militarizazioaren aurkako protestetara eta larunbaterako 1.800 hiritan dituzte protestak deituta. Los Angelesen egin bezala, hiri horiek ere militarizatzeko xedea aipatu du Trumpek. Guardia Nazionala hedatu dute... [+]
Ondo Etorri Laudio Harrera Herria sortu dute, kale egoeran bizi diren pertsonen “bidelagun” izan eta “mugimendu arrazista zein xenofoboen aurka” borrokatzeko. Eskualdeko ikuspegiarekin landu nahi dute gaia, eta “lanean” jartzeko deia egin... [+]
Emaitza positiboa eman zuen iragan abuztuan egindako testak, baina Polizia Zientifikoaren laborategira bidali baino lehen Ondarroako komisariatik desagertu zen frogen poltsa.
Ekainaren 14an egingo da Hernanin San Juan jaiak iragartzen dituen 30. Preludio kontzertua. Aurten emakume bat izango du zuzendari musikal: Judith Montero Imaz. Behin batuta hartuko, eta emakumeek musika ondarean egindako ekarpena ekarri du fokupera. Berarekin eta Hernaniko... [+]
Kanpaldiaren helburua "osasuna eta ingurumena arriskuan jartzen dituen eta etorkizuna hipotekatzen duen proiektu jasanezina" geldiaraztea da.
Urte hasieran gertatu zen, urtarril eta otsail artean, Donald Trumpen bigarren agintaldia hasi zenean eta DEI politiken kontrako gurutzada hasi zuenean hark. Baina ez zen izan prentsa-ohar edo iragarpenik. Erabilpen baldintzetan, norbaiten "genero identitatearen eta... [+]
Udako Euskal Unibertsitateak hogei jardunaldi eta topaketa antolatu ditu ekainaren 11tik hasita hilabete batez, hausnarketari bide emateko eta "arnasgune akademikoa" izateko helburuarekin. Inguma datu-base berrituan unibertsitate mailako jakintza alor ugaritako ia 50.000... [+]
Espainiako Lanbide Heziketaren legeak egoera larria ekarri duela iritzita, kezka nagusiekin manifestua idatzi du irakasle talde batek eta jasotako sinadurak aurkeztu dizkio Eusko Jaurlaritzako Lanbide Heziketako Sailburuordetzari. “Joan garen ikastetxe guztietan bat egin... [+]