“Non dago herritarrak informatuta edukitzeko eskubidea?”
SOS Kurkudi plataformakoek Leioan Domingotarren komentuko lurrek duten babesa ezabatu gura duen proiektu urbanistikoaren gardentasun falta salatu dute, beste behin. Deitoratu dute bertan 25.000 metro koadroko kiroldegi pribatu bat eraiki gura dutela, "helburu pribatu eta espekulatibo hutsakaz", eta horren inguruko informazio falta eta isiltasuna nabarmendu dute.
Plataformako kideek gogoratu dutenenez, 2019ko abenduaren 31n 40 alegazio aurkeztu zizkioten proiektuari, baina ez zuten inolako erantzunik jaso. Azaldu dutenez, "irregulartasunez jositako proiektua da" eta Leioako Udalaren isiltasunaren aurrean, Arartekora jotzea erabaki zuten. "Horren bitartekaritzari esker, 2020ko urrian alegazioei erantzunak lortu genituen", adierazi dute sare sozialetan egindako argitalpen batean.
Horrez geroztik, Udalak proiektuaren izapideakaz jarraitu zuen 2021ean, eta egitasmoa EAEko Lurralde Antolamendu Batzordeari igorri zion, baina ordutik plataformak ez du inolako albisterik jaso egitasmoaren egoeraren inguruan. Horregatik, 2021eko uztailaren 27an, Eusko Jaurlaritzako Lurralde Antolamendurako sailera jo zutela azaldu dute SOS Kurkudikoek, baina jakinarazi dute bide horretatik ere ez dutela inolako erantzunik jaso: "Prozedura horretako postetxeko agiria bakarrik daukagu".
Horregatik, San Bartolome eta Artatzaganako Auzo Elkarteak eta Auzotarrok kultur elkarteaz gain, Kurkudi mendiaren hegaleko birkalifikazio- eta eraikuntza-proiektuaz kezkatuta dauden pertsonak biltzen dituen plataformak, egitasmoaren egoera administratiboaz galdetu du, beste behin. Gainera, egitasmoan sartuta dauden erakundeen isiltasunaren arrazoiengatik ere azalpenak eskatu dituzte, "interesatuta dauden alderdiak, eta, oro har, herritarrak informatzeko eskubideagatik".
Europa barruan hegaldiak hartzea trenez bidaiatzea baino 26 aldiz merkeagoa izan daiteke, 31 herrialdetako 142 ibilbidetan oinarritutako Greenpeaceren ikerketa baten arabera. Hegaldien zerga pribilegioei egotzi die desparekotasuna, eta trenbidea merketzeko neurriak eskatu ditu.
Garmendi mendi gidaritza zerbitzuaren bitartez zeharkaldi eta ateraldiak antolatzen ditu Ibai Iturriak. Argitara eman diren datuekin kezkatuta, mendian "kontzientziaz eta arduraz" jokatzearen beharra azpimarratu du.
Txinako Qinghai enpresak atzera egin eta ez ditu 257 milioi euro inbertituko potasa meategi proiektuan. Finantzaketarik gabe ez ezik, Muga meategia ustiatzeko lizentzia ere ez du proiektuak, 2024ko urrian Nafarroako Justizia Auzitegiak bertan behera utzi... [+]
Bero boladek, haizeak eta lehorteek suteak pizteko aukerak bikoiztu dituzte Europan. Portugal, Espainia, Grezia eta Turkia pairatzen ari dira suterik handienak. Milaka suhiltzaile eta herritar ari dira suaren kontra borrokan Europa hegoaldeko herrialdeetan.
Tenperatura igoera dago aurreikusita datozen egunetarako, eta, sute arriskuak ekiditeko, ostegun iluntzeko 20:00etatik aurrera debekatuta egongo da uzta lanak egitea. Aurretiaz ere neurriak hartuta zituen gobernuak, baina Zarrakazteluko sutea kontrolpean izanda, neurriak malgutu... [+]
Ostiraletik aurrera ur murrizketak ezarriko dituzte Euskal Hirigune Elkargoak barne hartzen dituen eta alerta egoeran dauden 158 herritan, eta metereologia zerbitzuek abisu horia ezarri dute trumoien arriskuagatik. Hego Euskal Herrian, berriz, leku ugaritako termometroek 40... [+]
Bakoitzak 1.680 eguzki panel izango ditu, eta megawatt bateko potentzia. Enpresak hiru urteko epea izango du Muga eta Val izeneko instalazio fotovoltaikoak eraikitzeko.
Munduko hainbat txoko zeharkartzen dituzten ibaiek, bizirik dauden heinean, euren begirada propioa dute mundua bera ikusteko. Gizakiaren garapenaren testigu isilak dira: hirigintza, gerra, kutsadura, uholdeak... dituzte ikusmiran, baita euren bazterretan etengabe ernetzen diren... [+]
Eusko Jaurlaritzako Industria, Trantsizio Energetiko eta Jasangarritasun sailak ingurumen baimena ukatu dio Piaspe egitasmoari, Statkraft enpresak Azpeitia, Zestoa eta Errezil artean eraiki nahi dituen errotek eta argindarra garraiatzeko azpiegiturek eragingo... [+]
Suhiltzaileek itzaltze lanetan jarraitzen duten arren, egonkortu dute kontrolik gabeko sutea. Espainiako Gobernuak larrialdi aurreko faserako plana onartu du, autonomia erkidegoen eta Espainiako Gobernuaren arteko komunikazioa hobetzeko; dena den, larrialdien kudeaketa autonomia... [+]
Larunbat gauean hasi zen sutea Zarrakaztelu eta Figerol lotzen dituen errepideko pinudi batean. Herritarrentzat arriskurik ez dago momentuz, gobernuak adierazi duenez. Gizakiek eragindako sutea dela jakinarazi du gobernuak.
338 hektarea erre ditu astearteko suteak. Nekazarien sindikatuak haserre agertu dira Nafarroako Gobernuak suteak saihesteko ezarritako murrizketekin. Asteazkenean beste sute bat piztu da Artaxoa eta Añorbe artean, baina hura ere kontrolpean dute suhiltzaileek.
Erabilera bakarreko plastikoen ekoizpenari eta erabilerari jarri nahi dizkiete mugak bereziki. Plastikoaren ekoizpena bikoiztu dute mende hasieratik, eta igoera horren arrazoia erabilera bakarreko plastikoak dira nagusiki.