Debekaturiko 122.000 tona pestizida esportatu ditu 2024an Europar Batasunak
Public Eye eta Unearthed Gobernuz Kanpoko Erakundeek eman dute gehiegikeria horren berri irailaren 23an plazaraturiko txostenean. Inportatzaileen zerrendan 93 herrialde ageri dira, eta horietatik hiru laurdenak diru sarrera txikiak edo ertainak dituzten herrialdeak dira.
"Kolonialismo kimikoa" deitzen diote gehiegikeriari Public Eye eta Unearthed Gobernuz Kanpoko Erakundeek irailaren 23an plazaraturiko txostenean: bere lurraldean debekaturiko 122.000 tona pestizida esportatu ditu 2024an Europar Batasunak. Praktika horiek gelditzeko engaiamendua hartu zuen 2020ko urrian Europako Batzordeak, baina gauzatu gabeko hitzak dira oraingoz. Gainera, produktu kimiko arriskutsuen esportazioak ez doaz ahulduz: 2018%50 emendatu da 2018 urteari alderatuta.
Europako esportazioak izugarri hazi dira, batez ere, 2018az geroztik ehun pestizida berri debekatu direlako, eta, ondoren, produktu kimiko arriskutsuen esportazioari buruzko legediaren mende dauden substantzien zerrendara gehitu direlako. Erran gabe doa, seguruenik aurretik ere esportatzen zirela azken horiek, baina legalak izanda ez zirela kalkuluetan kontuan hartuak.
Orotara debekaturiko 75 pestizida agertzen dira esportatutako produktuen artean. Horien artean daude, adibidez, dikloropropenoa (1,3-D), fruta eta barazkien laborantzan erabiltzen den pestizida eta 2007tik EBn debekatua dagoena; pikoxiloestrobina, 2017tik debekatua dagoen fungizida, bere efektu genotoxikoengatik; edota fipronila, 2017tik debekatua dagoen intsektizida, polinizatzaileetan dituen ondorioengatik.
Ehunka "esportazio-jakinarazpenen" analisian oinarritzen dira ikerketaren emaitzak, hau da, enpresek EBn debekatutako produktu kimiko arriskutsuak esportatu nahi dituztenean bete behar dituzten dokumentuetan.
Kalteak, Hegoko hemisferioko herrietan
Inportatzaileen zerrendan 93 herrialde ageri dira, eta horietatik hiru laurdenak diru sarrera txikiak edo ertainak dituzten herrialdeak dira. "Hegoaldeko herrialdeetan ondorioak lazgarriak dira: gaixotasunak, kutsadurak, heriotzak. Merkataritza hori kolonialismo kimikoaren logikan oinarritzen da", irakurri daiteke ikerketan. Hain zuzen, mundu mailan arriskutsuenak diren produktu toxikoen artean dira Europak kanpoko herrialdetara saldutakoak.
Marcos Orellanak, Nazio Batuen Erakundeko Produktu Toxiko eta Giza Eskubideen Txostengileak, bere aldetik, "estandar bikoitz gorrotagarri bat" deitoratu du, edota bestela erranda "arraza konnotazio nabaria duen esplotazio modu moderno bat".
"EBk ez luke koherentziarik izango produktu toxikorik gabeko ingurune baterako duen anbizioan, erabilpena EBn baimenduta ez duten produktu kimiko arriskutsuak bertan ekoitzi eta gero esportatu ahal izanen balira", zioen Virginijus Sinkevičius Europako orduko Ingurumen komisarioak, gehiegikeria horri lotutako kontsulta publiko bat abian jarri zuenean. Estatu kide guztiek modu "harmonizatuan" bideratuko zuen aldaketaren alde hartu zuen engaiamendua. Public Eye eta Unearthed Gobernuz Kanpoko Erakundeek argiki frogatu dute bi urte pasa diren honetan esportazio horiek beti hor jarraitzen dutela.
Bestalde, AEBak ere hor ageri dira, inportatzaile nagusi gisa, beraien legeria anitzez malguagoa izanik.
Lobbyak eta eskuin muturra
Esportazio horien bukaera gauzatu eza azaltzeko hainbat arrazoi zerrendatzen dituzte txostenean: agroindustriaren aldeko lobby indartsuak, Donald Trump berriz botera heldu eta Europar Batasunean ere eskuin muturrak gora egin izana.
