Kutxa Banku Fundazioa ez da ados agertu Arriolaren adierazpenekin: “Euskara ez da oztopo”
Kutxa Banku Fundazioak adierazi du Kutxabankeko presidentearen adierazpenek ez dutela fundazioaren pentsamoldea islatzen, "Hizkuntza aniztasuna beti da aberastasun iturri, nekez izan daiteke oztopo", argudiatu dute.
Hautsak harrotu ditu duela astebete Kutxabankeko presidente Anton Arriolak euskararen inguruan esandakoak. Bilboko Merkataritza Ganberak antolaturiko hitzaldi batean euskal enpresek atzerriko langile trebatuak erakartzeari buruz mintzatzen ari zela, adierazi zuen euskara "oztopo" izan zitekeela talentua erakartzeko. Kutxabanken akziodunetakoa den Kutxa Banku Fundazioak ohar baten bidez erantzun dio Arriolari: "Hizkuntza aniztasuna nekez izan daiteke oztopo".
Erakundeak adierazi du Arriolaren adierazpenek ez dutela fundazioaren pentsamoldea islatzen, eta gogorarazi dute 1992an sinatu zuela Europako Kontseiluak Hizkuntza Gutxituen Europako Gutuna, "euskara bezalako hizkuntza gutxituak babestu eta sustatu nahi dituena". Horrez gain, Kutxa Banku Fundazioak oharrean aipatu du D ereduak gora egin duela urtez urte, baita 2023ko abenduan onartu zutela Hezkuntza Legea Eusko Legebiltzarrean: legeak berak dioenez, "euskal hezkuntza euskara ardatz duen sistema eleaniztun gisa egituratzen da".
Euskara oztopo izan ez den proiektu baten adibidea ere eman dute: hain zuzen ere, Ikerbasque programa. Duela 17 urte hasi zuen proiektu horrek bere ibilbidea, eta gaur egunera arte EAEra 373 ikertzaile erakarri dituela gogorarazi dute: "Gure unibertsitateetan zein goi mailako ikerketa zentroetan dihardute Espainian, Ingalaterran, Alemanian, Polonian, Amerikako Estatu Batuetan, Errusian, Indian, edo Ukrainan sortu eta mundu osoko ikerketa zentroetan aritu ondoren gure artean lan egitea erabaki duten hainbat ikertzailek".
Erantzun gehiago
Kutxa Banku Fundazioa ez da izan Arriolaren adierazpenei aurre egin dien bakarra: besteak beste, Euskalgintzaren Kontseiluko koordinatzaile Manex Mantxolak adierazi zuen euskara "estrategikoa eta ezinbestekoa" dela "bertako" talentua erakartzeko, eta "mediku onaren edo euskaldunaren dikotomia faltsuarekin" alderatu zituen adierazpenak. Gainera, Kontseiluko idazkari nagusi Idurre Eskisabelek ere gaitzetsi zuen sare sozialetan Arriolak esandakoa: "Oso larria da erantzukizun soziala ipar behar lukeen erakunde bateko buruak euskara eta talentua talkan jartzea".
