aurre egingo dieten hedabide independenteak
Hamar minutu igaro dira lur hartu dugunetik. Bizkaiko kostatik sartu, Leioa gainetik igaro eta gurpilek ordeztu dituzte hegalak Loiun. Bosteko ilaretan irten behar omen da hegazkinetik eta gu hogeita zazpigarrenean gaude zain. Estatubatuarren ikerlanek diote istripu bat egonez gero, bizirauteko probabilitate gehiago duela hegazkinaren atzealdean eserita doan bidaiariak, baina probabilitateak probabilitate, oraingoz lehenengo bost ilaretako “space plus” aulkietakoak aireportuan daude lasai, eta gu aldiz titanio/altzairu/aluminio aleazio erraldoi honen barruan tinko.
Makina, makina, makina.
Gure txanda iristen denean gainezka egitear dauden motxilatxoak bizkarrean hartu, pasarela estua igaro eta komunetara joko dugu zuzen. Gero, Bilbora eramango gaituen autobusa hartzera bidean, ingurura begiratu eta munduko zirrikiturik erakargarrienak proiektatzen dituzten pantaila eta kartelekin egingo dugu topo nahi gabe. Londres, Frankfurt, Paris. Marrakech, Tanger, Cabo Verde. Bali? Bali. Besteren batean beharbada; oraingoz, welcome to the Basque Country.
Makina, makina, makina. Galduko dugu berriz ere denboraren monopolioa
Barik txartela bilatu, atera, ordaindu, eseri eta hirirantz abiatuko gara. Kaskoak bilatu, atera, jarri eta play: Bueltan da, Bulego. Skip. Mundu guztiak gorroto du…, Nakar. Hobeto. Dena den, ezin ukatu bueltan denik. Bueltan zer? Makina. Nik taupaka dut burua, zuk nahasia sabela, hark nazka aurpegia du. Aspaldi hasi zen aurrerako atzera kontaketa: abuztuak 28, abuztuak 29, abuztuak 30… Bueltan da iratzargailua, kafea, Mr Wonderful-en agenda eta bizkarretik bultza egiten dizun errutinaren mamua.
Makina, makina, makina. Galduko dugu berriz ere denboraren monopolioa.
Aurtengo ekainean izan omen zen Bilbotik New Yorkera lehenengo hegaldia. Tira, ba ez, ez dezala inork pentsa gurea izan denik Bad Bunny-ren Un Verano en Nuevayol, gurea izan da Un Verano en Hegaldi Merkeenak Eraman Gaituen Tokian. Supermerkatuan ia iraungitako entsaladak erosi eta berriz ere atzera egin behar izan dugu egunero kartoizko sardexken bila. Gurea izan da Un Verano en Gazteentzako Deskontua Dagoen Tokian. Eta hala ere ondo, hala ere nik taupaka dut burua orain, zuk nahasia sabela eta hark nazka aurpegia du.
Makina, makina, makina. Galduko dugu berriz ere denboraren monopolioa.
Utziko gaitu autobusak Bilboko geltokian eta plastikozko aulkietan erdi botata itxarongo dugu makinetako Chocobom zuriak jan bitartean. Garestitu egin dira, ez? Hamar minutu berandu baina badator La Unión; berriz ere kaskoak bilatu, atera, jarri eta play: Zeinen ederra izango den, Zetak. Skip. Itzulera, Zetak. Skip. Skip, skip, skip. Gaur itzultzeak ez digu graziarik egiten.
Klink, klank, klunk. Makina martxan hasten denean, nork du gelditzeko indarra? Galduko dugu berriz ere denboraren monopolioa. Klunk, klank, klink.
Eramango gaitu autobusak etxera eta desegingo ditugu lehertzear dauden motxilatxoak. Mamu txiki baten eskua nabarituko dugu poliki-poliki gure bizkarrean pausatzen eta xuxurlatuko digu beste motxila batzuk betetzeko ordua heldu dela. Langileak lanera.
Brum, brum, brum! Makina martxan hasten denean, nork du gelditzeko indarra?
Oraingoz drama handirik ez, hogeita zazpigarren ilaran eserita jarraitzen dugu.
Irail on denoi.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Donostia arpilatua, bortxatua eta propio erreta Espainiako independentziaren alde 1813ko abuztuaren 31n.