Glifosato herbizida erabiltzeko baimena beste hamar urterentzat luzatu zuen azaroaren 16an Europako Batzordeak. Erabaki inkoherentea, ikusirik produktuaren toxikotasuna frogatzen duten ehunka ikerketa zientifiko daudela publikaturik. Inkoherentea ere, jakinik AEBetako 113.000... [+]
Zenbat eta gehiago egon intsektiziden eraginpean, orduan eta txikiagoa da espermatozoideen kontzentrazioa. Ondorio hori atera dute azken 50 urteetan mundu osoan egindako 25 ikerketa berrikusita. Environmental Health Perspectives aldizkarian argitaratu dute azterketa.
Herbizida kutsagarria debekatzeko adostasunik ez dute lortu Europako Batzordeko 27 herrialdeek eta ondorioz abenduaren 15ean iraungitzen zen erabileraren baimena luzatu dute, hainbat murrizketekin. Nekazaritzan oso erabili izan den Bayer multinazionalaren produktuak minbizia... [+]
Glifosatoa baliatzeko hamar urteko luzapena babestu du Europako Batzordeak. Herbizida gisa munduan gehien erabiltzen den produktu kimikoa da, eta potentzialki minbizi sortzaile izateagatik ezaguna da.
Eternoak deitzen diete, betierekoak. Ez dute su hartzen, ez dira hausten eta betirako irauten dute. PFAS izeneko konposatuak duela ia mende bat sintetizatzen hasi zirenetik, gauza askotarako erabili izan dira, berdin zartaginean arrautza ez itsasteko nola mendiko txamarraren... [+]
Europar Batasuneko erakundeek adostuta, amiantoaren inguruko zuzentaraua aldatu eta minbizia sortzen duen mineralarekiko gehienezko esposizio-maila murriztu dute ekainean. Horretarako, funtsezkoa izan da Nantesen Tripode izeneko eraikinean frantziar administrazioko langileek... [+]
Milaka lagun ebakuatu behar izan dituzte, leherketak izateko arriskua dela-eta. Agintariek larrialdi-egoera ezarri dute Ohioko East Palestinen, istripua gertatutako herrian.
Ekologistak Martxan elkarteak ikerketa egin du 2020ko plagiziden erabilera datuekin. Elikagaien %35etan atzeman dute pestiziden hondarrak; gehienbat frutan, barazkietan eta arrainean. Espainiako Estatuko erakundeei informazio falta egotzi diete, eta debekatutako... [+]
Zeelanda Berriko Canterbury Unibertsitateko hainbat ikerlarik egin dute aurkikuntza, baina ez dakite noiztik dauden mikroplastikoak bertan.
Airean antzemandako bentzenoaren gaineko ardura agertu du Durangoko Udalak, eta Durangorako eta Iurretarako azterlan partekatu bat eskatuko dio Eusko Jaurlaritzako Ekonomiaren Garapen, Iraunkortasun eta Ingurumen Sailari, identifikatu dezan bentzenoaren jatorria. Udalaren... [+]
“Arto indigena babesteko” eta “elikadura burujabetzaren alde” hartu zuen Mexikoko Gobernuak arto transgenikoen ekoizpena eta inportazioa baita glifosatoa deitu herbizida ere debekatzeko erabakia 2020ko abenduaren 31n. Orduz geroztik, atzera... [+]
Gasoilezko motorren kutsaketak faltsutzen zituztela-eta, duela bost urte Dieselgate delakoak astindu baldin bazuen autogintzako industria, eskandalu berri bat egon daiteke lehertzeko zorian egunotan, Hybridgate deitu beharko genukeena: Transport & Environnement GKEak... [+]
CO2-ak berriro lortu aurreko marka haustea: atmosferan gas horrek dauzkan milioi partetatik 417,1 izatera iritsi da, Hawaii uharteetan (AEB) maiatzean egindako neurketen arabera. Duela urtebete baino 2,4 zati gehiago milioi bakoitzeko. Ageri denez, COVID-19ak eragindako... [+]
Ikerketa berri batek azaleratu du biberoi bidez elikatzen diren umeek milioika mikroplastiko irensten dituztela egunean eta bilioika nanoplastiko litro bakoitzeko. Uste zena baino askoz gehiago da hori eta zerikusia du biberoiak esterilizatzeko eta formula-esnea prestatzeko... [+]
Uztailaren 12an New York Times-ek argitaratu zuen: “AEBetan fracking enpresak kiebra jotzen ari dira, iturrien inguruetan bizi direnei utziz pozoi arriskutsuzko kutsadurak eta herritar guztien bizkar hauek garbitzeko kosteak”. Kronikaren hasieran honako kasu bat... [+]