Euskalgintzaren Kontseiluak deituta, Espainiako Auzitegi Gorenak joan den astean ebatzitako sententzia salatzeko prentsaurreko bateratua egin dute Bilbon. Sententzia "euskal gizartearen eta euskal erakundeen borondate demokratikoaren aurkako eraso zuzena" dela... [+]
Lizarrako Udalak udarako antolatu dituen bost musika ikuskizunetan eta beste horrenbeste film emanaldietan bat bera ere ez da euskaraz izanen; datorren astean hasiko diren festen egitarauan haurrentzako ekitaldi bat dago euskaraz programatua, justu, erraldoi eta buruhandien... [+]
Euskarazko B2 maila dutela ez ziurtatzeagatik Eibarko Egogain zaharren egoitzako lan eskaintza publikotik kanpo utzi zituzten bi langileen alde ebatzi du Donostiako Lehen Auzialdiko 3. Epaitegiak, CCOOk jakinarazi duenez. 2024ko urrian, Gonzalo Pérez Sanz epaileak... [+]
UEMAk antolatuta egin dituzte kontzentrazioak larunbat eguerdian, Espainiako Auzitegi Gorenaren azken epai euskarafoboaren aurka eta euskararen alde. Euskara “benetan” babesteko “adostasun sendoak” eskatu ditu UEMAk, “euskarak eta euskaldunok... [+]
UEMAren zuzendaritza batzordeko kideek hedabideen aurrean agerraldia egin dute ostegun eguerdian Zarautzen, Espainiako Auzitegi Gorenaren azken epai euskarafoboa salatzeko. Epaia "larria" dela adierazi dute, eta batez ere udalerri euskaldunei eta euskaraz aritzen... [+]
Nerea Kortajarena EH Bilduko legebiltzakideak prentsa agerraldi batean esan du Eusko Legebiltzarrean dauden "gehiengoak" baliatu beharko liratekeela "hizkuntza politika berri bat ahalbidetzeko".
Maria Ubarretxena Eusko Jaurlaritzako bozeramailearen esanetan, “indar politiko batzuk erabaki politikoak judizializatzen ari dira”.
Vox alderdi ultraeskuindarraren eskariz EAEko Auzitegi Nagusiak 2023ko irailean baliogabetu zituen EAEKo Udal Legearen hainbat artikulu, euskararen normalizazioaren ingurukoak. Erabaki hura berretsi du orain Espainiako Auzitegi Gorenak, eta ez dago helegiterako aukerarik... [+]
Lapurdiko eskola batetik saiatu dira datorren ikasturterako Ganbara Hostel Bilbaon aterpea lotzen, baina Behatokian salatu dutenez, idatzizko komunikazioan euskaraz aritzeagatik zera esan diete azkenean: “Espainolez mintzatzen ez ginenez, ez gintuztela beren hotelean... [+]
Hainbat urtetan jarduera hezitzaileak gazteleraz jaso ostean, bi urte direla Zabalgana ikastetxeak euskara hutsean ematea eskatu zion auzoko osasun zentroari. Osasun zentroko arduradunek diote ez dutela horretarako baliabiderik. Osakidetzak egoera ikasturte honetan... [+]
Euskararen Defentsarako Sareak elkarretaratzea egin du Nafarroako Parlamentuaren aurrean ostegunean, aldarrikatzeko lanpostu publikoetan hizkuntzak baloratzen badira, euskara baloratzen ez den lanposturik ez litzatekeela egon behar. Eta beraz, Nafarroako Gobernuak egindako... [+]
Epaiak legez kanpokotzat jotzen du hizkuntza eskakizun egiaztagiria ez duten pertsonak Lan Eskaintza Publikotik kanpo geratzea. Gipuzkoako Foru Aldundiak jarritako helegitearen kontrako epaia izan da. CCOOk eman du epaiaren berri eta garaipen gisa hartu du.
Erriberri, Tafalla, Gares, Sarriguren, Buztintxuri eta Noaingo ikastetxe publikoetako D-PAI ereduko guraso talde bat Nafarroako Hezkuntza batzordean egon da, 57/2024 foru aginduari jarraikiz, Hezkuntza Departamentuak bideratu nahi dituen aldaketak deitoratzeko. Euskarazko... [+]
2023an B1 maila eskatu zuen udalak kale garbitzailea posturako, baina horren kontrako epaiak eman zituten Donostiako Administrazioarekiko Auzien 2. eta 3. zenbakiko epaitegiek. Epai horien aurkako helegiteak atzera bota dituzte orain. Hizkuntza eskubideen urraketei... [+]
Administrazio publikoarentzat Gipuzkoako zahar etxeetan lan egiten duten langileen euskara eskakizunak (B1 eta B2 mailak) “neurriz kanpokotzat” jo zituen iaz Donostiako epaitegi batek. Epai horren aurka Gipuzkoako Foru Aldundiak jarritako helegitea atzera bota du... [+]