1808an Napoleon enperadoreak Baionan bildu zituen elkarren aurka borrokatzen ari ziren Espainiako errege aita-seme borboiak, Carlos IV.a eta Fernando VII.a, biek nahi... [+]
Sarriegi jokatzen dugu erreaktiboki Euskal Herrian eta Euskalgintzan. Albiste bat, elkarrizketa bat, epai bat, eraso bat. Ondoren, erantzuna. Tamalez, berriro ere inertzia berak nakar Ander Gurrutxagaren elkarrizketa euskarafoboa aztertzera. Gustura gelditu zen, tartean zera... [+]
Euskararen (euskaldunon) aurkako oldarraldiak ertz ugari ditu; horietako bat fronte mediatikoa da, Voxento taldea buru eta PSOE-CCOO-UGTko kide ezagunak ekintzaile nagusi. Sarri eskaintzen digute idatziren bat, barnera dezagun Euskal Herriko hizkuntza ofizialetatik zein diren... [+]
Duela gutxi, Netanyahuren gobernuak, AEBen baimenarekin, legez kanpoko jarduerarekin jarraitzea erabaki du Gazan, eta zerrenda osoaren kontrola hartzea. Historia pixka bat egingo dut ez zaidalako zuzena iruditzen komunikabide edo kazetari batzuek Gazan gertatzen ari dena 2023ko... [+]
Abuztu honetan polemika berri bat piztu digute, beste behin, belarrondokoa ematea baino larriagoa izan dena. Azken hamabost urte baino gehiagoan, Glen Cree ekimenetik hasi, Estatu bortxaren biktimei aitortza legala emateko mekanismoen sorreratik segitu eta herri honetan ireki... [+]
Abuztuaren 15ean Vladimir Putin eta Donald Trump Alaskan bildu ziren. Ofizialki, Ukrainako gerrari amaiera emateko bidean beste urratsen bat emateko. Baina Gazan milaka pertsona hiltzeko gupidarik ez duen politikariak serio esan al dezake penagarria eta tristea dela Ukrainan... [+]
Duela egun gutxi 6.000 alegazio baino gehiago aurkeztu dira Azantzan eta Sarbilen poligono eoliko berri bat eraikitzeko proiektuaren aurka. Antzeko beste proiektu batzuetan bezala, herritar eta talde antolatuen ahaleginari, antolaketari eta lanari esker egin da alegazioendako... [+]
Artikulu bati zer nolako izenburua jarri ez da aise hautatzen, ezta? Hasiera batean, “euskaldun gezurti, tranpatiak” bezalako izenburua idazteko asmoa nuen, baina inor mintzeko gogorik ez dudanez, goikoari eutsi diot, ene gogoetaren muina hobeto ulertaraziko... [+]
2025ean hazkunde ekonomiko txikia (%0,6) ez da gai izango langabezia-tasak %8ko muga gainditzea saihesteko; Zor Publikoak bi bilioi euro (BPGren %115) gainditzen ditu EK-k ezarritako %60aren oso gainetik, eta Gastu Publikoak estratosferan jarraitzen du.
Horri gehitu behar... [+]
Eskubide linguistikoen ikuspegi integratzaile baten eskaintza dugu gaurkoa.
Espainiako supremazismo linguistikoa osasuntsu eta bizkor ageri zaigu, “hooligan” samalda anitz baten babesaz eta komunikabide indartsuez sustatua. Azken aurreko lagina Santi Martinezena... [+]
Euskal Herri osoan —beste herrialdeetan bezalatsu— jairik ez da falta. Negu giroan ere asko badira ospatzen direnak, uda-garaian ez da festa gabeko egunik. Egun-argi luzeak eta gau epelak jendea etxe zuloetatik kanpora, kalera ateratzeko aproposak dira eta jai giroan... [+]
Azken asteetan bolo-bolo dabil Poliziaren eta, zehatzago esanda, Ertzaintzaren gaineko eztabaida. Tamalez, eztabaida piztearen arrazoia ez dira horiek Euskal Herri Langilearen kontra erabiltzen dituzten biolentzia eta jazarpen sistematikoa. Horren ordez, Ertzaintzaren eta bere... [+]
Artikulu honek badu testuinguru bat lerroburuaren gainetik, Hernaniko Udalean Kontxita Beitiak aurkeztutako Euskal Euskal Errepublikaren aldeko mozioa onartu ez izana. Harira!
Prozesu heterokronikoa
Kultura judeokristau, musulmana eta platonismoaren ustez, denbora aurrera... [+]
Hemengo politikariek haien diskurtsotan immigranteen etorreraren alde edo kontra egiten dute. Immigrante ez-zurien etorreraren alde edo kontra, noski. Beste mugimenduak ez dut uste gehiegi inporta zaizkienik, edozein alderditakoak izanik ere. Tronu altu-altu batetik begiratzen... [+]
Duela gutxi Eusko Jaurlaritzak bultzatutako "Euskadiko Osasun Ituna" izenekoaren porrota ez da anekdota politiko soil bat, ezta osasun-kudeaketan unean-uneko estropezu bat ere. EAEko osasunaren ikuspegi kolektibo, inklusibo eta benetan publiko bat galtzea politika... [+]