Hezkuntzan egun osoko grebara deitu dute urriaren 15erako, Hego Euskal Herrian
Haurreskoletatik unibertsitateraino, hezkuntza sistema osoan egun osoko grebara deitu dute sindikatuek Hego Euskal Herrian, Palestinarekin elkartasunez. Urriaren 15erako lantokietan deitu dituzten lanuzte eta mobilizazioak indartzera dator deialdia.
Palestinako herriarekiko elkartasuna adierazteko eta Israelengandik jasaten ari diren genozidioa eta gizateriaren aurkako krimenak salatzeko, lanuzteak eta mobilizazioak deituta dauden egunean, urriaren 15ean, lanuztea egun osokoa izango da hezkuntzan, ELA, LAB eta STEILASek hala deituta.
Salaketa berberekin, deialdia zatituta egin dute sindikatuek. Alde batetik, LABek eta STEILASek batera deitu dute greba: besteak beste, genozidioaren “berehalako amaiera” emateko eta Palestinaren okupazio nahiz kolonizazioa amaitzeko “irtenbide integrala” aldarrikatu dute, instituzioei exijitu diete Israelgo Estatuarekin merkataritza-harreman oro bertan behera uzteko, eta Europar Batasunari eskatu diote Israelgo Estatuarekin duten Elkartze Hitzarmena bere osotasunean eteteko. Fokua hezkuntzan jarrita, “hildako adin txikikoren basakeria” bereziki salatu nahi izan dute.
ELAk, bere aldetik, “genozidioa geldiarazteko tresna guztiak aktibatzera” eta Israelekin dituzten harreman komertzial nahiz diplomatiko guztiak etetera interpelatu ditu Hego Euskal Herriko eta Espainiako gobernuak, baita Euskal Herriko enpresak ere. Eta gehitu du, Trumpek berriki iragarritako plana hizpide, ezin dela onartu Israelek eta AEBek “Gazako herritarrei planteatutako xantaia”.
Euskal Herriko gainerako sindikatuekin ez, baizik eta Galiziako CIG eta Kataluniako Intersindikalarekin batera egin du ELAk urriaren 15erako lanuzte deialdia. Bere hitzetan, “ELAk egiten duen irakurketa eta interpelazioekin ez dute bat egin beste deitzaileek”. Gehitu du “ezinbestekoak diren gaiak” beste sindikatuekin landuko dituela, “langileen artean gaizki-ulertuak ekiditeko”, baina mezu, aliantza eta mobilizazioak aparte ere landuko dituela.
Hezkuntzak hasieratik salatu du genozidioa
Hezkuntza arloa hasieratik inplikatu da Palestinar herriari elkartasuna adierazteko. Horren adibide da Gure haurrak ere badira ekimena, zeinak ekintza ugari antolatu dituen ikastetxeetan, genozidioaren inguruko kontzientzia hartu eta salaketa hedatzeko. Ikasle Abertzaleek deituta ere, berriki egin dute greba milaka ikaslek, “Israelgo Estatuaren eta bere konplizeen aurka”. Ikamak, aldiz, bat egin du urriaren 15erako sindikatuen deialdiekin, eta ikasleak grebara deitu ditu.
Palestinan gertatzen ari denarekiko haurrak ekidistantzian heztea ezinezko bihurtu da ikastetxe (eta etxe) gero eta gehiagotan. Adinaren arabera zer eta nola kontatu konplexua izan badaiteke ere, giza eskubideak, heriotza, injustizia… mintzagai dira ikasgela gero eta gehiagotan, eta hala kontatu dugu ARGIAn.
