Seaskaren Integrazio Batzordeak diru bilketa abiatuko du larunbatean

  • 116.000 euro biltzea du helburu elkarteak, elbarritasun egoeran diren haurrei hezkuntza ikastolaren barruan eta beste umeen artean bideratu ahal izateko. Gaur egun Seaskan orotara 158 haur daude inklusio programan sartuta .


2023ko martxoaren 24an - 09:55
Azken eguneraketa: 13:17

"Inklusioak etenik ez du" lelo pean abiatuko du martxoaren 25 honetan Seaskako Integrazio Batzordeak diru bilketa kanpaina. 116.000 euro biltzea jarri du helburutzat, horri esker ahalmen urritasuna duten haurrei bermatu ahal izateko ikastolen baitan lekua. Larunbat egun osoan atxikiko ditu informazio mahaiak hainbat hiritan eta integrazio-batzordea.eus webgunean ere badago diruz laguntzeko bidea.

Gaur egun 158 haurrek dute laguntza berezi bat behar ikastolaren baitan jasotzeko hezkuntza. Hiru langile ditu kontratu pean elkarteak, laguntza hori bideratzeko gisan, eta jakitera eman dutenez, inklusiorako egitura pedagogikoa bideratzeko laugarren ikasgela irekiko du Seaskak irailean.

Hezkuntza ministerioaren murrizketak

Lemaren aukeraketa Frantziako Hezkuntza ministeritzak harturiko erabakiari lotua da. Hain zuzen, kurtsoez gain, bazkaltzeko tartean bideratu laguntza beregain ez duela hartuko jakitera eman zien ministerioak. 2022ko irailaz geroztik lekuko erakundeen esku utzi die gastu horien diruztatzea eta Integrazio Batzordeak deitoratu duenez "momentuko, horiek erantzuna ez da behar den heinekoa".

Konkretuki sei dira jangelan laguntza behar dutenak. "Gaur egungo egoerak gure ikasle ahulenak baztertzen ditu. Haurren sozializazioan eta hezkuntzan, gisa berean, gurasoen antolaketan ondorioak ditu", Integrazio Batzordeak deitoratzen duenez.

Ekimen bereziak agendan

Diru bilketa ezinbestekoa du elkarteak, eta jendea dinamikari lotzeko hitzorduak ere dituzte antolaturik. Martxoaren 19an egin zuten Itsas Laminen Korrika Angelun eta apirilaren 9an, Neska Korrika lasterketa dute eginen Azkainen.

1999an sortu zuten Integrazio Batzordea eta Lapurdi, Nafarroa Beherea eta Zuberoako ikastoletan dabiltzanen ahalmen urriko umeen guraso eta lagunak biltzen ditu elkarteak. Helburua argi dute: "Desberdintasuna integratzen duen eskola izatea".


Kanal honetatik interesatuko zaizu: Hezkuntza
2024-03-31 | Tere Maldonado
Mezu subliminalak

Mezu subliminalak hartzailearen kontzientziarentzat hautemanezinak diren noranzko bakarreko komunikazioak dira, eragina izan dezaketenak haren nahimenean, portaeran edo pentsamendu kontzientean. Horregatik, mezu subliminal eraginkor bat izate hutsa manipulaziotzat har daiteke:... [+]


Jokin Pantxeska Etxebarria. Gerrako ume, aitaita
"Hiru aldiz esan dute gorria naizela, komunista!"

Irisarriko herrigunera sartu orduko, hantxe, etxe baten atarian, ikurrina eta estelada. Jokin Etxebarriaren bizitokia duzu. Gerrako ume izandakoa, hamaika ibilera –eta hamaika baino gehiago ere bai–, han eta hemen egindakoa. 92 urtek nahi beste bizitzeko aukera... [+]


2024-03-25 | ARGIA
Baserrien zurezko egiturak berritzen ikasteko programa martxan jarri dute mugaz bi aldeetako erakundeek

"Baserriberri" du izena programak eta langabezian diren Euskal Herri osoko 12 ikasleri zurgintza formazioa emango die, erortzear diren baserriak berritzen ikas dezaten.


Irakasleek (ere) aurreiritziak dituzte eta ikasleen notetan eragiten dute

Irakasleek nota hobea jartzeko joera dute klase altuko ikasleei, neskei eta, laguntze aldera, migratzaileen seme-alabei, baina epe luzera, migratzaileen seme-alaba horiengan espektatiba akademiko txikiagoak dituzte, baita baldintza sozioekonomiko okerragodun haurrengan ere. Hori... [+]


Katalunian protesta, hemen paso

Kataluniako Hezkuntza Sailak (ERC) bertako ebaluazio diagnostikotik ahozko proba kentzea erabaki zuenean, segituan altxa ziren horren kontrako ahotsak: Junts alderdiak, Intersindical sindikatu independentistak eta Plataforma per la llengua eragile sozialak ikasleen ahozko... [+]


Eguneraketa berriak daude