Palestinaren alde egiteagatik lau herritar kanporatu nahi ditu Alemaniak
Poloniar bat, bi irlandar eta estatubatuar batek jaso dute Alemania apirilaren 21a aitzin uzteko manua. Hori gertatu ezean, kanporatuko dituztela argitu die Berlineko Migrazio Bulegoak. Salaketa jarri dute kanporaketa prozedura geldiarazteko xedez.
aurre egingo dieten hedabide independenteak
Palestinaren aldeko manifestazio batzuetan parte hartzeagatik, eta inolako auzibiderik ireki gabe kanporatu nahi ditu Alemaniako Estatuak han bizi diren lau herritar. Poloniar bat, bi irlandar eta estatubatuar bat ditu jomugan Berlineko Migrazio Bulegoak, eta martxoan jasotako gutun batean zehaztu die apirilaren 21a arte dutela beren kabuz alde egiteko. Hori ezean, kanporatuak izanen lirateke.
Kasia Wlaszcyk da horietariko bat, eta The Guardian komunikabidean eman du bere egoeraren berri gutun bidez. Dioenaz, ez da lehen aldia Palestinaren aldeko elkartasuna trabatzeko urratsak ematen dituela Alemaniako Estatuak. Besteak beste, 2023ko urriaz geroztik legez kanpo izozturik dituzte Gazatik datozen asilo eskaera guztiak. Ondokoa dio Wlaszcykik: "Muturreko neurri horiek ez dira bat-bateko aldaketa, ezta eskuin muturreko jarrera hartze hutsa ere. Ampel koalizio liberalak –Alderdi Sozialdemokrata (SPD), Alderdi Liberal-Demokrata (FDP) eta Berdeak– eta Alemaniako hedabideek egindako urtebete baino gehiagoko kanpainaren ondorio dira. Kanporatze masiboak bideratzeko deiak egiten aritu dira, batez ere Alemaniako populazio arabiar eta musulmanaren aurkakoak, eta hori, gero eta zabalagoa den Palestinaren aldeko mugimenduari erantzuteko".
Beraien kasuan, "antisemitismoa" eta "talde terroristen" aldeko jarrerak leporatzen zaizkie, "orden publikoarentzat mehatxu" direla gehiturik. Polizia bati "faxista" iraina bota izana zein Ibaitik itsasora, Palestina libre –Alemanian iaztik debekaturik dagoen leloa– oihukatu izana dituzte, besteak beste, froga gisa.
Staatsräson edo Estatu-arrazoia
Holokaustoa dela eta, Israel bai ala bai sostengatzeko Alemaniak duen betebehar moralari eta politikoari deitzen diote Staatsräson edo estatu-arrazoia. Funtsean, hori azaltzen da lau herritarren kanporatzeko arrazoien artean. 2023ko urriaren 7az geroztik, palestinarren aldeko ekimen oro isilarazi nahian dabil Alemaniako Estatua, guztia "antisemita" delakoan.
Kanporatze manuekin datorren "intimidazio" fase berri hori salatzeko asmoz, apirilaren 3an eman zuten beraien kontrako prozeduraren berri. Lauek dute kanporaketa horien aurkako salaketa aurkezturik. Schengen espazioa dela eta, Europaren baitako herri batetik europar bat kanporatzea "kasik ezinezkoa" dela dio poloniarrak. Hala ere, auzia politikoa izanen dela argi dute: "Errepresioaren arloan estatua noraino iritsi daitekeen ikusteko proba bat dira kanporatze agindu horiek, eta zaila da aurreikustea zein izanen den epaia".
Palestinan gertatzen ari den genozidioa ikusita, palestinarren aldeko mobilizazioa "urgentziazko ardura" bat dela ohartarazirik bukatzen du bere gutuna poloniar gazteak.
Iruñera heldu da igandean Ibaitik itsasora Palestinaren aldeko martxa, mezu argi batekin: Israelekin harreman ekonomiko guztiak eten. MTorres-en hasi da ibilaldia eta enpresa horrek Israelgo armagintzarekin dituen loturak salatu dituzte. Noainen harrera egin ondoren,... [+]
Guatemala izan zen munduko lehen herrialdea Israelgo Estatua sortzearen aldeko botoa ematen, horrela diote garai hartako kronikek. 1947tik hona, jende askoren iruditeri kolektiboan Guatemala izan zen estatu sionistaren lehen harria jarri zuen lehen estatua.
