Memoria historikoa Euskal Herriko eskoletara daraman tresna

  • Aurreko belaunaldiek 1936ko gerran eta Francoren diktaduran bizi izandakoez egungo ikasleek gero eta gutxiago dakitelako kezkatuta, garai hartaz Euskal Herrian egin diren lanen eta jaso diren testigantzen bilduma egin eta ikastetxeetan lantzeko materiala sortu du irakasle talde batek. “Iraganean isilarazi eta ezkutatu zuten horren inguruko egia belaunaldi berriek ezagutzea eta bilatzea” dute helburu.


2019ko urriaren 23an - 13:09

Gasteizko Koldo Mitxelena institutuko irakasleek sortu dute Oroimenaren harra, eta memoria historikoa ikasgelan lantzeko hainbat baliabide proposatzeaz gain (webguneak, liburuak,  abestiak, ikus-entzunezkoak, eskultura eta margoak, antzezlanak… ageri dira, hala nola Izarren argia pelikula edota Francoren bilobari gutuna antzezlana), Derrigorrezko Bigarren Hezkuntzan eta Batxilergoan lantzeko unitate didaktikoak prestatu dituzte.

Martxoak 3, Gernika, Germán Rodríguez…

Unitate didaktikoen artean aurkitu ditzakegu, esaterako, martxoaren 3an gertaturikoa aztertzeko unitate didaktikoa, Armairuak Irekiz (homosexualitateari lotutako oroimen historikoa lantzeko), emakumeek izan zuten rola aztergai dituen lau unitate, zuzeneko testigantzak oinarri hartzen dituen lanketa, Gernikako bonbardaketak literaturan izan duen errepresentazioa, 1978ko Sanferminetan eta Germán Rodríguezi gertaturikoa gogora dakarren unitatea…

Hezkuntza komunitatearen bidez, bizipen horiek guztiak ahanzturan ez erortzea da xedea; “azken batean, errepresioa jasan zuten horien omenez justizia egitea”.


Kanal honetatik interesatuko zaizu: Hezkuntza
2024-05-17 | UEU
37 euskal ikertzailek hartu dute parte Txiotesia7 lehiaketan

37 euskal ikertzailek hartu dute parte asteartean Txiotesia7 lehiaketan. Mastodon eta X/Twitter sare sozialetatik zabaldu zituzten beren ikerketa lanak, euskaraz.


Itxialdiak egin dituzte Iruñerriko institutuetan Gazaren alde, nahiz eta Nafarroako Gobernuak espresuki eskatu ez baimentzeko

Astearte gauean Israelen genozidioaren aurkako itxialdia "normaltasunez" egin dute DBH eta Batxilergoko ikasleek Iruñerriko hainbat institututan, ARGIAri kontatu diotenez. Itxialdi horiek egin ez zitezen saiatu da Nafarroako Gobernua, astearte eguerdian... [+]


Heziketa perfektuaren sindromea: nekeak jotako gurasoak eta presioak itotako haurrak

Heziketa perfektua jasoko duen seme-alaba perfektua izateko nahiak eta espektatiba eta lorpenetan oinarritutako kulturak estresa, antsietatea eta jarrera arazoak sortzen dituzte, eta zabalduta dagoen fenomenoa da gainera. Hala dio ikerketa berri batek.


Pantailarik gabeko aisialdiari ekin diote 1.553 ikaslek Ipar Euskal Herrian

Hamar egunez, aisialdi orduetan telebista, bideo-joko eta smartphoneak alboratuko dituzte gutxienez 1.553 ikaslek, Ipar Euskal Herrian. Helburua lortzeko, pantailarik gabeko alternatibak diseinatu dituzte aisialdirako, denok bat eginik deskonexio digitala errazagoa dela... [+]


Eguneraketa berriak daude