Eskolak gero eta arazo psiko-sozial eta emozional gehiago antzematen dituen garaiotan, zein dira ikasleek azaleratzen dituzten korapilo nagusiak? Nola kudeatzen dute hezitzaileek hori guztia eta noraino iristen da eskola? “Hainbat kasuk gainezka egiten digu, baina ezin... [+]
Konplitu da Txirritaren esana: ‘Nire aipamenak izango dira / beste laurogei urtean’. 1936an hila, txitean-pitean dabiltza oraindik haren bertsoak. Horixe bera da Rekarteren kasua. 50 urte baino gehiago dira Arabako lautadan Aguraingo eta Araiako ikastolak sortu... [+]
Heziketan egin beharreko aldaketak etengabe dira hizpide, gizarte-eraldaketari begira heziketak duen garrantziaz jakitun, horra begira jarri beharra duelako modu batean ala bestean bizitza-eredua aldatu nahi duen edozeinek. Eginkizun horretara jarritakoan, baina, curriculumaz... [+]
Ikastetxean nolako jolastokia nahi duten gogoetatu eta proposatu dezakete Iruñeko Haur eta Lehen Hezkuntzako eskola publikoek. Horietako bi proiektu hautatu eta martxan jarriko ditu udalak datorren ikasturtean bertan, profesionalek lagunduta. Hainbat eskolak “ez du ez... [+]
Eusko Jaurlaritzak "Eskola inklusibo, ekitatibo eta kalitatezkoaren aldeko mahai" berria osatu duten gizarte-eragileei Euskadiko eskola-segregazioaren hasierako diagnostikoa eta erantzuna izeneko txostena banatu die, eztabaidatu eta adostasunak lortzeko. Debateak, beraz,... [+]
"Ikasleok ez dugu genozidioa onartzen; ikasleok Flotilla babesten dugu; ikasleok ez dugu Trumpen planean sinesten, eta Palestina askatu nahi badugu, Israelen aurka borrokatu eta Israel suntsitu behar dugu", azaldu du IAk.
Hemeretzi herritan izango dira IAk antolatutako mobilizazioak, "Israelgo Estatu sionista eta terroristaren genozidioa salatzeko".
Batzuentzat, erakargarria, motibagarria, parte-hartzailea eta dinamikoa; besteentzat, nahasgarria, konplexua, zentzu pedagogiko argirik gabeko jolasa. Matematika ikasteko Euskal Herriko gero eta ikastetxe gehiagotan sartzen ari den Innovamat metodologiak iritzi kontrajarriak,... [+]
Oso orokortuta dagoen praktika apurtu duten kasu bakan batzuen berri izan du ARGIAk: 3 urteko ikasgeletako irakasleek eurek erabakita, aurten ez dute egokitzapenik egin gela horietan. Non da egokitzapena borondatezkoa, zer dio legeak eta zer adituek? "Beti eman behar da... [+]
Nafarroako Hezkuntza Departamentuak 3 urteko geletako ratioa 20 umera jaistea hitzartu berri duenean, bestelako errealitatea salatu dute Irurtzungo Atakondoa ikastetxeko gurasoek: tutore bakarrak behar ugari dituzten 24 umeren aniztasunari erantzun eta akonpainamendu egoki eta... [+]
Ikasleen gurasoek salatu dute garraio publiko zuzenik ez dagoela eskualdetik Kanpusera heltzeko eta Renferen zerbitzuak luzatzen duela egunero bidaia, ia lau ordura heldu arte.
Palestinan gertatzen ari diren gizadiaren aurkako krimenak “berariaz gaitzesten ez dituzten” Israelgo erakundeekin harremanik ez izateko 2024ko apirilean EHUko Gobernu Kontseiluak hartu zuen konpromisoaz gain, beste urrats bat eman du euskal unibertsitate publikoak... [+]
Orain arte ez dugu aipatu, baina bada 6-12 urte arteko umeen kirol jarduerari –aisialdiari, oro har– lotuta dagoen eta azpimarratzea merezi duen beste osagai bat: hizkuntza erabilera. Zentzu horretan, euskararen arnasgune dira Eskola Kiroleko programak, lekuan lekuko... [+]
Aurrerantzean, Gipuzkoako klub batean jokatu nahi duen 8-12 urteko umeak ez du derrigorrez Eskola Kirolean parte hartu beharrik izango, EAEko Auzitegi Nagusiak hala ebatzita. Multikirol ereduaren kontrako errekurtsoa jarri duen familiaren hitzetan, ez da bidezkoa erakundeek... [+]