Ordutik 80 urtera,... [+]
Bi herrialdeek jakinarazi dute ez direla 2026ko Eurovision jaialdira aurkeztuko Israelek parte hartzen jarraitzen badu. Espainiako Gobernuko Kultura ministro Ernest Urtasunek ere iradoki du Espainiak ez lukeela parte hartu beharko.
Osasuna futbol taldeak bat egin berri du AHTren aldeko enpresarien plataformarekin. Baina, "kirola eta politika ez dira nahastu behar" 'koinatuen' esaldirik gogokoena Bilbon gertatutakoaz besterik ez dugu entzun. 23 hilabetez jarraian estatu genozida batek... [+]
Palestinarekin Elkartasunak manifestazio nazionala antolatu du urriaren 4rako. Ostiral honetan Euskal Herriko 130 udaletxeren aurrean protestatzera deitu du Gernika-Palestina ekimenak.
Uztailean Keir Starmerren gobernuak erakunde "terrorista" gisa izendatu zuenetik, Palestine Action taldearen aldeko mezuak erakusteagatik ehunka lagun atxilotu dituzte. Larunbatean manifestazioa antolatu dute Londresen eta beste mila pertsonatik gora atxilotzeko... [+]
2010ean "Mavi Marmara" itsasontzia abiatu zenetik, Palestinarekiko elkartasun itsas operaziorik handiena osatzen du Global Sumud Flotillak. Israelgo Gobernuak terroristatzat jo ditu nazioarteko ekintzaileak.
Bilboko erdigunean amaitu behar zuen txirrindularitza etapak, baina Deustun sartzear zirela antolakuntzak erabaki hori hartu du, helmuga ingurua manifestariz beteta zegoelako. Aurretik ere igaro dira helmuga puntu horretatik, eta istiluak izan dira. Ertzaintzak gutxienez hiru... [+]
“Israelgo Estatuaren enbaxadore” gisa datozen txirrindulariei parte hartzen uzteagatik, zale ugarik protesta egin du Vueltaren aurka, hamargarren etapan. Irunberrin, errepidea mozten saiatu diren herritarrak baztertu eta bi pertsona identifikatu ditu Poliziak.
Oporretan nengoela, gorputza eta burua gozatzera bideratu ditut. Turista bilakatu naiz, eremu digitalean zenbait trebezia dugunontzat, oso erraza. Motxila hartuta familiarekin handik hona ibili naiz, poltsikoan dibisa asko barik, mapa fisiko barik, plan asko barik…... [+]
Kufiya palestinar zapia eramango du Jaizkibel konpainia berdinzaleko kide ugarik, Hondarribiko jaien egun nagusian, Palestinarekiko elkartasuna ikusarazteko. Jaiak eta politika ez nahasteko diotenen aldean, “jaiak ere badira justizia eta eskubideak adierazteko plaza... [+]
Bigarren aldiz gelditu dute Katalunian Espainiako Vuelta Israel-Premier Tech taldearen parte-hartzea salatzeko. Hainbat pertsonak Palestinako banderak atera dituzte eta txirrindularien bidea oztopatu dute Oloten.
Espainiako Vuelta abuztuaren 23tik irailaren 14ra izango da, bertan, Israel-Premier Tech taldeak hartuko du parte. Txapelketaren zuzendari Javier Guillének esan du "ezin dituztela kanporatu, puntuazioa dela eta parte hartzeko eskubidea" irabazi baitute.
Ibilaldiaren helburuak dira, alde batetik, Euskal Herrian kausa palestinarra babesteko sarea ikusaraztea eta aktibatzea, eta, bestetik, sionismoarekin kolaboratzen duten enpresa eta erakundeak salatzea, hala nola CAF, Teva, Carrefour, Zara eta Bardeako tiro poligonoa. Euskal... [+]
Hildako kazetarietako bat Anas al-Sharif da, palestinarren genozidioa zerrendatik kontatzen dutenen artean ezagunenetako bat. Al Jazeera hedabideak adierazi du Israel errudun dela Gazako sarraskia barnetik azaleratzen duten kazetariak nahita hiltzeagatik, eta horrela sarraskia... [+]